ఎయిర్‌పోర్టు మెట్రో పనులు షురూ

విశ్వనగరంగా మారుతున్న నగరానికి మరో మణిహారం రాబోతున్నది. రాష్ట్ర ప్రభుత్వం ఎంతో ప్రతిష్టాత్మకంగా చేపట్టిన ఎయిర్‌పోర్టు ఎక్స్‌ప్రెస్‌ మెట్రో పనులకు ముందడుగు పడింది.

• రాయదుర్గంలో ప్రారంభ మెట్రోస్టేషన్‌ నిర్మాణంపై స్థల పరిశీలన
• అలైన్‌మెంట్‌, డేటా సేకరణకు రెండు బృందాలు
• జంక్షన్లకు దగ్గరలో స్టేషన్లు ఉండేలా చర్యలు
• ఇంజినీర్లతో కలిసి నార్సింగి వరకు క్షేత్ర స్థాయిలో పర్యటన
• సర్వే బృందాలతో 10 కిలోమీటర్లు కాలినడకన ప్రయాణం
• స్టేషన్ల నిర్మాణంపై మెట్రో ఎండీ ఎన్వీఎస్‌ రెడ్డి కీలక సూచనలు

విశ్వనగరంగా మారుతున్న నగరానికి మరో మణిహారం రాబోతున్నది. రాష్ట్ర ప్రభుత్వం ఎంతో ప్రతిష్టాత్మకంగా చేపట్టిన ఎయిర్‌పోర్టు ఎక్స్‌ప్రెస్‌ మెట్రో పనులకు ముందడుగు పడింది. వంద శాతం రాష్ట్ర ప్రభుత్వం నిధులతో చేపట్టిన ఈ ప్రాజెక్టుకు ఇటీవలే ముఖ్యమంత్రి కేసీఆర్‌ శంకుస్థాపన చేసిన విషయం తెలిసిందే. అయితే ఏమాత్రం ఆలస్యం చేయకుండా ఎయిర్‌పోర్టు మెట్రో పనులను అధికారులు పట్టాలెక్కిస్తున్నారు. ఈ మేరకు ఆదివారం మెట్రో ఇంజినీరింగ్‌ విభాగం అధికారులతో కలిసి రాయదుర్గం ప్రారంభ మెట్రోస్టేషన్‌కు సంబంధించిన స్థలాన్ని హైదరాబాద్‌ మెట్రో రైలు ఎండీ ఎన్వీఎస్‌ రెడ్డి పరిశీలించారు.

అనంతరం హెచ్‌ఏఎంఎల్‌ సీనియర్‌ ఇంజినీర్ల బృందంతో కలిసి రాయదుర్గం మెట్రోస్టేషన్‌ నుంచి నార్సింగి జంక్షన్‌ దాకా దాదాపు 10 కి.మీ పొడవునా ఉన్న ఎయిర్‌ పోర్ట్‌ మెట్రో మార్గాన్ని క్షేత్ర స్థాయిలో కాలినడకన పరిశీలించారు. ఈ ప్రయాణంలో ఇంజినీర్లకు, సర్వే బృందాలకు ఎన్వీఎస్‌ రెడ్డి కీలక సూచనలు ఇస్తూ, పలు ఆదేశాలు జారీ చేశారు.

