వాడిన కమలం.. గులాబీ జోష్‌

పార్టీ అభ్యర్థి గెలుపుతో ఖైరతాబాద్‌ నియోజకవర్గంలో సంబురాలు అంబరాన్నంటాయి. ఖైరతాబాద్‌ ఎమ్మెల్యే దానం నాగేందర్‌ ఆదేశాలతో పెద్ద సంఖ్యలో కార్యకర్తలు తెలంగాణ భవన్‌ వద్దకు చేరుకొని సంబురాల్లో పాల్గొన్నారు.

• నియోజకవర్గంలో సంబురాల్లో పార్టీ శ్రేణులు

మునుగోడు ఉప ఎన్నికల్లో ..టీఆర్‌ఎస్‌(బీఆర్‌ఎస్‌) పార్టీ అభ్యర్థి గెలుపుతో ఖైరతాబాద్‌ నియోజకవర్గంలో సంబురాలు అంబరాన్నంటాయి. ఖైరతాబాద్‌ ఎమ్మెల్యే దానం నాగేందర్‌ ఆదేశాలతో పెద్ద సంఖ్యలో కార్యకర్తలు తెలంగాణ భవన్‌ వద్దకు చేరుకొని సంబురాల్లో పాల్గొన్నారు. బంజారాహిల్స్‌, జూబ్లీహిల్స్‌, వెంకటేశ్వరకాలనీ, సోమాజిగూడ, హిమాయత్‌నగర్‌, ఖైరతాబాద్‌ డివిజన్లకు చెందిన వందలాదిమంది కార్యకర్తలు విజయోత్సవ
సంబురాల్లో పాల్గొన్నారు.
– బంజారాహిల్స్‌/హిమాయత్‌నగర్‌/
ఖైరతాబాద్‌,నవంబర్‌ 6:

• సోమాజిగూడ కార్పొరేటర్‌ వనం సంగీతాయాదవ్‌, వెంకటేశ్వరకాలనీ డివిజన్‌ టీఆర్‌ఎస్‌ అధ్యక్షుడు రాములు చౌహాన్‌తో పాటు పెద్ద సంఖ్యలో నాయకులు, కార్యకర్తలు సంబరాల్లో పాల్గొన్నారు.
• జూబ్లీహిల్స్‌ డివిజన్‌ కార్పొరేటర్‌ వెల్దండ వెంకటేశ్‌ ఆధ్వర్యంలో ఫిలింనగర్‌లోని గౌతమ్‌నగర్‌ చౌరస్తాలో సంబురాలు నిర్వహించారు. టీఆర్‌ఎస్‌ కార్యకర్తలు మిఠాయిలు పంచుకొని పరస్పరం అభినందనలు తెలుపుకున్నారు.
• బంజారాహిల్స్‌ రోడ్డు నంబర్‌ 10లో టీఆర్‌ఎస్‌ సీనియర్‌ నాయకులు రాధ, నజీర్‌ తదితరుల ఆధ్వర్యంలో మిఠాయిలు పంచుకున్నారు.
• మునుగోడు ఉప ఎన్నికల్లో టీఆర్‌ఎస్‌(బీఆర్‌ఎస్‌) పార్టీ అభ్యర్థి కూసుకుంట్ల ప్రభాకర్‌రెడ్డి విజయం సాధించడం పట్ల హిమాయత్‌నగర్‌లో టీఆర్‌ఎస్‌(బీఆర్‌ఎస్‌) నాయకులు సంబరాలు జరుపుకున్నారు.
• ఈ కార్యక్రమంలో టీఆర్‌ఎస్‌(బీఆర్‌స్‌) పార్టీ హిమాయత్‌నగర్‌ డివిజన్‌ అధ్యక్షుడు యాదగిరిసుతారి, నాయకులు సర్ఫరాజ్‌, పి.ప్రభాకర్‌గౌడ్‌, డి.రాజేందర్‌కుమార్‌, నందు, ఎన్‌.గణేశ్‌,మాధవి, సుధాకర్‌,అశ్విన్‌, సురాజ్‌, వసీ, ఇస్మాయిల్‌, ముక్రం, రంజాన్‌, రిజ్వాన్‌, అద్నాన్‌, నవీన్‌బాబు, రాఘవేందర్‌,కృష్ణ పాల్గొన్నారు.
• మునుగోడులో టీఆర్‌ఎస్‌ ఘన విజయంతో నగరంలో సంబురాలు మిన్నంటాయి.
• సోమాజిగూడ డివిజన్‌లోని సీఎం క్యాంపు ఆఫీసు ఎదురుగా కార్పొరేటర్‌ వనం సంగీత శ్రీనివాస్‌ యాదవ్‌ ఆధ్వర్యంలో విజయోత్సవాలు నిర్వహించి పటాకులు కాల్చారు. ఈ కార్యక్రమంలో టీఆర్‌ఎస్‌ డివిజన్‌ అధ్యక్షులు ఎస్‌కె అహ్మద్‌, నాయకులు వనం శ్రీనివాస్‌ యాదవ్‌ తదితరులు పాల్గొన్నారు.