మూసీ-ఈసీపై 15 వంతెనలు

చారిత్రక మూసీ, ఈసీ నదులపై ఏకకాలంలో 15 చోట్ల కొత్త వంతెనల నిర్మాణానికి కీలక అడుగు పడింది. పర్యాటకానికి మరింత వన్నె తీసుకువచ్చే విధంగా రూపొందించిన డిజైన్‌ను ఖరారు చేశారు. ఈ నెలాఖరులోగా ప్రభుత్వ అనుమతితో హెచ్‌ఆర్‌డీసీఎల్‌, జీహెచ్‌ఎంసీ, హెచ్‌ఎండీఏ, కుడా శాఖలు ఈ బ్రిడ్జిల నిర్మాణానికి టెండర్లను ఆహ్వానించి

• నగర సంస్కృతి, సంప్రదాయాలు ప్రతిబింబించేలా ఏర్పాట్లు
• డిజైన్లు ఖరారు, త్వరలో నిర్మాణ పనులకు టెండర్లు
• రూ. 545 కోట్లతో పనులు చేపట్టనున్న..
• హెచ్‌ఆర్‌డీసీఎల్‌, జీహెచ్‌ఎంసీ, హెచ్‌ఎండీఏ, కుడా

సిటీబ్యూరో, ఆగస్టు 4 (నమస్తే తెలంగాణ) : చారిత్రక మూసీ, ఈసీ నదులపై ఏకకాలంలో 15 చోట్ల కొత్త వంతెనల నిర్మాణానికి కీలక అడుగు పడింది. పర్యాటకానికి మరింత వన్నె తీసుకువచ్చే విధంగా రూపొందించిన డిజైన్‌ను ఖరారు చేశారు. ఈ నెలాఖరులోగా ప్రభుత్వ అనుమతితో హెచ్‌ఆర్‌డీసీఎల్‌, జీహెచ్‌ఎంసీ, హెచ్‌ఎండీఏ, కుడా శాఖలు ఈ బ్రిడ్జిల నిర్మాణానికి టెండర్లను ఆహ్వానించి పనులు చేపట్టనున్నాయి. ఆయా ప్రాంతాల్లో సాఫీ ప్రయాణంతో పాటు పర్యాటక ప్రాంతాలుగా తీర్చిదిద్దేందుకు ప్రభుత్వం రూ.545 కోట్లు మంజూరు చేసిన సంగతి తెలిసిందే.

శాఖల వారీగా బ్రిడ్జిల నిర్మాణం చేపట్టనున్న వివరాలు

జీహెచ్‌ఎంసీ రూ.168కోట్లు

• మూసీపై ఇబ్రహీంబాగ్‌ కాజ్‌వేను కలుపుతూ హైలెవల్‌ బ్రిడ్జి రూ.39కోట్లు
• మూసారంబాగ్‌ను కలుపుతూ హైలెవల్‌ బ్రిడ్జి రూ.52కోట్లు
• చాదర్‌ఘాట్‌ వద్ద హైలెవల్‌ బ్రిడ్జి రూ.42కోట్లు
• అత్తాపూర్‌ వద్ద ఉన్న బ్రిడ్జికి సమాంతరంగా కొత్త బ్రిడ్జిలు రూ.35కోట్లు
• హెచ్‌ఆర్‌డీసీఎల్‌ రూ.116కోట్లు
• కారిడార్‌ నంబరు 99మిస్సింగ్‌ లింక్‌ వద్ద హైలెవల్‌ బ్రిడ్జి రూ.52కోట్లు
• ఈసాపై సన్‌సిటీ-చింతల్‌మెట్‌ కలుపుతూ హైలెవల్‌ బ్రిడ్జి (పవర్‌ కారిడార్‌) రూ.32కోట్లు
• బండ్లగూడ జాగీర్‌లో ఈసాపై ఇన్నర్‌రింగ్‌ వద్ద హైలెవల్‌ బ్రిడ్జి రూ.32కోట్లు
• హెచ్‌ఎండీఏ రూ.221 కోట్లు
• ఉప్పల్‌ లేఅవుట్‌-మూసీ దక్షిణ ఒడ్డును కలుపుతూ కొత్త బ్రిడ్జి రూ.42కోట్లు
• మంచిరేవుల-నార్సింగిని కలుపుతూ హైలెవల్‌ బ్రిడ్జి రూ.39కోట్లు
• బుద్వేల్‌ వద్ద ఈసీకి సమాంతరంగా ఐటీ పార్కులు, కనెక్టింగ్‌ రోడ్లను కలుపుతూ హైలెవల్‌ బ్రిడ్జి రూ.32కోట్లు
• హైదర్హాకోట్‌-రామ్‌దేవ్‌గూడల మధ్య కొత్త వంతెన రూ.42కోట్లు
• బుద్వేల్‌ వద్ద రెండో కొత్త బ్రిడ్జి రూ.20కోట్లు
• ప్రతాపసింగారం-గౌరెల్లి హైలెవల్‌ బ్రిడ్జి రూ.35కోట్లు
• మంచిరేవుల వంతెనను కలుపుతూ కొత్త లింకు రోడ్డు రూ.11కోట్లు
• ఆఫ్జల్‌గంజ్‌, ఐకానిక్‌ పెడస్ట్రియన్‌ బ్రిడ్జి కుడా సంస్థ రూ.40.80 కోట్లు