క్రీడలకు ప్రోత్సాహం

ప్రపంచ గుర్తింపు గల క్రీడల్లో రాణిస్తేనే గుర్తింపుతో పాటు ఉజ్వల భవిష్యత్తు సాధ్యమని కార్మిక శాఖ మంత్రి చామకూర మల్లారెడ్డి అన్నారు. మండల పరిధి... అవుషాపూర్‌, కాచవానిసింగారం గ్రామాల్లో నూతనంగా నిర్మించిన క్రీడా ప్రాంగణాలను మంత్రి , జడ్పీ చైర్మన్‌ శరత్‌ చంద్రారెడ్డి, ఎంపీపీ సుదర్శన్‌ రెడ్డి

క్రీడా ప్రాంగణాలను ప్రారంభించిన మంత్రి చామకూర మల్లారెడ్డి

ఘట్‌కేసర్‌ రూరల్‌, జూన్‌ 2 : ప్రపంచ గుర్తింపు గల క్రీడల్లో రాణిస్తేనే గుర్తింపుతో పాటు ఉజ్వల భవిష్యత్తు సాధ్యమని కార్మిక శాఖ మంత్రి చామకూర మల్లారెడ్డి అన్నారు. మండల పరిధి… అవుషాపూర్‌, కాచవానిసింగారం గ్రామాల్లో నూతనంగా నిర్మించిన క్రీడా ప్రాంగణాలను మంత్రి , జడ్పీ చైర్మన్‌ శరత్‌ చంద్రారెడ్డి, ఎంపీపీ సుదర్శన్‌ రెడ్డితో కలిసి గురువారం ప్రారంభించారు. ఈ సందర్భంగా మంత్రి మట్లాడుతూ రాష్ట్రంలోని ప్రతి గ్రామంలో క్రీడా ప్రాంగణాలను ఏర్పాటు చేసి యువతకు అందుబాటులోకి తీసుకువచ్చేందుకు ప్రభుత్వం కృషి చేస్తున్నట్లు చెప్పారు. మేడ్చల్‌ జడ్పీ చైర్మన్‌ మలిపెద్ది శరత్‌ చంద్రారెడ్డి మాట్లాడుతూ 60 ఏండ్లలో జరుగని అభివృద్ధిని ఆరేండ్లలో చేసి సీఎం కేసీఆర్‌ దేశానికే ఆదర్శంగా తెలంగాణను నిలిపారని చెప్పారు. కార్యక్రమంలో అదనపు కలెక్టన్‌ జాన్‌ శ్యాంసన్‌, జిల్లా వైస్‌ చైర్మన్‌ వెంకటేశం, ఎంపీడీవో అరుణ, సర్పంచులు కావేరి మశ్చేందర్‌ రెడ్డి, వెంకట్‌ రెడ్డి, ఉప సర్పంచ్‌లు ఐలయ్య యాదవ్‌, గీత, సహకార సంఘం డైరెక్టర్‌ ధర్మారెడ్డి, మండల టీఆర్‌ఎస్‌ అధ్యక్షుడు రమేశ్‌, ప్రధాన కార్యదర్శి నవీన్‌ రెడ్డి, బస్వరాజ్‌గౌడ్‌, ముస్తఫా, నాగరాజు పాల్గొన్నారు.

చౌదరిగూడలోని శ్రీ దేవి భూదేవి సమేత వేంకటేశ్వర స్వామి బ్రహ్మోత్సవాల్లో భాగంగా నిర్వహించిన స్వామి వారి కల్యాణ వేడుకల్లో మంత్రి మల్లారెడ్డి, జడ్పీ చైర్మన్‌ శరత్‌ చంద్రారెడ్డి, ఎంపీపీ సుదర్శన్‌ రెడ్డి పాల్గొని పూజలు చేశారు. సర్పంచ్‌ బైరు రమాదేవి, మాజీ సర్పంచ్‌ బైరు రాములు గౌడ్‌ పాల్గొన్నారు.

