ఇందిరా క్యాంటీన్‌గా అన్నపూర్ణ..!

ఆకలితో అలమటించే వాళ్లకు కడుపు నిండా భోజనం పెట్టాలన్న ఉద్దేశంతో బీఆర్‌ఎస్‌ ప్రభుత్వ హయాంలో ‘అన్నపూర్ణ’ కేంద్రాలను ఏర్పాటు చేసి పేదల పాలిట అక్షయపాత్రగా మలిచింది. కేసీఆర్‌ సంకల్పంతో 2014 నుంచి ఐదు రూపాయలకే భోజనం విజయవంతంగా కొనసాగుతూ వచ్చినది. గత ప్రభుత్వ హయాంలోనే 10 కోట్ల 88 లక్షల మందికి పైగా భోజనం అందించి దేశంలోనే అతిపెద్ద భోజన పథకంగా నిలిచింది.. ఇందుకోసం కేసీఆర్‌ ప్రభుత్వం రూ. 216.01కోట్లు ఖర్చు చేశారు.

• బీఆర్‌ఎస్‌ పథకాలను మార్చుతున్న రేవంత్‌ సర్కారు
• నిరుపేదల ఆకలి తీర్చిన పథకంలోనూ రాజకీయ రంగు
• క్యాంటీన్‌ పేరు ప్రతిపాదనకు స్టాండింగ్‌ కమిటీ ఆమోదం
• 18 నెలలుగా ఒక్క ఫ్లై ఓవర్‌ పనులు మొదలు పెట్టని ప్రభుత్వం

సిటీబ్యూరో, జూన్‌ 26 (నమస్తే తెలంగాణ ) : ఆకలితో అలమటించే వాళ్లకు కడుపు నిండా భోజనం పెట్టాలన్న ఉద్దేశంతో బీఆర్‌ఎస్‌ ప్రభుత్వ హయాంలో ‘అన్నపూర్ణ’ కేంద్రాలను ఏర్పాటు చేసి పేదల పాలిట అక్షయపాత్రగా మలిచింది. కేసీఆర్‌ సంకల్పంతో 2014 నుంచి ఐదు రూపాయలకే భోజనం విజయవంతంగా కొనసాగుతూ వచ్చినది. గత ప్రభుత్వ హయాంలోనే 10 కోట్ల 88 లక్షల మందికి పైగా భోజనం అందించి దేశంలోనే అతిపెద్ద భోజన పథకంగా నిలిచింది.. ఇందుకోసం కేసీఆర్‌ ప్రభుత్వం రూ. 216.01కోట్లు ఖర్చు చేశారు.

నగరంలో అ భాగ్యులు, పేదవారు, వివిధ పనుల నిమిత్తం నగరానికి వచ్చే సామాన్యుల ఆకలి తీర్చిన అన్నపూర్ణ పథకాన్ని కాంగ్రెస్‌ ప్రభుత్వం ‘ఇందిరా’ క్యాంటీన్‌గా మార్చుతూ అధికారులు ప్రతిపాదనలు పెట్టగా గురువారం స్టాండింగ్‌ కమిటీ ఆమోదం తెలిపింది. పునరుద్ధరణ పేరుతో 23 సెంటర్లను పూర్తిగా ఎత్తేసి గడిచిన కొన్ని నెలలుగా అన్నపూర్ణ కేంద్రాల ఉనికిని ప్రశార్థకం చేశారు. ఈ నేపథ్యంలోనే ‘ఇందిరా ’ క్యాంటీన్‌గా మార్చి రాజకీయంగా వాడుకునే ప్రయత్నం చేస్తున్నది.

అన్నపూర్ణ పథకం పేరు మార్చడంపై గ్రేటర్‌ ప్రజలు విస్మయం వ్యక్తం చేస్తున్నారు. ఇప్పటికే కేసీఆర్‌ సర్కారు పేరు తెచ్చి పెట్టిన ఎస్‌ఆర్‌డీపీ, ఎస్‌ఎన్‌డీపీ పథకాలను హెచ్‌ సిటీ ప్రాజెక్టుగా పేరు మార్చిన రేవంత్‌ సర్కారు…గడిచిన 18 నెలలుగా ఏ ఒక్క చోట ఫ్లై ఓవర్‌ నిర్మాణ పనులను మొదలు పెట్టకపోవడం పాలన వైఫల్యానికి అద్దం పడుతున్నది. మేయర్‌ గద్వాల్‌ విజయలక్ష్మి అధ్యక్షతన గురువారం 4వ స్టాండింగ్‌ కమిటీ సమావేశం జీహెచ్‌ఎంసీ ప్రధాన కా ర్యాలయంలోని కమాండ్‌ కంట్రోల్‌ రూంలో జరిగింది. కమిటీ సమావేశంలో 22 అంశాలు, 10 టేబుల్‌ ఐటమ్‌లకు సభ్యులు ఆమోదించినట్లు తెలిపారు.

