Triple-negative breast cancer | ఇప్పటికే మహిళల్లో క్యాన్సర్లతో ఇబ్బందిపడిపోతుంటే.. ట్రిపుల్-నెగెటివ్ బ్రెస్ట్ క్యాన్సర్ అనేది వెలుగులోకి వచ్చి మరీ భయపెడుతున్నది. మూడు ప్రధాన విషయాల్లో ప్రతికూల పరీక్షలు చేసేదే ట్రిపుల్-నెగెటివ్ బ్రెస్ట్ క్యాన్సర్గా వైద్యులు పిలుస్తున్నారు. ఈస్ట్రోజపెన్, ప్రొజెస్టెరాన్ హార్మోన్లతో పాటు హెచ్ఈఆర్2 అనే ప్రోటీన్ ఈ ట్రిపుల్-నెగెటివ్ క్యాన్సర్గా వైద్యులు గుర్తించారు. రొమ్ము కణజాలాలు మైక్రోఛానల్స్ ద్వారా చనుమొనకు అనుసంధానమై ఉంటాయి. ఈ ఛానళ్లలో చిన్న కణాలు పేరుకుపోవడం ప్రారంభించినప్పుడు లేదా కణజాలంలో గడ్డలు ఏర్పడినప్పుడు అది క్యాన్సర్ పెరగడం మొదలైనట్లు సంకేతంగా భావించాలి.
నేషనల్ బ్రెస్ట్ క్యాన్సర్ ఫౌండేషన్ ప్రకారం, బీఆర్సీఏ1, బీఆర్సీఏ2 జన్యువులు మహిళల శరీరంలో ఉంటాయి. కొన్ని కారణాల వల్ల ఈ జన్యువులు సరిగ్గా పనిచేయడంలో విఫలమైనప్పుడు, ట్రిపుల్-నెగటివ్ బ్రెస్ట్ క్యాన్సర్ వచ్చే అవకాశాలు పెరుగుతాయి. బీఆర్సీఏ1, బీఆర్సీఏ2 జన్యువులలో మ్యుటేషన్ కారణంగా దాదాపు 55 నుంచి 65 శాతం మంది మహిళలు ట్రిపుల్-నెగటివ్ బ్రెస్ట్ క్యాన్సర్తో బాధపడుతున్నారు. ఇతర క్యాన్సర్ల కంటే ఇది దూకుడుగా ఉంటుంది. చికిత్స చేయించుకున్నా తిరిగి 3 ఏండ్ల తర్వాత వచ్చే అవకాశాలు ఎక్కువగా ఉన్నాయి. తొలి 5 ఏండ్లలో ప్రాణాంతకం అయ్యే అవకాశాలున్నాయి. ఇది ఇతర రకాలకు పనిచేసే కొన్ని మందులకు స్పందించదు.
లక్షణాలిలా ఉంటాయి..
రొమ్ము చుట్టూ చర్మం గట్టిపడుతుంది.
రొమ్ములో ముద్దలాంటి పదార్థం చేయికి తగులుతుంది.
రొమ్ము చుట్టూ చర్మం రంగులో మార్పు కనిపిస్తుంది.
చంకల ప్రాంతంలో గడ్డలు వస్తుంటాయి.
చనుమొన నొప్పి వస్తుంది. రంగు మారుతుంది.
చనుమొన లొపలికి తిరిగినట్లుగా ఉంటుంది.
చనుమొన నుంచి ద్రవం కారుతుంది.
రొమ్ము చుట్టూరు ఎరుపు రంగు కనిపిస్తుంది.
కారణాలేంటంటే..
జన్యు సంబంధ కారకాల వల్ల ట్రిపుల్-నెగటివ్ బ్రెస్ట్ క్యాన్సర్ వచ్చే ప్రమాదం ఎక్కువగా ఉంటుంది.
బీఆర్సీఏ1, బీఆర్సీఏ2 జన్యువులు సరిగా పనిచేయకపోవడం వల్ల
మెనోపాజ్ ఆలస్యం కావడం వల్ల
అధిక శరీరం బరువు ఉండటం వల్ల
రేడియేషన్కు ఎక్కువగా గురికావడం వల్ల
పీరియడ్స్ నిర్ణీత వయస్సు కంటే ముందే రావడం వల్ల
లేట్ ప్రెగ్నెన్సీ వల్ల
సిగరెట్ స్మోకింగ్, ఆల్కహాల్ డ్రింకింగ్ వల్ల
మెనోపాజ్ తర్వాత హార్మోన్ థెరపీ తీసుకోవడం వల్ల
ఎవరిలో రిస్క్ ఎక్కువ..
ఇప్పటికే టైప్-1 బ్రెస్ట్ క్యాన్సర్తో బాధపడుతున్నవారు
50 లేదా అంతకంటే ఎక్కువ వయసు వారు
ఎక్కువ కాలం పాటు తల్లిపాలను తీసుకోని వారు
రొమ్ము పెద్దగా ఉండేవారు
ఏ పరీక్షల్లో తెలుస్తుంది..
రొమ్ము సెల్ఫ్ ఎగ్జామినేషన్
మామోగ్రఫి
ఆల్ట్రాసౌండ్
బయాప్సీ టెస్ట్
చికిత్స ఇలా ఉంటుంది..
సర్జీరీ కింద లంపెక్టమీ, మాస్టెక్టమీ
రేడియేషన్ థెరపీ
కెమోథెరపీ
ఇలా జాగ్రత్తపడాలి..
కుటుంబ చరిత్రలో ఎవరికైనా క్యాన్సర్ ఉన్నట్లయితే పరీక్షలు చేయించుకోవాలి.
పెరుగుతున్న ఊబకాయాన్ని నియంత్రించుకోవాలి.
శరీరం బరువు పెరిగే ఆహారాలను దూరం పెట్టాలి.
వైద్యుల సూచన మేరకు గర్భనిరోధక మాత్రలు వాడాలి.
గర్భనిరోధక మాత్రలకు బదులుగా కండోమ్స్ వాడండి.
ఆల్కహాల్ డ్రింకింగ్ అలవాటు పూర్తిగా మానుకోవాలి.
జంక్ ఫుడ్ తినకూడదు.
ఎక్కువ నీరు తాగుతుండాలి.
శరీరంలో ఏదైనా గడ్డ కనిపిస్తే వెంటనే వైద్యుడ్ని సంప్రదించాలి.
గమనిక: ఈ కథనం కేవలం పాఠకుల అవగాహన కోసమే అందిస్తున్నాం. ఆరోగ్యానికి సంబంధించి ఏ సమస్యకైనా వైద్యులను సంప్రదించడం శ్రేయస్కరం.