కేసీఆర్‌ త్వరగా కోలుకోవాలి

తుంటి ఎముక సర్జరీ చేయించుకుని సోమాజిగూడలోని యశోద దవాఖానలో కోలుకుంటున్న మాజీ సీఎం కేసీఆర్‌కు సంఘీభావంగా మంగళవారం ఖైరతాబాద్‌ నియోజకవర్గంలోని పలు డివిజన్లకు చెందిన బీఆర్‌ఎస్‌ కార్యకర్తలు ఆస్పత్రి వద్దకు చేరుకున్నారు. గెట్‌వెల్‌ సూన్‌ కేసీఆర్‌ అంటూ ప్లకార్డులు ప్రదర్శించారు.

• యశోద ఆస్పత్రివద్దకు వచ్చిన బీఆర్‌ఎస్‌ శ్రేణులు
• ప్లకార్డులు ప్రదర్శిస్తూ సంఘీభావం

బంజారాహిల్స్‌/ఖైరతాబాద్‌,డిసెంబర్‌ 12: తుంటి ఎముక సర్జరీ చేయించుకుని సోమాజిగూడలోని యశోద దవాఖానలో కోలుకుంటున్న మాజీ సీఎం కేసీఆర్‌కు సంఘీభావంగా మంగళవారం ఖైరతాబాద్‌ నియోజకవర్గంలోని పలు డివిజన్లకు చెందిన బీఆర్‌ఎస్‌ కార్యకర్తలు ఆస్పత్రి వద్దకు చేరుకున్నారు. గెట్‌వెల్‌ సూన్‌ కేసీఆర్‌ అంటూ ప్లకార్డులు ప్రదర్శించారు. తమ అభిమాన నాయకుడు త్వరగా కోలుకోవాలంటూ పలువురు కార్యకర్తలు కన్నీళ్లపర్యంతమయ్యారు.

• వెంకటేశ్వరకాలనీ కార్పొరేటర్‌ మన్నె కవితారెడ్డి, గ్రంథాలయ సంస్థ చైర్‌ పర్సన్‌ ప్రసన్న రామ్మూర్తి, వివిధ డివిజన్ల బీఆర్‌ఎస్‌ నేతలు ఆస్పత్రి వద్దకు వచ్చిన వారిలో ఉన్నారు.
• బీఆర్‌ఎస్‌ అధినేత, మాజీ ముఖ్యమంత్రి కేసీఆర్‌ త్వరగా కోలుకోవాలంటూ ఖైరతాబాద్‌, సోమాజిగూడ డివిజన్‌కు చెందిన బీఆర్‌ఎస్‌ నేతలు ప్రదర్శన నిర్వహించారు.
• సోమాజిగూడలోని యశోద దవాఖాన వద్ద జై తెలంగాణ… జై కేసీఆర్‌ అంటూ నినాదాలు చేశారు.
• ఈ కార్యక్రమంలో బీఆర్‌ఎస్‌ డివిజన్‌ అధ్యక్షులు అరుణ్‌ కుమార్‌, సోమాజిగూడ డివిజన్‌ ప్రధాన కార్యదర్శి పి. నాగరాజు, నాయకులు సలావుద్దీన్‌, అభిమానులు తదితరులు పాల్గొన్నారు.