సిటీబ్యూరో, డిసెంబర్‌ 18 (నమస్తే తెలంగాణ): ఎయిర్‌ పోర్ట్‌ వరకు చేపట్టనున్న మెట్రో రైలు నిర్మాణ పనులను వేగవంతంగా పూర్తిచేస్తామని హైదరాబాద్‌ మెట్రో రైలు ఎండీ ఎన్వీఎస్‌ రెడ్డి తెలిపారు. ఆదివారం మెట్రో ఇంజినీరింగ్‌ విభాగం అధికారులతో కలిసి రాయదుర్గంలో పర్యటించి మెట్రో స్టేషన్‌కు సంబంధించిన స్థలాన్ని పరిశీలించారు. అనంతరం హెచ్‌ఏఎంఎల్‌ సీనియర్‌ ఇంజినీర్ల బృందంతో కలిసి రాయదుర్గం మెట్రో స్టేషన్‌ నుంచి నార్సింగి జంక్షన్‌ వరకు క్షేత్ర స్థాయిలో పరిశీలించారు. దాదాపు 10 కి.మీ పొడవునా ఉన్న ఈ మార్గంలో కాలినడకన నడుస్తూ ఇంజినీర్లకు, సర్వే బృందాలకు పలు సూచనలు చేశారు. ఈ సందర్భంగా ఎన్వీఎస్‌ రెడ్డి మాట్లాడుతూ అలైన్‌మెంట్‌ ఖరారు, గ్రౌండ్‌ డేటా సేకరణ పనులు చేసేందుకు రెండు సర్వే బృందాలను ఏర్పాటు చేశామని, మెట్రో పిల్లర్లు, వయాడక్ట్‌, మెట్రో స్టేషన్ల నిర్మాణం, వాటి ఎత్తు ఎంత ఉండాలనే విషయంలో ఈ డేటా కీలకమవుతుందని అన్నారు. సర్వే బృందంలో హెచ్‌ఏఎంఎల్‌ చీఫ్‌ ఎలక్ట్రికల్‌ ఇంజినీర్‌ డీవీఎస్‌ రాజు, చీఫ్‌ ప్రాజెక్ట్‌ మేనేజర్‌ బి.ఆనంద్‌ మోహన్‌, జనరల్‌ మేనేజర్లు ఎం.విష్ణువర్ధన్‌ రెడ్డి, రాజేంద్రప్రసాద్‌నాయక్‌, ఇతర సీనియర్‌ ఇంజినీర్లు పాల్గొన్నారు.