తీసుకున్న కీలక నిర్ణయాలు

• ఉన్న రూ. 5ల భోజన కేంద్రాలను ఇందిరా క్యాంటీన్‌ను పునరుద్ధరించడం, రూ. 5ల భోజన కేంద్రాల్లో అల్పాహార పథకాన్ని ప్రారంభించనున్నారు. రూ. 5 భోజన పథకాన్ని ఇందిరా క్యాంటీన్‌గా పేర్కొన్నారు. భోజన పథకంతో పాటు అల్పాహార పథకాన్ని ప్రారంభించనున్నారు. 11 శాశ్వత సీటింగ్‌ ప్రదేశాల్లో ఉన్న నిర్మాణాలను పునరుద్ధరించడం, 40 ప్రదేశాల్లో 40×10 అడుగుల నిర్మాణాలు, 99 ప్రదేశాలలో 20×10 అడుగుల నిర్మాణాల పునరుద్ధరించనున్నారు.
• నిర్వహణలో భాగంగా కొత్త టెండర్‌ను పూర్తి చేసే వరకు నెలకు రూ.1.12 కోట్లు ఖర్చు చేయనున్నారు.
  సర్కిల్‌ సమీపంలో 2800 చదరపు మీటర్ల స్థలంలో సుందరీకరణ, నిర్వహణను మూడేళ్ల పాటు సీఎస్‌ఆర్‌ పద్ధతిలో మెస్సర్స్‌ మలబార్‌ రాయల్‌ డిజైన్స్‌ హైదరాబాద్‌ ప్రై.లితో జీహెచ్‌ఎంసీ ఎంఓయూ కుదుర్చుకున్నది.
• ఎల్బీనగర్‌ క్రాస్‌రోడ్డు నుంచి లింగోజిగూడ ప్రియదర్శిని పార్కు వదరకు ఆర్‌సీసీ పైపులైన్‌తో స్మార్ట్‌ వాటర్‌ డ్రైయిన్‌ నిర్మాణానికిగానూ రూ. 5.9 కోట్ల పనులకు పరిపాలన అనుమతికి కమిటీ ఆమోదం ఆస్తులను సర్వే చేయడానికి ఈఎస్‌ఆర్‌ఐ ఏజెన్సీ ద్వారా 150 మొబైల్‌ ఫీల్డ్‌ వర్కర్‌ల ద్వారా ఆస్తుల సర్వే, మ్యాపింగ్‌ చేయడానికి రూ.77.8 8 లక్షలు చెల్లించేందుకు కమిటీ పరిపాలన అనుమతికి ఆమోదం సర్కిల్‌లో ఏర్పాటు చేసే కొత్త రైల్వే స్టేషన్‌ పేరును రాధా కృష్ణనగర్‌ రైల్వే స్టేషన్‌గా పెట్టినందుకుగానూ ఇంగ్లీష్‌, హిందీ, స్థానిక భాషలతో ప్రభుత్వానికి ధ్రువీకరించడానికి స్టాండింగ్‌ కమిటీ ఆమోదం లే అవుట్‌ ఫేజ్‌-2 ఫ్లై ఓవర్‌కు దివంగత నేత పీజేఆర్‌ పేరు పెడుతూ కమిటీ ఆమోదం తెలిపింది.
• జోన్లలో వివిధ రకాల టాయిలెట్ల నిర్వహణను బీవోటీ పద్ధతిలో పే అండ్‌ యూజ్‌లో ప్రైవేట్‌ పరం చేసేందుకు కమిటీ అనుమతించింది.
• హైడ్రా పరిధిలో ఉన్న 156 మంది ఔట్‌సోర్సింగ్‌ డ్రైవర్లు తిరిగి జీహెచ్‌ఎంసీకి రాగా…వీరిని యూబీడీ విభాగంలో బాధ్యతలు అప్పగించారు.
• చెరువులో యాచ్‌ క్లబ్‌ హైదరాబాద్‌ కియాకింగ్‌ సెయిలింగ్‌ సౌకర్యాన్ని ఏర్పాటు చేయనున్నారు.
  కేబీఆర్‌ వాక్‌ వే చుట్టూ ఉన్న హైదరాబాద్‌ స్కల్పర్‌ పార్కు స్థాపనను కృష్ణకృతి ఫౌండేషన్‌ భాగస్వామ్యంతో చేపట్టేందుకు ఎఎంఓయూ కుదుర్చుకోనుంది.
• గ్రౌండ్‌లో రూ.4.9కోట్ల వ్యయంతో స్పోర్ట్స్‌ కాంప్లెక్స్‌, ఫుట్‌ బాల్‌ గ్రౌండ్‌ నిర్మాణానికి కమిటీ ఆమోదం
  ర్కిల్‌ ఎన్‌డిఏ ప్యాలెస్‌ నుంచి హనుమాన్‌ టెంపుల్‌ వరకు 100 ఫీట్ల రోడ్డు నిర్మాణానికి కమిటీ ఆమోదం.