బుధవారం 03 జూన్ 2020
Hyderabad - Mar 30, 2020 , 23:23:12

ఉల్లంఘనలు.. 2 లక్షలు

ఉల్లంఘనలు.. 2 లక్షలు

  • వద్దని చెబుతున్నా రోడ్లపైకి వాహనాలు 
  • రాచకొండ. సైబరాబాద్‌లో లక్షానలభై వేల కేసులు నమోదు
  • హైదరాబాద్‌ కమిషనరేట్‌ పరిధిలో 60 వేల కేసులు 
  • 1700 వాహనాలు సీజ్‌

సిటీబ్యూరో, నమస్తే తెలంగాణ: లాక్‌డౌన్‌ కొనసాగుతున్నది.. వాహనదారులు ఎవరు కూడా బయటకు రావద్దని, ఇంట్లోనే ఉండాలని ప్రభుత్వం కచ్చితంగా చెబుతున్నది. అత్యవసరమైన వారు మాత్రమే ఒక్కరే వాహనాలపై బయటకు మూడు కిలోమీటర్ల పరిధిలో వచ్చి తమకు కావాల్సిన వస్తువులు కొనుగోలు చేసుకొని తిరిగి వెళ్లాలనే నిబంధన కూడా పెట్టింది. దాంతో పాటు ప్రభుత్వ, ప్రైవేట్‌ సంస్థలకు లాక్‌డౌన్‌ నుంచి కొన్ని సంస్థలకు మినహాయింపులిచ్చింది. అయి తే వాహనం రోడ్డుపైకి వచ్చిందంటే వాహదారుడు తప్పని సరిగా ట్రాఫిక్‌ నిబంధనలు పాటించాల్సిందే. కానీ లాక్‌డౌన్‌ సమయంలో తమనెవరూ పట్టించుకోలేరనే ఉద్దేశంతో పలువురు వాహనదారులు ట్రాఫిక్‌ నిబంధనలు ఉల్లంఘిస్తున్నారు. ట్రై కమిషనరేట్‌ల పరిధిలో మార్చి 22 నుంచి 29 వరకు మొత్తం 2,02,445 కేసులు నమోదయ్యాయి.1700 వాహనాలు సీజ్‌ చేశా రు. ఇవి కాకుండా.. హైదరాబాద్‌ పరిధిలో సోమవారం నాడు సాయంత్రం వరకు 11527 ఉల్లంఘన కేసులు నమోదయ్యాయి. లాక్‌డౌన్‌ సమయంలో ద్విచక్రవాహనం మీద ఒక్కరు, కారులో అయితే ఇద్దరికి మాత్రమే అనుమతి ఉంది. రాత్రి 6 గంటల నుంచి ఉదయం 7 గంటల వరకు కర్ఫ్యూ విధించారు. హైదరాబాద్‌లో ట్రాఫిక్‌ పరిస్థితిని కమాండ్‌ కంట్రోల్‌ సెంటర్‌ నుంచి నిరంతరం పరిశీలిస్తుంటారు. నగరంలో సీసీ కెమెరాలకు తోడుగా ట్రాఫిక్‌ మేనేజ్‌మెంట్‌ అండ్‌ ఇంటలిజెన్స్‌ సిస్టమ్‌ కూడా కేసుల నమోదులో సాక్ష్యా లు నమోదు చేసి చలాన్లు విధిస్తున్నాయి. ఇదిలాఉండగా సోమవారం అబిడ్స్‌ లిటిల్‌ ప్లవర్‌ స్కూల్‌ ఆధ్వర్యంలో ఏర్పాటు చేసిన కార్యక్రమంలో ఆయన పేదలకు కూపన్ల పంపిణీ చేశారు. ఈ సందర్భంగా ఆయన హైదరాబాద్‌లో లాక్‌డౌన్‌ పరిస్థితి గూర్చి వివరించారు.  

మొత్తం కేసులు  202445

  • ట్రై కమిషనరేట్ల పరిధిలో మార్చి 22 నుంచి 29 వరకు నమోదు చేసిన ఉల్లంఘనల వివరాలు. 

హైదరాబాద్‌ : 59845

సైబరాబాద్‌ : 1,22,064

రాచకొండ : 20536

బయటకు వస్తే బండి సీజ్‌

లాక్‌డౌన్‌ నిబంధనలు ఉల్లంఘించి ఎవరైనా బయటకు వస్తే వారి వాహనాలు సీజ్‌ చేస్తాం. హైదరాబాద్‌లో 12 వేల మంది క్వారంటైన్‌లో ఉన్నారు. ప్రతి ఒక్కరు నిబంధనలు పాటిస్తున్నారు. నిబంధనలు పాటించని వారిని దవాఖానలో ఉన్న క్వారైంటన్‌లోకి పంపిస్తాం. నగరంలో నిత్యావసర వస్తువుల సరఫరా సాఫీగా సాగుతున్నది. అవసరమైన వారు ఆన్‌లైన్‌లో పాసుల కోసం దరఖాస్తు చేసుకోవచ్చు. 

- హైదరాబాద్‌ సీపీ అంజనీకుమార్‌

నిబంధనలను ఉల్లంఘిస్తే కఠిన చర్యలు 

రాచకొండ కమిషనరేట్‌కు ఆనుకుని ఉన్న ఇబ్రహీంపట్నం, చౌటుప్పల్‌ ప్రాంతాల్లో ఏర్పా టు చేసిన  చెక్‌పోస్టులను సోమవారం సీపీ మహేశ్‌ భగవత్‌ సందర్శించారు. ఈ సందర్భంగా సీపీ చౌటుప్పల్‌ పతంగి టోల్‌గేట్‌ వద్ద ఇతర రాష్ర్టాలకు వెళ్లేందుకు ప్రయత్నించిన వారితో ఆయన మాట్లాడారు.  

- రాచకొండ సీపీ మహేశ్‌ భగవత్‌ 


logo