కొత్తగా రెక్కలొచ్చెనా.. సృజన.. ఆలోచన.. శాస్త్రీయత

జేఎన్‌టీయూహెచ్‌ ఇంజినీరింగ్‌ కళాశాల వార్షికోత్సవం సందర్భంగా నిర్వహించిన టెక్నికల్‌ ఫెస్ట్‌ సందడిగా సాగింది. రెండోరోజు విద్యార్థుల సృజనాత్మక ఆలోచనలతో రూపొందించిన శాస్త్రీయ ప్రదర్శనలు విశేషంగా ఆకట్టుకున్నాయి. కళాశాలలోని సివిల్‌, మెకానికల్‌, కంప్యూటర్‌ సైన్స్‌

జేఎన్‌టీయూహెచ్‌ వార్షికోత్సవంలో ఆకట్టుకున్న విద్యార్థుల ప్రదర్శనలు

సృజనాత్మక ఆలోచనలతో విద్యార్థులు వహ్వా అనిపించారు. జేఎన్‌టీయూ రెండో రోజు టెక్నికల్‌ ఫెస్ట్‌లో భాగంగా ఆటలు, పాటలు, అదరగొట్టే నృత్యాలతో ఆకట్టుకున్నారు. సరికొత్త ఆవిష్కరణలు చేసి అబ్బురపర్చారు. సెల్ఫీలు దిగుతూ సందడి చేశారు. జేఎన్‌టీయూహెచ్‌తో పాటు 25 కళాశాలలకు చెందిన 3 వేల మంది విద్యార్థులు ఇందులో భాగస్వాములయ్యారు.

కేపీహెచ్‌బీ కాలనీ, ఏప్రిల్‌ 13: జేఎన్‌టీయూహెచ్‌ ఇంజినీరింగ్‌ కళాశాల వార్షికోత్సవం సందర్భంగా నిర్వహించిన టెక్నికల్‌ ఫెస్ట్‌ సందడిగా సాగింది. రెండోరోజు విద్యార్థుల సృజనాత్మక ఆలోచనలతో రూపొందించిన శాస్త్రీయ ప్రదర్శనలు విశేషంగా ఆకట్టుకున్నాయి. కళాశాలలోని సివిల్‌, మెకానికల్‌, కంప్యూటర్‌ సైన్స్‌, ఎలక్ట్రికల్‌ అండ్‌ ఎలక్ట్రానిక్స్‌, మెటలాజికల్‌, కెమికల్‌, ఎలక్ట్రానిక్స్‌ అండ్‌ కమ్యూనికేషన్‌, ఎంబీఏ విద్యార్థులు సొంత ఆలోచనలతో రూపొందించిన ఆవిష్కరణలను ప్రదర్శించారు. నైపుణ్యం, సృజనాత్మక ఆలోచనలు పెంపొందించేలా పేపర్‌ ప్రజెంటేషన్‌, క్విజ్‌, టెక్నికల్‌ గేమ్‌లతో సందడిగా గడిపారు.

జేఎన్‌టీయూహెచ్‌తో పాటు మరో 25 కళాశాలల నుంచి 3వేల మంది విద్యార్థులు టెక్నికల్‌ ఫెస్ట్‌లో పాల్గొన్నారు. ఈ టెక్నికల్‌ ఫెస్ట్‌తో నైపుణ్యాల ప్రదర్శన, తోటి విద్యార్థుల నుంచి విభిన్నమైన ఆలోచనలను పంచుకోవడం, టీమ్‌గా పనిచేయడం వల్ల నాయకత్వ లక్షణాలు పెంపొందించుకోవడం, సాంస్కృతిక కార్యక్రమాలతో అంతర్గత ప్రతిభను ప్రదర్శించే అవకాశం లభించిందని విద్యార్థులు పేర్కొన్నారు. సాంస్కృతిక కార్యక్రమాల్లో భాగంగా సాయంత్రం ఆటాపాటలతో వర్సిటీలో సందడి నెలకొంది.