జీహెచ్‌ఎంసీ స్టాండింగ్‌ కమిటీలో 24 అంశాలకు ఆమోదం

మేయర్‌ గద్వాల్‌ విజయలక్ష్మి అధ్యక్షతన గురువారం జీహెచ్‌ఎంసీ ప్రధాన కార్యాలయంలో స్టాండింగ్‌ కమిటీ సమావేశం జరిగింది. ఈ సమావేశంలో 18 ఎజెండా అంశాలతోపాటు ఆరు టేబుల్‌ ఐటమ్‌లకు కమిటీ ఆమోదం తెలిపింది. జీహెచ్‌ఎంసీ నుంచి హైడ్రాకు రూ.20కోట్లు ఇవ్వాలన్న ప్రతిపాదనను కమిటీ సభ్యులు తిరస్కరించడం గమనార్హం.

సిటీబ్యూరో, నవంబర్‌ 20(నమస్తే తెలంగాణ): మేయర్‌ గద్వాల్‌ విజయలక్ష్మి అధ్యక్షతన గురువారం జీహెచ్‌ఎంసీ ప్రధాన కార్యాలయంలో స్టాండింగ్‌ కమిటీ సమావేశం జరిగింది. ఈ సమావేశంలో 18 ఎజెండా అంశాలతోపాటు ఆరు టేబుల్‌ ఐటమ్‌లకు కమిటీ ఆమోదం తెలిపింది. జీహెచ్‌ఎంసీ నుంచి హైడ్రాకు రూ.20కోట్లు ఇవ్వాలన్న ప్రతిపాదనను కమిటీ సభ్యులు తిరస్కరించడం గమనార్హం. ఈ సమావేశంలో జీహెచ్‌ఎంసీ కమిషనర్‌ ఆర్‌వీ కర్ణన్‌, స్టాండింగ్‌ కమిటీ సభ్యులు బొంతు శ్రీదేవి, బానోతు సుజాత, సయ్యద్‌ మిన్హాజుద్దీన్‌, సమీనా బేగం, అబ్దుల్‌ వాహెబ్‌, పర్వీన్‌ సుల్తానా, మహ్మద్‌ సలీం, డాక్టర్‌ అయేషా హుమేరా, మహాలక్ష్మి, రామన్‌ గౌడ్‌, సీఎన్‌ రెడ్డి, మహ్మద్‌ బాబా ఫసియుద్దీన్‌, బూరుగడ్డ పుష్ప తదితరులు పాల్గొన్నారు.

ఆమోదించిన అంశాలు

• 2025-26 ఆర్థిక సంవత్సరానికి ‘వన్‌ టైమ్‌ స్కీమ్‌’అనుమతికి ప్రభుత్వానికి ప్రతిపాదన సమర్పించాలని ఆమోదించారు.
• చౌహమల్లా ప్యాలెస్‌ సమీపంలోని ఖిల్వత్‌ వద్ద మల్టీలెవల్‌ పార్కింగ్‌ కాంప్లెక్స్‌ నిర్మాణం, నిర్వహణలో భాగంగా డీబీఎఫ్‌ఓటీ ప్రాతిపదికన 15 ఏండ్లు రాయితీ వ్యవధి, పనితీరు ఆధారంగా మరో 5 ఏండ్లు పొడిగింపుతో రిక్వెస్ట్‌ ఫర్‌ ప్రపోజల్‌ ప్రతిపాదనకు కమిటీ ఆమోదం తెలిపింది.
• ఖైరతాబాద్‌లోని 10 క్రీడా సముదాయాల నిర్వహణ, కార్యకలాపాలకు టెండర్ల ఆహ్వానం, ఖాజాగూడ స్పోర్ట్స్‌ కాంప్లెక్స్‌న మరమ్మతులకు ప్రైవేట్‌ సంస్థకు లీజుకు ఇచ్చే ప్రతిపాదనను ఆమోదించారు.
• పలుచోట్ల రహదారుల విస్తరణ, హెచ్‌ సిటీ ప్రాజెక్టు నిర్మాణ పనుల్లో భాగంగా ఆస్తుల స్వాధీనానికి ఆమోదం తెలిపారు.
• అబిడ్స్‌ షాపింగ్‌ కాంప్లెక్స్‌లోని 56 దుకాణాల టెండర్‌ ప్రక్రియకు ఆమోదం
• కుత్బుల్లాపూర్‌ సర్కిల్‌ కార్యాలయ ప్రాంగణంలో ఉన్న భాగ్యనగర్‌ గ్యాస్‌ లిమిటెడ్‌ లీజును మరో మూడేళ్లకు పొడగింపు
• జీహెచ్‌ఎంసీలోని స్వచ్ఛ ఆటోలు, స్వీపింగ్‌ వాహనాలు, ఫాగింగ్‌ వాహనాలకు జీపీఎస్‌ ఆధారిత వాహన ట్రాకింగ్‌ సిస్టమ్‌ను ఏర్పాటుకు సర్వీస్‌ ప్రొవైడర్‌ను ఎంపిక చేయడానికి ఆమోదం
  – జీహెచ్‌ఎంసీ ఫిర్యాదుల నిర్వహణకు 50 సీట్ల ఇన్‌బాండ్‌ కాల్‌కాల్‌ సెంటర్‌(ఈఎంఆర్‌ఐ) ఏర్పాటు, కాల్‌ సెంటర్‌ సర్వర్‌ మౌలిక వసతుల అప్‌గ్రేడ్‌కు అనుమతి.