పోలీసులపై గంజాయి వ్యాపారుల దాడి
ఏపీ నుంచి కారులో నగరానికి తరలిస్తున్న గంజాయి, డ్రగ్స్ను పట్టుకునేందుకు యత్నించిన ఆబ్కారీ ఎస్టీఎఫ్ పోలీసులపై గంజాయి వ్యాపారులు కత్తులతో దాడికి పాల్పడ్డారు. అయినప్పటికీ అప్రమత్తతతో వ్యవహరించిన పోలీసులు నిందితులను వెంటాడి పెద్ద ఈంబర్పేట ఓఆర్ఆర్ 11వ నెంబర్ ఎగ్జిట్ వద్ద పట్టుకుని అరెస్టు చేయగా, ఒక మహిళ తప్పించుకుని పారిపోయినట్లు అధికారులు తెలిపారు.
- పెద్ద అంబర్పేట వద్ద ఛేజ్ చేసి పట్టుకున్న ఎస్టీఎఫ్ పోలీసులు
- గంజాయి, ఎండీఎంఏ డ్రగ్స్ స్వాధీనం
సిటీబ్యూరో, నవంబర్ 15 (నమస్తే తెలంగాణ): ఏపీ నుంచి కారులో నగరానికి తరలిస్తున్న గంజాయి, డ్రగ్స్ను పట్టుకునేందుకు యత్నించిన ఆబ్కారీ ఎస్టీఎఫ్ పోలీసులపై గంజాయి వ్యాపారులు కత్తులతో దాడికి పాల్పడ్డారు. అయినప్పటికీ అప్రమత్తతతో వ్యవహరించిన పోలీసులు నిందితులను వెంటాడి పెద్ద ఈంబర్పేట ఓఆర్ఆర్ 11వ నెంబర్ ఎగ్జిట్ వద్ద పట్టుకుని అరెస్టు చేయగా, ఒక మహిళ తప్పించుకుని పారిపోయినట్లు అధికారులు తెలిపారు. ఆబ్కారీ అధికారుల కథనం ప్రకారం… రాజమండ్రికి చెందిన గోబెరు వెంకట చైతన్య అలియాస్ ఫేక్ రెజ్వన్, నడిమిటి మమత భార్యాభర్తలు.
వీరిద్దరూ తరచూ రాజమండ్రి నుంచి గంజాయి తీసుకొని వచ్చి హైదరాబాద్లో అమ్మకాలు సాగిస్తారు. బెంగళూరు నుంచి కూడా తన స్నేహితుల ద్వారా డ్రగ్స్ తెప్పించి నగరంలో విక్రయిస్తారు. అనంతరం కారులో రాజమండ్రికి తిరిగి వెళ్లిపోతారు. ఈ మేరకు సమాచారం అందుకున్న ఆబ్కారీ ఎస్టీఎఫ్ పోలీసులు భార్యాభర్తలపై నిఘా పెట్టారు. ఈ క్రమంలో శనివారం వారు నగరానికి వస్తున్నట్లు తెలుసుకున్న ఎస్టీఎఫ్ బృందం పెద్ద అంబర్పేట వద్ద తనిఖీలు చేపట్టి నిందితులను పట్టుకునేందుకు యత్నించారు. దీంతో భార్యాభర్తలిద్దరూ పోలీసులపై తిరగబడి, కత్తులతో దాడి చేసి, కారుతో పరారయ్యేందుకు యత్నించారు.
దీంతో అప్రమత్తమైన పోలీసులు నిందితులను వెంటాడి, పెద్ద అంబర్పేట ఓఆర్ఆర్ 11వ నెంబర్ ఎగ్జిట్ వద్ద వెంకట చైతన్య, కారు డ్రైవర్ రవిందర్లను పట్టుకుని అరెస్టు చేయగా, మమత తప్పించుకుని పారిపోయినట్లు పోలీసులు తెలిపారు. నిందితుల వద్ద నుంచి 4.495కిలోల గంజాయి, 0.65గ్రాముల ఎండీఎంఏ డ్రగ్స్తోపాటు కారు, మూడు సెల్ఫోన్లను స్వాధీనం చేసుకొని, సీజ్ చేశారు. కాగా నిందితులు చేసిన దాడిలో ఆబ్కారీ సిబ్బందికి స్వల్ప గాయాలైనట్లు అధికారులు తెలిపారు. నిందితులపై గతంలో కూడా గంజాయి, డ్రగ్స్ రవాణా చేసిన నేరాలపై నగరంలో పలు కేసులు నమోదై ఉన్నట్లు ఆబ్కారీ పోలీసులు తెలిపారు. గంజాయి వ్యాపారులను ఛేజ్ చేసి పట్టుకున్న ఎస్టీఎఫ్ సీఐ భిక్షారెడ్డి, ఎస్సై బాలరాజు, సంధ్య, ఇతర సిబ్బందిని ఆబ్కారీ ఈడీ షానవాజ్ ఖాసిం, ఈఎస్ కె.ప్రదీప్రావులు అభినందించారు.
శంషాబాద్ విమానాశ్రయం సమీపంలో….
ఢిల్లీ, గోవా తదితర ప్రాంతాల నుంచి అక్రమంగా నగరానికి తరలిస్తున్న 50 ఎన్డీపీ మద్యం బాటిళ్లను స్వాధీనం చేసుకున్నారు. వివరాల్లోకి వెళితే….గోవా, ఢిలీ నుంచి అక్రమంగా నగరానికి నాన్డ్యూటీ పెయిడ్ మద్యం తరలిస్తున్నట్లు అందిన సమాచారం మేరకు ఎస్టీఎఫ్ పోలీసులు శనివారం శంషాబాద్ విమానాశ్రయం సమీపంలో తనిఖీలు చేపట్టారు. ఈ తనిఖీల్లో భాగంగా వేర్వేరు ప్రాంతాల్లో కారులో తరలిస్తున్న 50ఎన్డీపీ మద్యం బాటిళ్ళను స్వాధీనం చేసుకున్నట్లు ఎస్టీఎఫ్ ఈఎస్ నంద్యాల అంజిరెడ్డి తెలిపారు. దీనికి సంబంధించి ఆరుగురిపై కేసు నమోదు చేసినట్లు వివరించారు. తదుపరి విచారణ నిమిత్తం కేసును సరూర్నగర్ ఎక్సైజ్ పోలీసులకు అప్పగించారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Bihar MLA Anant Singh | కుమార్తె పెళ్లి సందర్భంగా గుర్రపు పోటీలు.. విజేతకు ‘థార్’ బహుకరించనున్న ఎమ్మెల్యే
Harihara Putra | అయ్యప్ప భక్తి నేపథ్యంలో వైభవ్ ‘హరిహర పుత్ర’.. ఆకట్టుకుంటున్న టీజర్!
Komatireddy Rajagopal Reddy | ఖబడ్దార్ బిడ్డా యుద్దం స్టార్ట్ అయితది.. రేవంత్ రెడ్డికి ఎమ్మెల్యే కోమటిరెడ్డి రాజగోపాల్ రెడ్డి మాస్ వార్నింగ్
Donald Trump: ట్రంప్ను హత్తుకున్న జిన్పింగ్.. చైనాకు ఎన్విడియా చిప్స్ బంద్
Dogra Front | లష్కరే ఉగ్రవాది ఎన్కౌంటర్.. జమ్ముకశ్మీర్లో డోగ్రా ఫ్రంట్ సంబురాలు.. Video
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

