Chepa Prasadam | 8న చేప ప్రసాదం పంపిణీ.. నాంపల్లి ఎగ్జిబిషన్‌ గ్రౌండ్‌లో వేగంగా ఏర్పాట్లు

మృగశిర కార్తెని పురస్కరించుకొని ఆస్తమా వ్యాధిగ్రస్తులకు బత్తిని కుటుంబం ఈనెల 8న అందించే చేప మందు ప్రసాదం పంపిణీకి ఆర్‌అండ్‌బీ అధికారులు ఏర్పాట్లు చేస్తున్నారు. నాంపల్లి ఎగ్జిబిషన్‌ మైదానంలో కౌంటర్లు ఏర్పాటు చేసి వాటి ద్వారా చేప ప్రసాదం పంపిణీ చేయనున్నారు.

Chepa Prasadam | అబిడ్స్‌, జూన్‌ 5 : మృగశిర కార్తెని పురస్కరించుకొని ఆస్తమా వ్యాధిగ్రస్తులకు బత్తిని కుటుంబం ఈనెల 8న అందించే చేప మందు ప్రసాదం పంపిణీకి ఆర్‌అండ్‌బీ అధికారులు ఏర్పాట్లు చేస్తున్నారు. నాంపల్లి ఎగ్జిబిషన్‌ మైదానంలో కౌంటర్లు ఏర్పాటు చేసి వాటి ద్వారా చేప ప్రసాదం పంపిణీ చేయనున్నారు.

ఈ నేపథ్యంలో క్యూలైన్‌ల కోసం బారికేడ్‌లు, విద్యుద్దీపాలు, సీసీ కెమెరాల ఏర్పాటు వంటి పనులను చేపట్టారు. బ్యారికేడ్‌ నిర్మాణ పనులను అబిడ్స్‌ ఏసీపీ చంద్రశేఖర్‌, బేగంబజార్‌ ఇన్‌స్పెక్టర్‌ విజయ్‌కుమార్‌ పాటు ఎస్‌ఐలు సిబ్బంది పర్యవేక్షించారు.