Hyderabad | చెత్త నుంచి బయోగ్యాస్ తయారీలో జీహెచ్ఎంసీ రికార్డు.. జవహర్నగర్ డంపింగ్ యార్డు నుంచి రోజూ 5 టన్నుల సీఎన్జీ ఉత్పత్తి
Hyderabad | బయో గ్యాస్ ఉత్పత్తిలో జీహెచ్ఎంసీ అనూహ్య ఫలితాలను రాబడుతున్నది. జవహర్నగర్ డంపింగ్యార్డు చెత్త కుప్పల నుంచి రీ సైస్టెనబులిటీ సంస్థ రోజూ 5 టన్నుల సీఎన్జీ బయోగ్యాస్ ఉత్పత్తి చేస్తున్నది. ఇందులో రెండు టన్నుల గ్యాస్ను భాగ్యనగర్ గ్యాస్ లిమిటెడ్ సంస్థకు విక్రయిస్తుండగా..సదరు సంస్థ పలు ఇండ్లకు సరఫరా చేస్తున్నది.
Hyderabad | సిటీబ్యూరో, మార్చి 22 (నమస్తే తెలంగాణ) : బయో గ్యాస్ ( Bio Gas )ఉత్పత్తిలో జీహెచ్ఎంసీ ( GHMC ) అనూహ్య ఫలితాలను రాబడుతున్నది. జవహర్నగర్ డంపింగ్యార్డు ( Jawahar Nagar Dumping Yard ) చెత్త కుప్పల నుంచి రీ సైస్టెనబులిటీ సంస్థ రోజూ 5 టన్నుల సీఎన్జీ బయోగ్యాస్ ఉత్పత్తి చేస్తున్నది. ఇందులో రెండు టన్నుల గ్యాస్ను భాగ్యనగర్ గ్యాస్ లిమిటెడ్ సంస్థకు విక్రయిస్తుండగా..సదరు సంస్థ పలు ఇండ్లకు సరఫరా చేస్తున్నది. ఇందులో భాగంగానే మూడు టన్నుల సీఎన్జీని దశల వారీగా వినియోగంలోకి తీసుకువచ్చేందుకు జీహెచ్ఎంసీ నిర్వహణ సంస్థ రీ సైస్టెనబులిటీతో కలిసి ప్రత్యేక కార్యాచరణ ప్రణాళిక ను అమలు చేస్తున్నది. చెత్త తరలింపులో భాగంగా ప్రస్తుతం ఉన్న డీజిల్ వాహనాలకు స్వస్తి పలికి సీఎన్జీ ట్రక్కులను వినియోగంలోకి తీసుకురావాలని నిర్ణయించారు.

తొలుత 100 సీఎన్జీ వాహనాలను తీసుకురావడం ద్వారా ఒకటిన్నర టన్ను గ్యాస్తో రోజూ వంద ట్రక్కులను నడిపించేందుకు ప్రణాళికలు సిద్ధం చేసి.. ఈ మేరకు 20 సీఎన్జీ వాహనాలను అందుబాటులోకి తీసుకువచ్చారు. దశల వారీగా సీఎన్జీ వాహనాలను తీసుకువచ్చి మూడు నెలల్లోగా పూర్తి స్థాయిలో గ్యాస్ను వినియోగించేలా సన్నాహాలు చేస్తున్నట్లు అధికారులు తెలిపారు. మొత్తంగా బయోగ్యాస్ ఉత్పత్తి కేంద్రం బహుళ ప్రయోజనాలను అందిస్తున్నది. డంపింగ్యార్డులో చెత్తగుట్ట సమస్య తగ్గడంతో పాటు పర్యావరణ పరంగా, ఆర్థికంగా ప్రయోజనం చేకూరనుంది. గ్యాస్ ఉత్పత్తితో డీజిల్ వినియోగం తగ్గడం, వాయు కాలుష్యం తగ్గనుంది. వేస్ట్ ల్యాండ్ఫిల్ నుంచి బయోగ్యాస్ ఉత్పత్తి దేశంలో ఇంతవరకు ఎక్కడా లేదని జీహెచ్ఎంసీ అధికారులు చెబుతున్నారు.
గ్యాస్ తయారీ ఇలా…
- జవహర్నగర్ డంపింగ్యార్డులో దాదాపు 130 ఎకరాల మేర పేరుకుపోయిన చెత్తగుట్ట నుంచి వెలువడే దుర్గంధం, పరిసర ప్రాంత ప్రజల ఇబ్బందులు తగ్గించేందుకు దాన్ని క్యాపింగ్ చేసి సైంటిఫిక్ ల్యాండ్ఫిల్గా మార్చారు.
- క్యాపింగ్ సమయంలోనే ల్యాండ్ఫిల్లో దాదాపు 155 గ్యాస్వెల్స్ వేశారు. వాటి నుంచి పైపులైన్ ద్వారా చెత్తలోని వాయువులు పెద్ద బెలూన్లోకి చేరుతాయి. వీటిల్లో మిథేన్, కార్బన్డయాక్సైడ్ తదితరమైనవి ఉంటాయి. మిథేన్ దాదాపు 45 శాతంగా ఉంటుంది. అక్కడి నుంచి వివిధ దశల్లో శుద్ధి చేసి మిథేన్ దాదాపు 93 శాతం వరకు వచ్చేలా చేస్తారు. అక్కడి నుంచి గ్యాస్ను సిలిండర్లలో నింపుతారు. దీనిని సీఎన్జీ మాదిరిగా వాహనాలకు వినియోగించవచ్చు.
- రోజుకు 5 టన్నుల గ్యాస్ ఉత్పత్తి చేయగల ప్లాంట్ను ఏర్పాటు చేసింది.భాగ్యనగర్ గ్యాస్ లిమిటెడ్ కంపెనీతో రోజుకు 2 టన్నుల విక్రయానికి సదరు సంస్థ ఒప్పందం కుదుర్చుకున్నది.
- చెత్త నుంచి గ్యాస్ ఉత్పత్తికి దాదాపు రూ. 11 కోట్లు ఖర్చు చేశారు. ఒప్పందం మేరకు కేజీ గ్యాస్ను రవాణాతో కలిపి రూ. 46 కు విక్రయిస్తున్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
సీఎం సభకు వెళ్లొస్తుండగా రెండు బస్సుల మధ్య నలిగి మహిళ మృతి.. 5లక్షల ఎక్స్గ్రేషియా అందజేసిన పొన్నం
Dorothy | రొటర్డ్యామ్ ఫిలిం ఫెస్టివల్ ఎంపికైన ‘డోరతీ’.. లైమ్లైట్ విభాగంలో ప్రదర్శన!
టేకులపల్లిలో ఇసుక ట్రాక్టర్ బోల్తా.. యువకుడు మృతి.. గర్భిణి భార్య, కుమార్తెకు తీరని శోకం
Kakatiya University | కాకతీయ యూనివర్సిటీలో ఫుడ్ పాయిజన్.. 14 మంది విద్యార్థులకు అస్వస్థత
Rekha Naik | రేఖా నాయక్ ఇళ్లలో ఈడీ సోదాలు.. రూ.40.96 కోట్ల ధాన్యం కుంభకోణం కేసులో తనిఖీలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