ఎండీ ఎన్వీఎస్‌ రెడ్డి సూచనలు

• మెట్రో స్టేషన్ల నిర్మాణం ప్రధాన రహదారి జంక్షన్‌లకు దగ్గరగా ఉండాలని సూచించారు. సీఎం కేసీఆర్‌ ఆదేశాల మేరకు ఎయిర్‌పోర్ట్‌ మెట్రో కారిడార్‌ను నగర విస్తరణ ప్రణాళికలో భాగంగా నగర శివారు ప్రాంతాల అభివృద్ధికి ఉపయోగపడేలా తయారు చేయాలని సూచించారు. ఈ కారిడార్‌ కేవలం విమానాశ్రయ ప్రయాణికులకు మాత్రమే కాకుండా, నగర శివార్లలో నివాసముండే తకువ ఆదాయ వర్గాల వారందరికీ సైతం ఉపయోగపడేలా ఉండాలని సీఎం ఆదేశించారని చెప్పారు. ఇకడి నుంచి ప్రయాణికులు పనిచేసే ప్రాంతాలకు కేవలం 20 నిమిషాల వ్యవధిలో చేరుకునేలా ఈ కారిడార్‌ను డిజైన్‌ చేయాలని తెలిపారు.
• మెట్రో మార్గమంతా ఇప్పటికే ఆకాశహర్మ్యాలతో నిండి ఉందని, భవిష్యత్తులో ఈ ప్రాంతంలో అభివృద్ధి ఊహించలేనంతగా పెరుగుతుందని చెప్పారు. దీన్ని దృష్టిలో ఉంచుకొని ఇకడ నిర్మించే మెట్రో స్టేషన్లు ఉండాలని సర్వే బృందాలకు సూచించారు. మెట్రో స్టేషన్లకు సమీపంలో ఉన్న ప్రభుత్వ భూములను గుర్తించి వాహనాల పారింగ్‌ కోసం ఉపయోగించేలా చూస్తామని తెలిపారు.
• రాయదుర్గం మెట్రో స్టేషన్‌ను సుమారు 900 మీటర్ల మేర పొడిగిస్తున్నట్లు తెలిపారు. అయితే బ్లూ లైన్‌ కొత్త టెర్మినల్‌ స్టేషన్‌, ఎయిర్‌ పోర్ట్‌ మెట్రో స్టేషన్లను అనుసంధానం చేయాలని చెప్పారు. ఈ ప్రాంతంలో స్థలాభావం ఉన్నందున ఐకియా భవనం తర్వాత ఉన్న ఎల్‌అండ్‌టీ, అరబిందో భవనాల ముందు ఈ మెట్రో స్టేషన్లను ఒకదానిపై ఒకటి నిర్మించే అవకాశాన్ని పరిశీలించాలని సూచించారు.
• మొదటి రెండు అంతస్తుల్లో ఎయిర్‌ పోర్ట్‌ కొత్త రాయదుర్గం స్టేషన్‌, పొడిగించబడిన కొత్త బ్లూ లైన్‌ స్టేషన్‌ ఎగువ రెండు అంతస్తుల్లో ఉండేలా డిజైన్‌ చేయాలని తెలిపారు. మెట్రో కారిడార్‌ 2 (గ్రీన్‌ లైన్‌)లో నిర్మించిన జేబీఎస్‌ స్టేషన్‌, అలాగే అమీర్‌పేట్‌ ఇంటర్‌ చేంజ్‌ స్టేషన్‌ల మాదిరిగా నాలుగు అంతస్తుల్లో ఈ స్టేషన్ల నిర్మాణం ఉంటుంది.
• ప్రతిపాదిత ఎయిర్‌ పోర్ట్‌ మెట్రో మొదటి స్టేషన్‌కి ప్రవేశం, నిష్రమణలు ప్లాన్‌ చేసేముందు.. ట్రాన్సో సంస్థ ఇటీవల వేసిన 400కేవీ అదనపు హై వోల్టేజ్‌ భూగర్భ విద్యుత్‌ కేబుళ్లను మార్చకుండా చూడాలని సూచించారు. అందుకు అనుగుణంగా డిజైన్‌ చేయాలని ఇంజినీర్లను ఆదేశించారు.
• బయోడైవర్సిటీ జంక్షన్‌ వద్ద ఉన్న ఫ్లై ఓవర్‌ మీదుగా ఎయిర్‌ పోర్ట్‌ మెట్రో వయాడక్ట్‌ క్రాసింగ్‌ను జాగ్రత్తగా ప్లాన్‌ చేయాలి. బయోడైవర్సిటీ ఫ్లై ఓవర్‌కు ఆనుకొని మెట్రో పిల్లర్ల నిర్మాణం తర్వాత, ట్రాఫిక్‌కు అంతరాయం కలుగకుండా చూడాలన్నారు.
• బయోడైవర్సిటీ జంక్షన్‌ వద్ద మెట్రో స్టేషన్‌ను ప్లాన్‌ చేసే ముందు ఇదే మార్గంలో భవిష్యత్తులో నిర్మించనున్న బీహెచ్‌ఈఎల్‌ – లక్డీకాపూల్‌ మెట్రో కారిడార్‌ అవసరాలపై కూడా దృష్టి సారించాలని సూచించారు.
• నానక్‌రామ్‌గూడ జంక్షన్‌ వద్ద మెట్రో స్టేషన్‌ నిర్మాణం విషయంలో జాగ్రత్తలు పాటించాలన్నారు. ఇకడ నిర్మించబోయే సైవాక్‌ ప్రయాణికులకు ఉపయోగకరంగా ఉండాలని సూచించారు. దగ్గరలో ఖాళీగా ఉన్న ప్రభుత్వ స్థలాల్లో విశాలమైన పారింగ్‌ సౌకర్యాలు కల్పించాలని తెలిపారు.
• నార్సింగి, కోకాపేటతో పాటు ఇతర సమీప ప్రాంతాల్లో కొత్తగా వెలుస్తున్న కాలనీలు, వాణిజ్య సముదాయాల అవసరాలను గుర్తించి నార్సింగి జంక్షన్‌ సమీపంలో నిర్మించే మెట్రో స్టేషన్‌ స్థానాన్ని ప్లాన్‌ చేయాలని సూచించారు. ఫైనాన్షియల్‌ డిస్ట్రిక్ట్‌కు అవతల నుంచి వచ్చే ప్రయాణికుల అవసరాలను కూడా పరిగణలోకి తీసుకోవాలని తెలిపారు.