నుమాయిష్‌లో గ్రూప్‌ ఆర్ట్‌ ఎగ్జిబిషన్‌ ప్రారంభం
కళలకు కాదేది అనర్హమని, చిత్రకారుని కుంచె నుండి జాలువారిన పెయింటింగ్‌లు సమాజానికి మంచి సందేశాన్ని ఇస్తాయని ఎగ్జిబిషన్‌ సొసైటీ ఉపాధ్యక్షుడు వనం సత్యేందర్‌ అన్నారు.
సుల్తాన్‌బజార్‌, జనవరి 8: కళలకు కాదేది అనర్హమని, చిత్రకారుని కుంచె నుండి జాలువారిన పెయింటింగ్‌లు సమాజానికి మంచి సందేశాన్ని ఇస్తాయని ఎగ్జిబిషన్‌ సొసైటీ ఉపాధ్యక్షుడు వనం సత్యేందర్‌ అన్నారు. ఈ మేరకు సోమవారం నాంపల్లిలోని అఖిల భారత పారిశ్రామిక ప్రదర్శన(నుమాయిష్‌)లోని ఆర్ట్‌ గ్యాలరీలో హైదరాబాద్‌ ఆర్ట్‌ సొసైటీ ఆధ్వర్యంలో ఏర్పాటు చేసిన గ్రూప్‌ ఆర్ట్‌ ఎగ్జిబిషన్‌ను ప్రారంభించారు.
ఈ కార్యక్రమానికి ఆయన ముఖ్య అతిథిగా విచ్చేసి ఎగ్జిబిషన్‌ సొసైటీ కార్యదర్శి బి హనుమంతరావు, సంయుక్త కార్యదర్శి చందర్‌జీత్‌ సింగ్‌, కోశాధికారి ఈ రాజేందర్‌కుమార్‌, అశ్విన్‌ మార్గం, ఆర్ట్‌ ఎగ్జిబిషన్‌ కన్వీనర్‌ డి హనుమంతరావు, ఆర్ట్‌ సొసైటీ సభ్యులు జే వెంకటేశ్‌, కాం తారెడ్డి, జి మల్లేశ్‌, రాజేందర్‌నాగు లతో కలిసి ప్రారంభించారు. ఈ కార్యక్రమంలో ఆర్టిస్టులు అనంతయ్య, కప్పారి కిషన్‌, సురభి అజిత, సత్య గన్నోజు, విట్టల్‌, జి. రమేశ్‌, ఎ. బాలరాజ్‌, పి. మహేశ్‌, పి. రాజేందర్‌కుమా ర్‌, అన్నారపు నరేందర్‌ తదితరులు పాల్గొన్నారు.
Read Today's Latest Hyderabad News in Telugu and Telugu News
- Follow Us :
-
