Heart Health | ఈ ఆహారంతో హృద‌యం ప‌దిలం..8 వారాల్లో మెరుగైన ఫ‌లితాలు

ఆరోగ్యంపై శాకాహారం, మాంసాహార ప్ర‌భావాల‌పై (Heart Health) హాట్ డిబేట్ సాగుతుండ‌గా మొక్క‌ల ఆధారిత ఆహారంతో సానుకూల ఫ‌లితాలు ఉంటాయ‌ని తాజా అధ్య‌య‌నం స్ప‌ష్టం చేసింది.

న్యూఢిల్లీ : ఆరోగ్యంపై శాకాహారం, మాంసాహార ప్ర‌భావాల‌పై (Heart Health) హాట్ డిబేట్ సాగుతుండ‌గా మొక్క‌ల ఆధారిత ఆహారంతో సానుకూల ఫ‌లితాలు ఉంటాయ‌ని తాజా అధ్య‌య‌నం స్ప‌ష్టం చేసింది. వెగాన్‌, జంతు సంబంధ ఆహారాల‌ను తీసుకునే వారిపై స్టాన్‌ఫార్డ్ యూనివ‌ర్సిటీ ప‌రిశోధ‌కులు చేప‌ట్టిన అధ్య‌య‌నంలో కీల‌క వివ‌రాలు వెల్ల‌డ‌య్యాయి. రెండు నెలల పాటు సాగిన ఈ అధ్య‌య‌న వివ‌రాలు జామా నెట్‌వ‌ర్క్ ఓపెన్ జ‌ర్న‌ల్‌లో ప్ర‌చురిత‌మ‌య్యాయి.

కొలెస్ట్రాల్ లెవెల్స్‌, షుగ‌ర్ లెవెల్స్‌, ఇన్సులిన్ లెవెల్స్‌, శ‌రీర బ‌రువు వంటి ప్రాతిప‌దిక‌ల ఆధారంగా అధ్య‌య‌నంలో పాల్గొన్న వారి గుండె ఆరోగ్యాన్ని ప‌రిశీలించారు. ఎనిమిది వారాల ప‌రిశోధ‌న అనంత‌రం వెగాన్ డైట్ తీసుకున్న వారిలో బ‌రువు త‌గ్గుద‌ల‌, చెడు కొలెస్ట్రాల్ త‌గ్గుద‌ల‌, ఇన్సులిన్ లెవెల్స్ త‌గ్గుద‌ల‌ను గుర్తించిన‌ట్టు ప‌రిశోధ‌కులు తెలిపారు. మొక్క‌ల ఆధారిత ఆహారంతో గుండె ఆరోగ్యం మెరుగవుతుంద‌ని ఈ అధ్య‌యనంలో క‌నుగొన్నారు.

గుండె ఆరోగ్యానికి మొక్క‌లేత‌ర ఆహారంతో పోలిస్తే ప్లాంట్ బేస్డ్ డైట్ మెరుగైన‌ద‌ని గ‌తంలో నిర్వ‌హించిన ప‌రిశోధ‌న‌లో వెల్ల‌డైన అంశాల‌ను తాజా అధ్య‌య‌నం నిర్ధారించిన‌ట్ల‌యింద‌ని పరిశోధ‌కులు చెబుతున్నారు. ఇక మొక్క‌ల ఆధారిత ఆహారం విష‌యానికి వ‌స్తే కూర‌గాయ‌లు, ప‌ప్పుధాన్యాలు, న‌ట్స్‌, పండ్లు వంటివి అధికంగా తీసుకుంటే మేలు.

Read More :

MBBS Seats | దేశంలో ఏటా ఎంత మంది డాక్టర్లు తయారవుతున్నారో తెలుసా?