Visit:
Samantha : టాలీవుడ్ అగ్రకథానాయిక సమంత రుతుప్రభు (Samantha Ruth Prabhu) కొత్త జర్నీ ప్రారంభించనుంది. ఈమధ్యే ‘మా ఇంటిబంగారం’తో సూపర్ హిట్ కొట్టిన సామ్.. ‘సెలబ్రిటీ మాస్టర్చెఫ్ తమిళ్’ షోకు హోస్ట్గా వ్యవహరించనుంది. ఈ రియాలిటీ సిరీస్ను ఆద్యంతం సమంత నడిపింనుందని శనివారం సోనీ పిక్చర్స్ నెట్వర్క్స్ వెల్లడించింది. తమిళ చిత్ర పరిశ్రమలోని పలువురు సెలబ్రిటీలు ఈ వంట పోటీల్లో పాల్గొంటారని ఇన్స్టాగ్రామ్ పోస్ట్ ద్వారా తెలిపిందీ సంస్థ.
‘మా ఇంటి బంగారం’ సినిమాలో వంటరాని కోడలి పాత్రలో నటించిన సమంత ఈసారి ఏకంగా మాస్టర్ కుకింగ్ షోకు హోస్ట్గా వ్యవహరించనుంది. సోనీ పిక్చర్స్ నెట్వర్క్స్కు సంబంధించిన సెలబ్రిటీ మాస్టర్చెఫ్ తమిళ్ షోను అన్నీతానై నడిపంచనుంది స్టార్ హీరోయిన్. ఈ కుకింగ్ షోకు హోస్ట్గా సమంతను పరిచయం చేస్తూ శనివారం ప్రోమోను విడుదల చేసింది సోనీ పిక్చర్స్ నెట్వర్క్స్.
View this post on Instagram
‘అసలుసిసలైన వంటపోటీ ఇక్కడ మొదలవ్వనుంది. సమంత రుతుప్రభు ఈ షోకు హోస్ట్గా వ్యవహరించనుంది. సెలబ్రిటీ మాస్టర్చెఫ్ తమిళ్ త్వరలోనే సోనీ, సోనీ లీవ్లో మీముందుకు రానుంది’ అని ఇన్స్టాగ్రామ్ ఖాతాలో పోస్ట్ పెట్టిందీ సంస్థ. ఈ షో గురించి సమంత మాట్లాడుతూ.. తాను ఈ కుకింగ్ షో పట్ల తాను ఆతృతగా ఉన్నట్టు చెప్పింది.
‘ఎట్టకేలకు మీ అందరితో ఈ విషయాన్ని పంచుకుంటున్నందుకు చాలా సంతోషంగా ఉంది. సెలబ్రటీ మాస్టర్చెఫ్ తమిళ్ అనేది నేను ఇదివరకు చేసిన షోలాంటిది కాదు. అందుకే నేను ఈ షోకు హోస్ట్గా ఉండలేను అని చెప్పలేకపోయా. భోజనం అందర్నీ ఒక్కటి చేస్తుంది. ఎన్నో జ్ఞాపకాలను మిగులుస్తుంది. కెమెరాలు చూడని మీలోని కొత్తకోణాన్ని బయటపెడుతుంది. తమిళ చిత్రసీమలోని కొందరు సెలబ్రిటీలు కిచెన్లో అడుగుపెట్టడం, సవాళ్లను స్వీకరించడం, పొరపాట్లు చేయడం, ఆశ్చర్యానికి గురవ్వడం, ఎంతో ఇష్టంతో పోటీపడడం వంటివి చూసేందుకు నేను ఎంతో ఆసక్తిగా ఉన్నా. ఎవరు వంట చేస్తారో నేను చెప్పగలను. కానీ, అందులో ఫన్ ఏముంటింది? సోనీ విజాతో మనం ఏం కుక్ చేయబోతున్నాం అనేది ప్రతిఒక్కరూ ఆస్వాదించేలా చేయడానిక నేను ఇంకా వేచి ఉండలేకపోతున్నా’ అని సమంత పేర్కొంది. సెలబ్రిటీ మాస్టర్చెఫ్ తమిళ్ షోను బనిజయ్ ఆసియా అనే కంపెనీ నిర్మిస్తోంది. అయితే.. తొలిసారి తల్లికాబోతున్న సమంత.. ఈ షోతో ఎప్పుడు మన ముందుకు రాబోతోంది? అనేది తెలియాల్సి ఉంది.
