‘మాదక ద్రవ్యాలకు విద్యార్థులు దూరంగా ఉండాలి’

విద్యార్థులు గంజాయి, ఇతర మాదక ద్రవ్యాల వినియోగానికి దూరంగా ఉంటూ ఉన్నత లక్ష్యాలను నిర్దేశించుకుని జీవితంలో ఉన్నత స్థాయికి ఎదగాలని సింగరేణి ఎక్సైజ్ సీఐ పి. లింగ గౌడ్ అన్నారు. సింగరేణి మండల కేంద్రంలోని ప్రభుత్వ జూనియర్ కళాశాలలో శనివారం మాదక ద్రవ్యాల వినియోగం వల్ల...

– ఉన్నత లక్ష్యాలను నిర్దేశించుకుని క్రమశిక్షణతో చదువుకోవాలి
– ఎక్సైజ్ సీఐ పి.లింగ గౌడ్

కారేపల్లి, అక్టోబర్ 31 : విద్యార్థులు గంజాయి, ఇతర మాదక ద్రవ్యాల వినియోగానికి దూరంగా ఉంటూ ఉన్నత లక్ష్యాలను నిర్దేశించుకుని జీవితంలో ఉన్నత స్థాయికి ఎదగాలని సింగరేణి ఎక్సైజ్ సీఐ పి. లింగ గౌడ్ అన్నారు. సింగరేణి మండల కేంద్రంలోని ప్రభుత్వ జూనియర్ కళాశాలలో శనివారం మాదక ద్రవ్యాల వినియోగం వల్ల కలిగే అనర్థాలపై విద్యార్థులకు అవగాహన కార్యక్రమం నిర్వహించారు. ఈ కార్యక్రమానికి ముఖ్య అతిథిగా హాజరైన ఆయన మాట్లాడుతూ చెడు అలవాట్లకు దూరంగా ఉంటూ క్రమశిక్షణతో కూడిన జీవనశైలిని అలవర్చుకోవాలని తెలిపారు. తల్లిదండ్రులు, ఉపాధ్యాయుల కోసం కాకుండా తమ భవిష్యత్‌ను తీర్చిదిద్దుకునేందుకు ఇష్టంతో చదువుకోవాలని హితవు పలికారు. మంచి విద్య, క్రమశిక్షణ, సత్ప్రవర్తనతోనే ఉన్నత శిఖరాలను చేరుకోవచ్చన్నారు. ఆరోగ్యకరమైన సమాజ నిర్మాణంలో ప్రతి ఒక్కరూ భాగస్వాములు కావాలని పిలుపునిచ్చారు. ఈ కార్యక్రమంలో కళాశాల ప్రిన్సిపాల్ విజయకుమారి, అధ్యాపకులు, ప్రజా యువజన సంఘం అధ్యక్షుడు, మెడికల్ ఆఫీసర్ బి.సురేశ్‌, ఎక్సైజ్ శాఖ సిబ్బంది పాల్గొన్నారు.