దివ్యాంగులకు ప్రత్యేకం

గ్రేటర్‌ హైదరాబాద్‌ పరిధిలో దివ్యాంగులకు బస్‌ పాసులు జారీ ప్రక్రియ ఈ నెల 6 నుంచి కొనసాగనున్నది. అందులో భాగంగా మరో ఐదు రోజులు దివ్యాంగులకు బస్‌ పాసుల జారీ తేదీలను పొడిగించారు.

• వికలాంగుల బస్సు పాసుల జారీకి ప్రత్యేక కేంద్రాలు
• ఈ నెల 10 నుంచి 20 వరకు ప్రత్యేక కౌంటర్లలో సేవలు
• షెడ్యూల్‌ విడుదల చేసిన ఆర్టీసీ గ్రేటర్‌ ఎగ్జిక్యూటివ్‌ డైరెక్టర్‌

సిటీబ్యూరో, మార్చి 7 (నమస్తే తెలంగాణ) : గ్రేటర్‌ హైదరాబాద్‌ పరిధిలో దివ్యాంగులకు బస్‌ పాసులు జారీ ప్రక్రియ ఈ నెల 6 నుంచి కొనసాగనున్నది. అందులో భాగంగా మరో ఐదు రోజులు దివ్యాంగులకు బస్‌ పాసుల జారీ తేదీలను పొడిగించారు. ఈ క్రమంలో షెడ్యూల్‌ విడుదల చేశారు. ఈ మేరకు గ్రేటర్‌లో ఆరు కేంద్రాలను ఎంపిక చేశారు. ప్రకటించిన తేదీల్లో ఉదయం 10 నుంచి సాయంత్రం 5 గంటల వరకు ఈ కేంద్రాలు పని చేస్తాయని ఆర్టీసీ అధికారులు తెలిపారు.