• మేడ్చల్‌ కలెక్టరేట్‌, జూన్‌ 2 : క్రీడా ప్రాంగణాలను యువత సద్వినియోగం చేసుకోవాలని దమ్మాయిగూడ చైర్మన్‌ వసుపతి ప్రణీతాశ్రీకాంత్‌ గౌడ్‌ అన్నారు. రాజీవ్‌గృహకల్ప కాలనీలో ఏర్పాటు చేసిన క్రీడా ప్రాంగణాన్ని గురువారం చైర్మన్‌ ప్రారంభించారు. ఈ సందర్బంగా ఆమె మాట్లాడుతూ ప్రభుత్వం యువతను క్రీడల్లో ప్రోత్సహించేందుకు పట్టణాలు, గ్రామాల్లో క్రీడా మైదానాలను ఏర్పాటు చేసిందన్నారు.
• మేడ్చల్‌ రూరల్‌, జూన్‌ 2 : క్రీడల అభివృద్ధికి క్రీడా ప్రాంగణాలు దోహదం చేస్తాయని చైర్‌పర్సన్‌ మద్దుల లక్ష్మీశ్రీనివాస్‌ రెడ్డి అన్నారు. గుండ్లపోచంపల్లి మున్సిపాలిటీలోని 4, 11 వ వార్డుల్లో నూతనంగా ఏర్పాటు చేసిన క్రీడా ప్రాంగణాలను గురువారం ఆమె ప్రారంభించారు.
• కీసర, జూన్‌ 2 : మండలంలోని భోగారం, తిమ్మాయిపల్లి, గోధుమకుంటలోని టీపీఎస్‌ కాలనీలో ఏర్పాటు చేసిన క్రీడా ప్రాంగణాలను గురువారం ఎంపీపీ ఇందిరాలక్ష్మీనారాయణ , ఎంపీడీవో పద్మావతి, సర్పంచులు మహేందర్‌రెడ్డి, కవితాజైహింద్‌రెడ్డి, పెంటయ్యతో కలిసి పరిశీలించారు. శుక్రవారం పల్లె ప్రగతిలో భాగంగా క్రీడా ప్రాంగణాలను మంత్రి ప్రారంభించనున్నట్లు తెలిపారు.
• ఘట్‌కేసర్‌,జూన్‌ 2 : పోచారం మున్సిపాలిటీ పరిధిలోని 5వ వార్డులో ఏర్పాటు చేసిన క్రీడా మైదానం ఏర్పాట్లను చైర్మన్‌ బి.కొండల్‌రెడ్డి పరిశీలించారు. శుక్రవారం మంత్రి మల్లారెడ్డి ప్రారంభించనున్నట్లు చైర్మన్‌ తెలిపారు. కమిషనర్‌ సురేశ్‌, వైస్‌ చైర్మన్‌ రెడ్యానాయక్‌, ఏఈ నరేశ్‌, సిబ్బంది పాల్గొన్నారు.
• బోడుప్పల్‌, జూన్‌ 2 : రాష్ట్ర ఆవిర్భావ వేడుకల సందర్భంగా గురువారం 1వ, 2వ, 3వ, 16వ, 17వ డివిజన్లలో ఏర్పాటు చేసిన క్రీడాప్రాంగణాలను బోడుప్పల్‌ మేయర్‌ సామల బుచ్చిరెడ్డి, డిప్యూటీ మేయర్‌ కొత్త లక్ష్మీరవిగౌడ్‌ ప్రారంభించారు. ఒకటో డివిజన్‌ పరిధిలో బింగి జంగయ్యయాదవ్‌, 2వ డివిజన్‌లో కొత్త సాయితేజ్‌గౌడ్‌ సొంత నిధులతో క్రీడా సామగ్రిని సమకూర్చారు. కార్పొరేటర్లు, కో ఆప్షన్‌ సభ్యులు, అధికారులు, నాయకులు రవిగౌడ్‌ పాల్గొన్నారు.