కార్మికులకు అండగా ప్రభుత్వం

కార్మికులకు ప్రభుత్వం అండగా ఉంటుందని టీఆర్‌ఎస్‌ జిల్లా అధ్యక్షుడు, ఎమ్మెల్యే మాగంటి గోపీనాథ్‌ అన్నారు. ప్రపంచ కార్మిక దినోత్సవం సందర్భంగా ఆదివారం రహ్మత్‌నగర్‌ డివిజన్‌ సెంట్రింగ్‌ యూనియన్‌ అసోసియేషన్‌ వారు ఏర్పాటు చేసిన ‘మే డే’ కార్యక్రమంలో పాల్గొన్నారు

ఎమ్మెల్యే మాగంటి గోపీనాథ్‌
ఘనంగా మేడే దినోత్సవం

జూబ్లీహిల్స్‌/ అమీర్‌పేట్‌/ బన్సీలాల్‌పేట్‌, మే1: కార్మికులకు ప్రభుత్వం అండగా ఉంటుందని టీఆర్‌ఎస్‌ జిల్లా అధ్యక్షుడు, ఎమ్మెల్యే మాగంటి గోపీనాథ్‌ అన్నారు. ప్రపంచ కార్మిక దినోత్సవం సందర్భంగా ఆదివారం రహ్మత్‌నగర్‌ డివిజన్‌ సెంట్రింగ్‌ యూనియన్‌ అసోసియేషన్‌ వారు ఏర్పాటు చేసిన ‘మే డే’ కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ ముఖ్యమంత్రి కేసీఆర్‌ కార్మికుల పక్షపాతి అని, కార్మికుల కోసం అనేక సంక్షేమ పథకాలు ప్రవేశపెట్టారన్నారు.కార్యక్రమంలో కార్పొరేటర్‌ సీఎన్‌ రెడ్డి, టీఆర్‌ఎస్‌ డివిజన్‌ అధ్యక్షుడు మన్సూర్‌, ప్రధాన కార్యదర్శి శ్రీనివాస్‌, యూనియన్‌ అధ్యక్షుడు అహ్మద్‌, యాదగిరి, బంగారి తదితరులు పాల్గొన్నారు.

• మేడేను పురస్కరించుకుని సనత్‌నగర్‌ ఈఎస్‌ఐసీ ఆవరణలో నిర్వహించిన కార్యక్రమంలో సనత్‌నగర్‌ ఈఎస్‌ఐసీ ఔట్‌సోర్సింగ్‌ ఉద్యోగుల సంఘం అధ్యక్షుడిగా సీహెచ్‌ నర్సింగ్‌రావు నియమించినట్లు ఈఎస్‌ఐ బోర్డు సభ్యులు మారయ్య, రమణారెడ్డి తెలిపారు. ఈ సందర్భంగా నర్సింగ్‌రావు మాట్లాడుతూ ఔట్‌సోర్సింగ్‌ ఉద్యోగులు ఎదుర్కొంటున్న సమస్యలను ఈఎస్‌ఐసీ యాజమాన్యం దృష్టికి తీసుకువచ్చి పరిష్కరించేందుకు తన వంతు బాధ్యతలను నిర్వర్తిస్తానన్నారు.
• మేడే దినోత్సవాన్ని పురస్కరించుకొని టీఆర్‌ఎస్‌కేవి అనుబంధ తెలంగాణ మెడికల్‌ అండ్‌ హెల్త్‌ ఎంప్లాయీస్‌ యూనియన్‌ ఆధ్వర్యంలో గాంధీ మెడికల్‌ కాలేజీ ఆవరణలో అధ్యక్షుడు రాబర్ట్‌ బ్రూస్‌ యూనియన్‌ జెండాను ఆవిష్కరించారు. యూనియన్‌ గాంధీ యూనిట్‌ అధ్యక్షుడు సారంగపాణి, ప్రధాన కార్యదర్శి ఎం.డి.ఫారూక్‌, అశోక్‌కుమార్‌, లక్ష్మయ్య, రమేశ్‌, ఆనంద్‌ పాల్గొన్నారు.
• సీఐటీయూ ఆధ్వర్యంలో పద్మారావునగర్‌లోని దర్గా వద్ద, ఆటో స్టాండ్‌ వద్ద, లారీల అడ్డా వద్ద సీపీఎం నగర కార్యదర్శి వర్గ సభ్యుడు రాజన్న హాజరై జెండాను ఎగురవేశారు. నాయకులు మల్లేశ్‌, యాదగిరి, హరి, సద్గుణ, శివప్ప. శ్యామ్‌రావు, భీమ్‌సేన్‌, రవి, చందు తదితరులు పాల్గొన్నారు.