TRS government is ready to help the poor | పేదలను ఆదుకునేందుకు టీఆర్‌ఎస్ ప్రభుత్వం సిద్ధం : ఎమ్మెల్యే మాగంటి గోపీనాథ్‌

బంజారాహిల్స్:  అనారోగ్యంతో బాధపడుతున్న పేదలకు అండగా నిలిచేందుకు టీఆర్‌ఎస్ ప్రభుత్వం ఎల్లప్పుడూ సిద్దంగా ఉంటుందని జూబ్లీహిల్స్​‍ ఎమ్మెల్యే మాగంటి గోపీనాథ్‌ అన్నారు. రహ్మత్‌నగర్‌ డివిజన్‌కు చెందిన ఇద్దరు లబ్దిదారులకు సీఎం రిలీఫ్‌ఫండ్‌ కింద మంజూరయిన చెక్కులను ఎమ్మెల్యే మాగంటి శుక్రవారం జూబ్లీహిల్స్​‍లోని తన కార్యాలయంలో అందజేశారు.

రహ్మత్‌నగర్‌ డివిజన్‌కు చెందిన బాలకృష్ణ అనే వ్యక్తి చికిత్స కోసం రూ.48వేలు, నాగేశ్వరి అనే మహిళకు రూ.20వేల చెక్కును ఎమ్మెల్యే మాగంటి అందజేశారు. ఈ సందర్భంగా ఎమ్మెల్యే మాగంటి మాట్లాడుతూ.. పేద ప్రజల సంక్షేమమే లక్ష్యంగా టీఆర్‌ఎస్ ప్రభుత్వం పలు రకాలైన పథకాలు ప్రవేశపెట్టి అమలు చేస్తోందన్నారు.

పేదలకు న్యాయం కలుగుతుంటే ప్రతిపక్ష పార్టీలు జీర్ణించుకోలేకపోతున్నారని ఆరోపించారు. ఈ కార్యక్రమంలో రహ్మత్‌నగర్‌ కార్పొరేటర్‌ సీఎన్‌.రెడ్డి, డివిజన్‌ అధ్యక్షుడు మన్సూర్‌, ప్రధాన కార్యదర్శులు సుబ్బరాజు.శ్రీనివాస్, నాగరాజు, షరీఫ్‌, ఫయాజ్‌, సమద్‌, ఇలియాజ్‌, విశాల్‌, శ్రీధర్‌ తదితరులు పాల్గొన్నారు.