Health Tips | శాకాహారుల‌కు బెస్ట్ ప్రొటీన్ డైట్ ఇదే..!

శాకాహారంతో (Health Tips) ప్రొటీన్లు, క్యాల్షియం, విట‌మిన్ బీ 12 వంటి పోష‌కాల లోపం త‌లెత్తుతున్నా వెజిటేరియ‌న్ డైట్ ఇప్ప‌టికీ బ‌రువు త‌గ్గేందుకు, గుండెకు మేలు చేసేందుకు మెరుగైన‌దిగా చెబుతారు.

న్యూఢిల్లీ : శాకాహారంతో (Health Tips) ప్రొటీన్లు, క్యాల్షియం, విట‌మిన్ బీ 12 వంటి పోష‌కాల లోపం త‌లెత్తుతున్నా వెజిటేరియ‌న్ డైట్ ఇప్ప‌టికీ బ‌రువు త‌గ్గేందుకు, గుండెకు మేలు చేసేందుకు మెరుగైన‌దిగా చెబుతారు. శాకాహారుల్లో ప్రొటీన్ లోపాన్ని చ‌క్క‌దిద్దేందుకు ప‌లు ప్ర‌త్యామ్నాయాలు ఉన్నాయ‌ని పోష‌కాహార నిపుణులు చెబుతున్నారు.

ఉడ‌క‌బెట్టిన బ‌టానీలు రోజూ అర‌క‌ప్పు తీసుకోవ‌డం ద్వారా శ‌రీరానికి అవ‌స‌ర‌మైన ప్రొటీన్ ల‌భిస్తుంది. కూర‌ల్లోనూ వీటిని వాడితే రుచి కూడా మెరుగ‌వుతుంది. ఉడికించిన బ‌టానీల‌ను ఆనియ‌న్స్‌, టొమాటో వేసి తీసుకుంటే పిల్ల‌లు కూడా ఇష్టంగా తీసుకుంటారు. వీటిని రెగ్యుల‌ర్‌గా ఆహారంలో భాగం చేసుకుంటే బ‌రువు త‌గ్గుతారు. వేరుశెన‌గలో ఆరోగ్య‌క‌ర కొవ్వులు, ప్రొటీన్లతో పాటు ఫైబ‌ర్ కూడా పుష్క‌లంగా ఉండ‌టంతో వీటిని కొద్దిగా తిన‌గానే క‌డుపు నిండిన భావ‌న క‌లిగి అతిగా తిన‌డం త‌గ్గిస్తారు.

శ‌రీరం బ‌రువు పెర‌గ‌కుండా ఇది తోడ్ప‌డుతుంది. అర క‌ప్పు వేరుశెన‌గ‌లో ప్రొటీన్లు పుష్క‌లంగా ఉంటాయి. వీటిని కూడా ఉడికించి తీసుకుంటే సుల‌భంగా జీర్ణ‌మ‌వుతాయి. ఇక క్వినోవాలో ప్రొటీన్లు అధికంగా ఉంటాయి. ప్రొటీన్ల‌తో పాటు ఇందులో మాంగ‌నీస్‌, మెగ్నీషియం, ఫైబ‌ర్ స‌హా శ‌రీరానికి మేలు చేసే ప‌లు సూక్ష్మ పోష‌కాలు ఉంటాయి. వీటితో పాటు ప‌ప్పు ధాన్యాలు, బాదం ప‌ప్పులో అధిక ప్రొటీన్లు శ‌రీరానికి అవ‌స‌ర‌మైన శ‌క్తిని ఇవ్వ‌డంతో పాటు కండ‌రాల బ‌లోపేతానికి ఉప‌క‌రిస్తాయి.

Read More

Thank U Foods | థాంక్‌ యూ ఫుడ్స్‌.. చూపులేని వాళ్లతోనే నడుస్తోన్న సంస్థ ఇప్పుడు ఎంతోమందికి ఆదర్శం!!