Vote | ఓటు అనేది రాజ్యాంగం కల్పించిన హక్కు : తలసాని శ్రీనివాస్ యాదవ్

Vote | ఓటు అనేది రాజ్యాంగం కల్పించిన హక్కు అని మాజీ మంత్రి, ఎమ్మెల్యే తలసాని శ్రీనివాస్ యాదవ్ అన్నారు.

Vote | ఓటు అనేది రాజ్యాంగం కల్పించిన హక్కు అని మాజీ మంత్రి, ఎమ్మెల్యే తలసాని శ్రీనివాస్ యాదవ్ అన్నారు. సనత్ నగర్ నియోజకవర్గ పరిధిలోని పీజీ రోడ్డులో నిర్వహించిన గ్రాడ్యుయేట్ ఓటరు నమోదు కార్యక్రమానికి హాజరై మాట్లాడారు. ప్రతి గ్రాడ్యుయేట్ ఎన్నికలకు ఓటు నమోదు చేసుకోవాలి అనడం సరైంది కాదన్నారు. అర్హులైన నూతన గ్రాడ్యుయేట్‌లు మాత్రమే ఓటరుగా నమోదు చేసుకునే విధానం రావాలన్నారు. 50, 60 సంవత్సరాల గ్రాడ్యుయేట్ లు కూడా ప్రతిసారి ఓటు నమోదు చేసుకోవాలా? అని ప్రశ్నించారు. డాక్టర్ బి ఆర్ అంబేడ్కర్ రూపొందించిన భారత రాజ్యాంగాన్ని ప్రపంచ దేశాలు ఎంతో గౌరవిస్తున్నాయి. భారత ఎన్నికల కమిషన్ రాజ్యాంగం కల్పించిన హక్కులను కాలరాస్తుందని ఆరోపించారు.

ప్రత్యేక ఓటరు సవరణ కార్యక్రమంలో దేశవ్యాప్తంగా లక్షలాది ఓట్లను తొలగించారు. ఓట్లను తొలగించే అధికారం ఎవరిచ్చారు? దేశవ్యాప్తంగా కేంద్ర ఎన్నికల కమిషన్ తీరును వ్యతిరేకిస్తూ ఆందోళనలు కొనసాగుతున్నాయని పేర్కొన్నారు. న్యాయస్థానాలు కూడా ఎన్నికల కమిషన్ వైఖరిని తప్పుబట్టాయి. ప్రజాస్వామ్యం కల్పించిన ఓటు హక్కును సద్వినియోగం చేసుకోవాలని సూచించారు. నవంబర్ 6 తేదీ లోగా అర్హులైన గ్రాడ్యుయేట్ లు ఓటరుగా నమోదు చేసుకోవాలని సూచించారు.