oximeter scam : అవునా? పెన్నుకు కూడా ఆక్సిజ‌న్ లెవ‌ల్స్ ఉన్నాయా? అస‌లు ప‌ల్స్ ఆక్సీమీట‌ర్ కరెక్ట్‌గానే పనిచేస్తుందా?

oximeter scam | ఆక్సీమీట‌ర్‌లో మ‌నిషి వేలుకు బ‌దులు ఒక‌ పెన్ను ఉంచినా స‌రే దాని ఆక్సిజ‌న్‌, ప‌ల్స్ రేట్ల‌ను చూపిస్తుండ‌టం ఆ వీడియోలో క‌నిపించ‌డంతో ప్ర‌జ‌లు అయోమ‌యానికి గుర‌వుతున్నారు.

May 14, 2021 / 08:37 PM IST

oximeter scam : అవునా? పెన్నుకు కూడా ఆక్సిజ‌న్ లెవ‌ల్స్ ఉన్నాయా? అస‌లు ప‌ల్స్ ఆక్సీమీట‌ర్ కరెక్ట్‌గానే పనిచేస్తుందా?

oximeter scam | క‌రోనా పుణ్య‌మా అని ఇప్పుడు ఆక్సీమీట‌ర్ గురించి అంద‌రికీ తెలిసిపోయింది ! శ‌రీరంలో ఆక్సిజ‌న్ స్థాయుల‌ను ఎప్ప‌టిక‌ప్పుడు తెలుసుకునేందుకు జ‌నాలు ఇప్పుడు వీటిని ఇంటికి తెచ్చుకుంటున్నారు ! ఇలాంటి స‌మ‌యంలో ఆక్సీమీట‌ర్ ప‌నితీరుపై అనేక సందేహాలు త‌లెత్తుతున్నాయి. ఈ క్ర‌మంలో ఆక్సీమీట‌ర్ ప‌నితీరును స‌వాలు చేస్తూ ఒక వీడియో సోష‌ల్ మీడియాలో చ‌క్క‌ర్లు కొడుతుంది. ఆక్సీమీట‌ర్‌లో మ‌నిషి వేలుకు బ‌దులు ఒక‌ పెన్ను ఉంచినా స‌రే దాని ఆక్సిజ‌న్‌, ప‌ల్స్ రేట్ల‌ను చూపిస్తుండ‌టం ఆ వీడియోలో క‌నిపించ‌డంతో ప్ర‌జ‌లు అయోమ‌యానికి గుర‌వుతున్నారు. అస‌లు ప‌ల్స్ ఆక్సీమీట‌ర్ల‌ను న‌మ్మోచ్చా? లేదా? అనే అనుమానంలో ప‌డిపోతున్నారు. మ‌రి నిజంగానే ఆక్సీమీట‌ర్‌లో పెన్ను ఉంచినా రీడింగ్ చూపిస్తుందా? ఆ వీడియోలో నిజ‌మెంత ఉంది? ఒక‌సారి చూద్దాం..

అస‌లు వీడియో ఏంటి?

ఒక చిన్నారి త‌న పెన్నును ఆక్సీమీట‌ర్‌లో ఉంచి దాన్ని ఆన్ చేశాడు. అప్పుడు ప‌ల్స్ 200, ఆక్సిజ‌న్ లెవ‌ల్స్ 98 ఉన్న‌ట్లుగా రీడింగ్ చూపించింది. దీన్ని ఫేస్‌బుక్‌లో పోస్టు చేసిన ఓ వ్య‌క్తి.. ” ఓహ్ స్కెచ్ పెన్నుకు కూడా హార్ట్ బీట్ ఉందే ! వందేమాతరం ఫ్రెండ్స్ ! స్కెచ్ పెన్నుకు కూడా హార్ట్‌బీట్‌, ఆక్సిజ‌న్ లెవ‌ల్స్ ఉన్నాయి ! అన‌వ‌స‌రంగా జ‌నాల్ని మీడియా భ‌య‌పెట్టిస్తుంది ! ఏం మాయ ఇది ! ఆక్సిజ‌న్ లెవ‌ల్స్ ప‌డిపోతున్నాయ‌ని ఎందుకు భ‌య‌పెట్టిస్తున్నారు ? ప్ర‌జ‌లారా జాగ్ర‌త్త‌గా ఉండండి ! అని చెప్పుకొచ్చాడు. అలాగే.. ఇందులో ఏ ట్రిక్ లేదు. ఇదంతా oximeter scam ” అని క్యాప్ష‌న్ ఇచ్చాడు. ఇది చూసిన నెటిజ‌న్లు ఫేస్‌బుక్‌, వాట్సాప్‌లో ఈ వీడియోను తెగ షేర్ చేస్తున్నారు.

