ప్రజాస్వామ్యంలో ఓటు వజ్రాయుధం

ప్రజాస్వామ్యంలో ఓటు బలమైన ఆయుధమని, ప్రతి ఒక్కరూ ఓటు హక్కును వినియోగించుకొని, భవిష్యత్‌ను తీర్చిదిద్దుకోవాలని వక్తలు పిలుపునిచ్చారు.

మేడ్చల్‌ జోన్‌ బృందం, జనవవరి 25 : ప్రజాస్వామ్యంలో ఓటు బలమైన ఆయుధమని, ప్రతి ఒక్కరూ ఓటు హక్కును వినియోగించుకొని, భవిష్యత్‌ను తీర్చిదిద్దుకోవాలని వక్తలు పిలుపునిచ్చారు. మేడ్చల్‌ నియోజకవర్గంలో వివిధ మండలాలు, మున్సిపాలిటీల్లో బుధవారం ఓటరు దినోత్సవాన్ని నిర్వహించారు. ఈ సందర్భంగా అవగాహన ర్యాలీలు నిర్వహించి, ప్రతిజ్ఞ చేశారు. కార్యక్రమంలో భాగంగా పలువురు మాట్లాడుతూ 18 ఏండ్లు నిండిన ప్రతి ఒక్కరూ ఓటరుగా నమోదు కావాలన్నారు.

• మేడ్చల్‌ పట్టణంలోని 76, 77 పోలింగ్‌ కేంద్రాల వద్ద కౌన్సిలర్‌ మహేశ్‌ ఓటర్లతో ప్రతిజ్ఞ చేయించారు.
• ఘట్‌కేసర్‌లో జరిగిన ఓటరు దినోత్సవంతో కమిషనర్‌ వేమన రెడ్డి పాల్గొన్నారు. తాసీల్దార్‌ కార్యాలయం వద్ద నిర్వహించిన కార్యక్రమంలో విజయలక్ష్మి, ఘట్‌కేసర్‌ ఇన్‌స్పెక్టర్‌ వి.అశోక్‌ రెడ్డి, పోచారం మున్సిపల్‌ చైర్మన్‌ కొండల్‌ రెడ్డి పాల్గొని ప్రతిజ్ఞ చేశారు. వెంకటాపూర్‌లోని అనురాగ్‌ యూనివర్సిటీలో ర్యాలీ నిర్వహించారు.
• తూంకుంట మున్సిపాలిటీ చైర్మన్‌ కారంగుల రాజేశ్వర్‌రావు, మూడుచింతలపల్లి మండలం ఎంపీపీ హారిక మురళీగౌడ్‌ ఆధ్వర్యంలో నిర్వహించగా మున్సిపాలిటీ కమిషనర్‌ జేతూరామ్‌నాయక్‌, మేనేజర్‌ శ్రావణ్‌కుమార్‌ పాల్గొన్నారు. మూడుచింతలపల్లి మండలంలో సర్పంచ్‌ రవి, ఎంపీటీసీ నాగరాజు, తాసీల్దార్‌ వాణిరెడ్డి, ఎంపీడీవో రవినాయక్‌, అధికారులు, విద్యార్థులు పాల్గొన్నారు.
• జవహర్‌నగర్‌ ప్రభుత్వ ఉన్నత పాఠశాల, మున్సిపాలిటీ కార్యాలయంలో ప్రతిజ్ఞ చేశారు. రెవెన్యూ ఇన్‌స్పెక్టర్‌ విశ్వనాథ్‌, ప్రిన్సిపాల్‌ శంకరయ్య, ఉపాధ్యాయులు, మేయర్‌ మేకల కావ్య, కమిషనర్‌ రామలింగం, డిప్యూటీ మేయర్‌ శ్రీనివాస్‌, కార్పొరేటర్లు, కోఆప్షన్‌సభ్యులు, అధికారులు పాల్గొన్నారు.
• నాగారం, దమ్మాయిగూడ మున్సిపాలిటీల్లో చైర్మన్లు చంద్రారెడ్డి, ప్రణీత శ్రీకాంత్‌ గౌడ్‌ ఆధ్వర్యంలో ఓటరు ప్రతిజ్ఞ చేశారు. కమిషనర్లు ఎ.వాణిరెడ్డి, స్వామి, వైస్‌ చైర్మన్లు మల్లేశ్‌ యాదవ్‌, నరేందర్‌ రెడ్డి, మేనేజర్లు, కౌన్సిలర్లు, అధికారులు, నాయకులు పాల్గొన్నారు.
• బోడుప్పల్‌ మున్సిపల్‌ కార్యాలయంలో అధికారులతో కలిసి మేయర్‌ సామల బుచ్చిరెడ్డి ఓటరు దినోత్సవ సందర్భంగా ప్రతిజ్ఞ చేశారు. కార్పొరేటర్లు, అధికారులు, నాయకులు పాల్గొన్నారు.
• కీసర : కీసరలోని అమరవీరుల స్తూపం నుంచి ఆర్డీవో కార్యాలయం వరకు విద్యార్థులతో కలిసి ఆర్డీవో రవికుమార్‌ ర్యాలీ నిర్వహించారు. అనంతరం ఓటర్లకు అవగాహన కల్పించి ప్రతిజ్ఞ చేయించారు. కార్యక్రమంలో డీసీఓ శ్రీనివాసులు, జిల్లా యువజన సంక్షేమ అధికారి బాల్‌రాం, తాసీల్దార్‌ గౌరీ వత్సల, ఎంపీడీవో రమాదేవి, జడ్పీ వైస్‌ చైర్మన్‌ వెంకటేశ్‌, ఎంపీపీ ఇందిరాలక్ష్మీనారాయణ, వైస్‌ ఎంపీపీ జె.సత్తిరెడ్డి, సర్పంచ్‌ మాధురి వెంకటేశ్‌, పలు శాఖల అధికారులు పాల్గొన్నారు.
• మేడ్చల్‌ కలెక్టరేట్‌ : అర్హులైన ప్రతి ఒక్కరూ ఓటు హక్కు కలిగి ఉండాలని మేడ్చల్‌-మల్కాజిగిరి జిల్లా అదనపు కలెక్టర్‌ అభిషేక్‌ అగస్త్య అన్నారు. కలెక్టరేట్‌లో బుధవారం జాతీయ ఓటరు దినోత్సవం నిర్వహించారు. ఈ సందర్భంగా ఆయన మాట్లాడుతూ 18 ఏండ్లు నిండిన ప్రతి ఒక్కరూ ఓటరుగా నమోదు చేసుకోవాలని కోరారు. ఈ కార్యక్రమంలో జిల్లా రెవెన్యూ అధికారి లింగ్యా నాయక్‌, సీపీఓ రాంమోహన్‌, లా ఆఫీసర్‌ చంద్రావతి, అధికారులు శ్రీనివాస్‌ మూర్తి, ఏఓ వెంకటేశ్వర్లు తదితరులు పాల్గొన్నారు.