సర్కారు భూముల్లో ఆక్రమణల తొలగింపు

నిజాంపేటలోని ప్రభుత్వ భూముల్లో వెలసిన పలు నిర్మాణాలను రెవెన్యూ అధికారులు శనివారం కూల్చివేశారు. ‘జాగా కనిపిస్తే.. పాగా’ పేరిట ‘నమస్తే’లోప్రచురించిన కథనానికి అధికారులు స్పందించారు. అయితే నామమాత్రంగా కూల్చివేతలు చేపట్టి.. మమ అనిపించారనే విమర్శలు సర్వత్రా వినిపిస్తున్నాయి. ఇందులో ప్రధానంగా ఓ బడా బిల్డర్‌ ప్రభుత్వ భూమిని ఆక్రమించి చేపట్టిన నిర్మాణాల జోలికి అధికారులు అసలే పోలేదనే ఆరోపణలున్నాయి.

దుండిగల్‌, డిసెంబర్‌ 28: నిజాంపేటలోని ప్రభుత్వ భూముల్లో వెలసిన పలు నిర్మాణాలను రెవెన్యూ అధికారులు శనివారం కూల్చివేశారు. ‘జాగా కనిపిస్తే.. పాగా’ పేరిట ‘నమస్తే’లోప్రచురించిన కథనానికి అధికారులు స్పందించారు. అయితే నామమాత్రంగా కూల్చివేతలు చేపట్టి.. మమ అనిపించారనే విమర్శలు సర్వత్రా వినిపిస్తున్నాయి. ఇందులో ప్రధానంగా ఓ బడా బిల్డర్‌ ప్రభుత్వ భూమిని ఆక్రమించి చేపట్టిన నిర్మాణాల జోలికి అధికారులు అసలే పోలేదనే ఆరోపణలున్నాయి.

కానీ కొందరు పేదలకు సంబంధించిన నిర్మాణాలను మాత్రం నేలమట్టం చేయడంపై విమర్శలు వెల్లువెత్తుతున్నాయి. బడా బిల్డర్‌ వెనుక ఓ నాయకుడు ఉండి కథ నడిపిస్తుండటంతోనే అధికారులు అటు వైపు కన్నెత్తి చూడలేదని పలువురు పేర్కొంటున్నారు. రెవెన్యూ అధికారులు ఇప్పటికైనా స్పందించి సదరు బిల్డర్‌ ప్రభుత్వ భూమిలో నిర్మాణాలను తొలగించి అందరి పట్ల ఒకేలా..వ్యవహరించాలని కోరుతున్నారు.