అస‌లు ఆక్సీమీట‌ర్ ఎలా ప‌నిచేస్తుంది?

అస‌లు ఈ వీడియో నిజ‌మో కాదో తెలియాలంటే ముందు ఆక్సీమీట‌ర్ ఎలా ప‌నిచేస్తుందో తెలియాలి. ఆక్సీమీట‌ర్‌లో రెండు ర‌కాల లైట్లు ఉంటాయి. అందులో ఒక‌టి రెడ్ లైట్‌.. ఇంకోటి ఇన్‌ఫ్రారెడ్ లైట్‌. ర‌క్తంలో ఉండే ఆక్సిజ‌న్ ఇన్‌ఫ్రారెడ్ లైట్‌ను ఎక్కువ‌గా గ్ర‌హిస్తుంది. ఎక్కువ‌ రెడ్ లైట్‌ను అవ‌త‌లివైపు పంపించేస్తుంది. శ‌రీరంలో కావాల్సినంత ఆక్సిజ‌న్ లేక‌పోతే రెడ్ లైట్‌తో పాటు ఇన్‌ఫ్రారెడ్ లైట్ కూడా అవ‌త‌లివైపు వ‌చ్చేస్తుంది. మ‌న చేతిలో నుంచి అవ‌త‌లివైపు ప్ర‌స‌రించిన‌ రెండు కాంతుల‌ను సెన్స‌ర్ గ్ర‌హించి కొంత‌ రీడింగ్ చూపిస్తుంది.

నిజంగానే పెన్ను ఆక్సిజ‌న్ లెవ‌ల్స్ చూపిస్తుందా?

అవును !! పెన్నును ఆక్సీమీట‌ర్‌లో ఉంచినా ఆక్సిజ‌న్ లెవ‌ల్స్‌, ప‌ల్స్‌ను చూపిస్తుంది. అని న్యూఢిల్లీలోని అపోలో ఆస్ప‌త్రికి చెందిన ప‌ల్మ‌నాల‌జిస్ట్ డాక్ట‌ర్ ఇషాన్ గుప్తా తెలిపారు. అది ఎలాగో కూడా కార‌ణం వివ‌రించారు. ” పెన్ను లేదా వేరే ఏ వ‌స్తువును అయినా స‌రే ఆక్సీమీట‌ర్‌లో ఉంచిన‌ప్పుడు.. అందులోని ఫొటో సెన్స‌ర్ ఎంతో కొంత లైట్‌ను గుర్తిస్తుంది. దానికి ఎంతో కొంత రీడింగ్‌ను చూపిస్తుంది. ఎందుకంటే ఆక్సీమీట‌ర్‌లో ఉంచింది మ‌నిషి వేలా లేదా ఇంకేదైనా వ‌స్తువా అనేది దానికి తెలియ‌దు. అది ఏదైన‌ప్ప‌టికీ మ‌నిషి వేలు అనే అనుకుంటుంది. కాబ‌ట్టి ఒక‌వేళ పెన్నును ఉంచినా అందులో నుంచి బ‌య‌ట‌కు ప్ర‌స‌రించే రెడ్‌, ఇన్‌ఫ్రారెడ్ లైట్‌ను గ్ర‌హించిన‌ సెన్స‌ర్ ఎంతో కొంత రీడింగ్ చూపిస్తుంది. అలా అని ఆక్సీమీట‌ర్ త‌ప్పు అన‌డం క‌రెక్ట్ కాదు.” అని ఆయ‌న తెలిపారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి