చెరువుల్లో నీరు కలుషితం కాకుండా చర్యలు
చెరువుల్లో నీరు కలుషితం కాకుండా చర్యలు తీసుకుంటామని ఎమ్మెల్యే మర్రి రాజశేఖర్‌ రెడ్డి అన్నారు. శుక్రవారం మల్కాజిగిరి సర్కిల్‌ సఫిల్‌గూడ వద్ద ఉన్న ఎస్‌టీపీ ప్లాంట్‌ పనితీరును ఎమ్మెల్యే మర్రి పరిశీలించారు.
- మల్కాజిగిరి ఎమ్మెల్యే మర్రి రాజశేఖర్‌ రెడ్డి
మల్కాజిగిరి, డిసెంబర్‌ 29: చెరువుల్లో నీరు కలుషితం కాకుండా చర్యలు తీసుకుంటామని ఎమ్మెల్యే మర్రి రాజశేఖర్‌ రెడ్డి అన్నారు. శుక్రవారం మల్కాజిగిరి సర్కిల్‌ సఫిల్‌గూడ వద్ద ఉన్న ఎస్‌టీపీ ప్లాంట్‌ పనితీరును ఎమ్మెల్యే మర్రి పరిశీలించారు. ఈ సందర్భంగా ఎమ్మెల్యే రాజశేఖర్‌ రెడ్డి మాట్లాడుతూ.. ఏఓసీ నుంచి వస్తున్న మురికినీటితో పాటు వరద నీరు రామకృష్ణాపురం చెరువులో కలుస్తుందని, ఇప్పటికే మురుగు నీరు చెరువులో కలువకుండా పైపులైన్‌ దార్వా కిందకి పంపిస్తున్నామన్నారు. సఫిల్‌గూడ వద్ద ఉన్న ఎస్‌టీపీ ప్లాంట్‌ ద్వారా మురుగు నీటిని శుద్ధిచేసి బండ చెరువు వైపు మళ్లీస్తున్నామన్నారు. ఇప్పుడున్న ఎస్‌టీపీ ప్లాంట్‌ సామర్థ్యాని పెంచడానికి అవకాశం ఉంటే చర్యలు తీసుకుంటామన్నారు.ఈ కార్యక్రమంలో వాటర్‌ వర్క్స్‌ సీజీఎం సుజాత, జీఎం సునీల్‌, డీజీఎం నరహరి, మేనేజర్‌ వేణుగోపాల్‌, మాజీ కార్పొరేటర్‌ జగదీశ్‌గౌడ్‌, బద్దం పరశురాంరెడ్డి, మురుగేశ్‌, అంజయ్య, పరమేశ్‌ తదితరులు పాల్గొన్నారు.
- మౌలాలి డివిజన్‌ ఓల్డ్‌ సఫిల్‌గూడలోని ‘రాక్‌ చర్చి’లో క్రైస్తవులకు క్రిస్మస్‌ గిఫ్ట్‌లను ఎమ్మెల్యే మర్రి అందజేశారు. ఈ కార్యక్రమంలో ఫాదర్‌ ఆనంద్‌, కార్పొరేటర్‌ సునీత యాదవ్‌, ఆనంద్‌కుమార్‌, సాల్మన్‌, ప్రభుప్రసాద్‌, నితీశ్‌కుమార్‌ పాల్గొన్నారు.
- బస్తీ దవాఖానలతో ఏర్పాటుతో పేదలకు ఇంటివద్దే మెరుగైన వైద్య సేవలు అందుబాటులోకి ఉన్నాయని ఎమ్మెల్యే మర్రి రాజశేఖర్‌ రెడ్డి అన్నారు. శుక్రవారం వెంకటాపురం డివిజన్‌ ఇందిరానగర్‌ బస్తీలో బస్తీ దవాఖానను ఎమ్మెల్యే రాజశేఖర్‌రెడ్డి ప్రారంభించారు. ఈ సందర్భంగా ఎమ్మెల్యే మాట్లాడుతూ.. కేసీఆర్‌ ప్రభుత్వం పేదలకు మెరుగైన వైద్యం సేవల కోసం బస్తీ దవాఖానలు ప్రారంభించిందన్నారు. ఈ కార్యక్రమంలో జిల్లా వైద్యాధికారి ఆనంద్‌, కార్పొరేటర్‌ సబితాకిశోర్‌, డాక్టర్‌ ప్రసన్న, అనిల్‌కిశోర్‌, సయ్యద్‌ మోసిన్‌, పరమేశ్‌, సంతోశ్‌, దేవయ్యగౌడ్‌, మురళీగౌడ్‌, పోచయ్య తదితరులు పాల్గొన్నారు.
Read Today's Latest Hyderabad News in Telugu and Telugu News
- Follow Us :
-
