పర్యావరణ హితంగా పతంగుల పండుగ
కైట్ ఫెస్టివల్ సందర్భంగా మనుషులు, పక్షులు, జంతువులతో పాటు భూమిపై ఉన్న సమస్త జీవరాశులకు ఎలాంటి అపాయం కలగకుండా పండుగను నిర్వహించుకోవడమే మానవ ధర్మమని పలువురు ప్రకృతి, జంతు ప్రేమికులు సూచిస్తున్నారు
- పతంగుల వలే జీవరాశిని ఎగరనిద్దాం
- మాంజా వద్దు మామూలు దారమే ముద్దు
- కైట్ ఫెస్టివల్ జాగ్రత్తలపై నిపుణుల సూచనలు
సిటీబ్యూరో, జనవరి 12 (నమస్తే తెలంగాణ): కైట్ ఫెస్టివల్ సందర్భంగా మనుషులు, పక్షులు, జంతువులతో పాటు భూమిపై ఉన్న సమస్త జీవరాశులకు ఎలాంటి అపాయం కలగకుండా పండుగను నిర్వహించుకోవడమే మానవ ధర్మమని పలువురు ప్రకృతి, జంతు ప్రేమికులు సూచిస్తున్నారు. అంతేకాదు వివిధ రకాలు గాలిపటాలు ఎగురవేసే సందర్భంలో తగిన జాగ్రత్తలు తీసుకోవాలని హెచ్చరిస్తున్నారు. తల్లిదండ్రులు కూడా ఎప్పటికప్పుడు తమ పిల్లలు తగు జాగ్రత్తలు తీసుకునేలా చర్యలు తీసుకోవాలని కోరుతున్నారు.
చైనా మాంజాతోనే పెను ప్రమాదం..
సంక్రాంతి పండుగ సమీపిస్తున్న తరుణంలో పతంగులు ఎగురవేసేందుకు మాంజాను వాడొద్దని, సాధారణ దారాన్నే వాడాలని జంతు, పక్షి పర్యావరణ ప్రేమికులు అందరికీ సూచిస్తున్నారు. అయితే చైనీస్, నైలాన్, గ్లాస్ కోటెడ్ ఉన్న కాటన్ మాంజాలపై నిషేధం కొనసాగుతున్నది. ఎందుకంటే పక్షులు, జంతువులకే కాదు మనుషులకూ తిప్పలు తప్పవని చెబుతున్నారు.

మాంజాలు వన్యప్రాణులకు ప్రాణసంకటంగా మారుతున్నాయి. గురువారం ఉదయం ఫతేనగర్లో ఓ చెట్టుపై మాంజాలో చిక్కిన పావురం విలవిలలాడింది. సనత్నగర్ అగ్నిమాపక అధికారి ప్రదీప్ రక్షించి.. నీళ్లు తాగించి.. బియ్యపు గింజలు వేశారు. అరగంట తర్వాత శక్తిని పుంజుకున్న ఆ పావురం.. రివ్వున ఆకాశంలోకి ఎగిరిపోయింది.
తీసుకోవాల్సిన జాగ్రత్తలు..
- సంక్రాంతికి భవనాలపై పతంగులు ఎగురవేసేవారు అప్రమత్తంగా ఉండాలి. గాల్లో గాలిపటాలు ఎగురవేసే సమయంలో వెనక్కి, ముందుకు చూసుకొని కదలాలి. లేదంటే కిందపడిపోయే ప్రమాదం ఉంది.
- బంగళాల పై నుంచి ఎగురవేసే వారు చుట్టూ రెయిలింగ్ ఉన్న భవనాలపై నుంచే ఎగురవేయాలి.
- భవనాల ప్రహరీలపై ఎక్కి పతంగులను ఎగురవేసే ప్రయత్నం చేయొద్దు.
- పతంగిని కీంచ్ కాట్ చేయబోయే సమయంలో తమ వెనక, ముందు తగిన స్థలం ఉందా లేదా చూసుకోవాలి.
- తెగిపోయిన కైట్స్ కోసం పక్కనే ఉండే భవనాలపైకి దూకడం, పరుగెత్తడం ప్రమాదకరం.
- తల్లిదండ్రులు పిల్లలను ఎప్పటికప్పుడు గమనిస్తూ ఉండాలి. అటుఇటు ఆగమాగం పరుగెత్తితే వద్దని వారించాలి.
- భవనాలపై డీజేలు పెట్టి భారీ శబ్దాలతో కూడిన మ్యూజిక్ వల్ల ఇరుగు పొరుగు వారికి ఇబ్బందికరంగా ఉంటుంది.
- ముఖ్యంగా ప్రహరీ లేని బంగళాలు, అంతస్తులపై ఎక్కి పతంగులను ఎగురవేయరాదు. మైదానల్లోకి వెళ్లి గాలిపటాలను ఎగురవేసుకోవడం ఉత్తమం.
- రోడ్లపై పతంగులను ఎగురవేస్తే.. మాంజా వల్ల ప్రయాణికులు, వాహనదారులు ప్రమాదానికి గురయ్యే ప్రమాదం ఉంది. అందువల్ల రోడ్లకు దగ్గరగా కూడా ఎగురవేయవద్దు.
- కైట్స్ విద్యుత్ వైర్లకు చిక్కుకుంటే.. పొడువాటి ఎండిన కర్రలతోనే తీయాలి. అంతకుమించి ఎక్కువ చేయకూడదు.
- తెగిపోయిన గాలిపటాల కోసం పైకి చూస్తూ వాటి వెంట పరుగెత్త వద్దు. ఎదురుగా వస్తువులుగానీ, వాహనాలు, ఇతరాత్ర ఏవి ఉన్నా ప్రమాదం జరిగే అవకాశం ఉంది.
మూగజీవాలను కాపాడుకుందాం..
పతంగుల పండుగను సంతోషంగా జరుపుకుందాం. పక్షులే కాదు మనుషులకు, జంతువులకు ప్రాణాంతకంగా పరిణమించిన పతంగుల గాజుముక్కల మాంజాను వినియోగించవద్దు. ఇటు పక్షులకూ, అటూ మూగజీవాలనూ రక్షించుకోవాల్సి బాధ్యత ప్రతిఒక్కరిది.
– డాక్టర్ గాజుల ప్రభాకర్, యువ శాస్త్రవేత్త
మాంజా వల్ల మూగజీవాలకు ప్రమాదం
చైనా మాంజా వల్ల అనేక పక్షులకు, మూగ జీవాలకు ఎక్కువగా ప్రమాదాలకు గురవుతున్నాయి. పతంగులను సాధారణ దారాలతోనే ఎగురవేస్తే… వాటికి జరిగే ప్రమాదాలను నివారించవచ్చు. అందుకు నగరవాసులందరూ మూగ జీవాలకు ఇబ్బందులు లేకుండా జరుపుకోవాలి.
– మహ్మద్ ఖలీల్, పెంపుడు జంతువుల ప్రేమికుడు
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
Harish Rao | దమ్ముంటే నువ్వే సిద్దిపేటలో నా మీద పోటీ చెయ్.. సీఎం రేవంత్ రెడ్డికి హరీశ్ రావు సవాల్
Negligence | ఇందిరమ్మ ఇళ్ల ప్రారంభోత్సవంలో అధికారుల నిర్లక్ష్యం..సర్పంచును పక్కనపెట్టి ప్రారంభోత్సవం
సాగర్ నీటి వనరుల పరిరక్షణ, ప్రాజెక్టు భద్రతపై రిటైర్డ్ ఇంజనీర్ల బృందం పరిశీలన
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

