Visit:
హైద‌రాబాద్ : న‌గ‌రంలోని ప‌లు ప్రాంతాల్లో శుక్ర‌వారం ఉద‌యం వ‌ర్షం కురిసింది. రాత్రంతా ఉక్క‌పోత‌కు గురైన న‌గ‌ర ప్ర‌జ‌లకు కాస్త ఉప‌శ‌మ‌నం క‌లిగింది. అమీర్‌పేట, ఎస్ఆర్ న‌గ‌ర్, ఫ‌తేన‌గ‌ర్‌, బాలాన‌గ‌ర్‌, పంజాగుట్ట, బంజారాహిల్స్‌, జూబ్లీహిల్స్‌, జీడిమెట్ల, బోయిన్‌ప‌ల్లి, కొంప‌ల్లితో పాటు ప‌లు ఏరియాల్లో వ‌ర్షం కురిసింది.
గ‌త రెండు రోజుల నుంచి న‌గ‌రంలో ఎండ‌లు దంచికొడుతున్న విష‌యం విదిత‌మే. ఇవాళ ఉద‌యం నుంచి వాతావ‌ర‌ణం చ‌ల్ల‌బ‌డి ఉంది. గ‌త నెల‌లో న‌గ‌ర వ్యాప్తంగా సాధార‌ణ వ‌ర్ష‌పాతం కంటే అధిక వ‌ర్ష‌పాతం న‌మోదైన సంగ‌తి తెలిసిందే.
