Lung Health Problems | చలికాలంలో శ్వాసకోశ సమస్యల పట్ల జాగ్రత్త.. ఇలా చేస్తే ఇబ్బందులు ఉండవు..
దేశ రాజధాని ఢిల్లీతోపాటు ఉత్తర భారతదేశంలోని పలు ప్రాంతాల్లో వాయు కాలుష్యం తీవ్రత పెరుగుతున్న నేపథ్యంలో ఊపిరితిత్తుల ఆరోగ్యంపై శ్రద్ధ పెట్టడం అవసరమని వైద్యులు సూచిస్తున్నారు. పీఎం2.5 సూక్ష్మ ధూళి కణాలు, వాహనాల పొగ, నిర్మాణ పనుల నుంచి వెలువడే ధూళి, ఇంట్లో వచ్చే పొగ వంటి కాలుష్య కారకాలు శ్వాసకోశ ఆరోగ్యాన్ని ప్రభావితం చేస్తాయి.
Lung Health Problems | దేశ రాజధాని ఢిల్లీతోపాటు ఉత్తర భారతదేశంలోని పలు ప్రాంతాల్లో వాయు కాలుష్యం తీవ్రత పెరుగుతున్న నేపథ్యంలో ఊపిరితిత్తుల ఆరోగ్యంపై శ్రద్ధ పెట్టడం అవసరమని వైద్యులు సూచిస్తున్నారు. పీఎం2.5 సూక్ష్మ ధూళి కణాలు, వాహనాల పొగ, నిర్మాణ పనుల నుంచి వెలువడే ధూళి, ఇంట్లో వచ్చే పొగ వంటి కాలుష్య కారకాలు శ్వాసకోశ ఆరోగ్యాన్ని ప్రభావితం చేస్తాయి. మాస్కులు ధరించడం, కాలుష్యం ఎక్కువగా ఉన్నప్పుడు బయటకు వెళ్లడం తగ్గించడంతోపాటు శ్వాస వ్యాయామాలు, క్రమం తప్పని శారీరక శ్రమ, తగినంత నీరు తాగడం వంటి అలవాట్లు ఊపిరితిత్తుల పనితీరుకు తోడ్పడతాయి.
శ్వాస వ్యాయామాలు..
రోజూ ఐదు నుంచి పది నిమిషాల పాటు డయాఫ్రాగ్మాటిక్ బ్రీతింగ్, అంటే పొట్ట ద్వారా శ్వాస తీసుకోవడం, పెదవులను కొద్దిగా మూసి నెమ్మదిగా గాలి వదిలే పద్ధతిని సాధన చేయాలి. అనులోమ విలోమం వంటి ప్రాణాయామాలను కూడా సౌకర్యవంతమైన వేగంతో చేయవచ్చు. ఇవి శ్వాసపై నియంత్రణ పెంచేందుకు, శ్వాస తీసుకోవడంలో ఇబ్బందిని తగ్గించేందుకు సహాయపడతాయి. అయితే ఆస్తమా, సీఓపీడీ వంటి సమస్యలున్నవారు వైద్యుల సలహా మేరకే వ్యాయామాలు చేయాలి. రోజుకు సుమారు 30 నిమిషాల నడక, సైక్లింగ్ వంటి శారీరక కార్యకలాపాలు శరీర సామర్థ్యాన్ని పెంచుతాయి. కానీ బయట కాలుష్యం ఎక్కువగా ఉన్నప్పుడు వ్యాయామం చేయడం వల్ల ఎక్కువ మొత్తంలో కలుషిత గాలి ఊపిరితిత్తుల్లోకి వెళ్లే ప్రమాదం ఉంటుంది. అందుకే ఏక్యూఐ స్థాయిలని చూసుకుని, కాలుష్యం అధికంగా ఉన్న రోజుల్లో ఇంట్లోనే వ్యాయామం చేయడం మంచిది.
నీరు తాగాలి..
రోజంతా తగినంత నీరు తాగడం వల్ల శ్వాసనాళాల్లో ఉండే శ్లేష్మం సాధారణ స్థితిలో ఉండి, దుమ్ము, సూక్ష్మజీవులను బయటకు పంపే సహజ ప్రక్రియకు తోడ్పడుతుంది. అయితే ప్రతి ఒక్కరికీ ఒకే పరిమాణంలో నీరు అవసరం ఉండదు. ఆవిరి పట్టడం వల్ల ముక్కు దిబ్బడ తాత్కాలికంగా తగ్గవచ్చే తప్ప ఊపిరితిత్తుల సామర్థ్యం పెరగదు, వాటికి బలం చేకూరదు. వేడి నీటి ఆవిరి వల్ల, ముఖ్యంగా పిల్లల్లో, కాలిన గాయాలు కూడా అయ్యే అవకాశం ఉంటుంది. పొగతాగడం, ఇతరులు వదిలే పొగ పీల్చడం, వేపింగ్ వంటి అలవాట్లకు దూరంగా ఉండాలి. వంట పొగ, అగరబత్తులు, దోమల కాయిల్స్, శుభ్రపరిచే రసాయనాల నుంచి వచ్చే పొగను తగ్గించి, వంటగదిలో గాలి ప్రసరణ ఉండేలా చూసుకోవాలి.
మాస్కులను ఉపయోగించాలి..
బయట కాలుష్యానికి గురికాక తప్పని పరిస్థితుల్లో సరిగ్గా అమర్చుకున్న ఎన్95 మాస్కు సూక్ష్మ ధూళి కణాలను పీల్చకుండా కొంత రక్షణ కల్పిస్తుంది. సాధారణ క్లాత్ మాస్కులు, సర్జికల్ మాస్కులు అంతటి రక్షణ ఇవ్వవు. ఫ్లూ, న్యుమోకాకల్, కోవిడ్ టీకాలను వైద్యుల సూచన మేరకు తీసుకోవడం కూడా శ్వాసకోశ ఇన్ఫెక్షన్ల ముప్పును తగ్గిస్తుంది. అయితే అవి కాలుష్యం వల్ల కలిగే నష్టాన్ని నివారించవు. దగ్గు ఎక్కువకాలం కొనసాగడం, పిల్లికూతల శబ్దంతో శ్వాస తీసుకోవడం, తరచూ శ్వాసకోశ ఇన్ఫెక్షన్లు రావడం, ఊపిరి ఆడకపోవడం వంటి లక్షణాలను నిర్లక్ష్యం చేయకూడదు. అవసరమైతే వైద్యులు స్పైరోమెట్రీ, ఛాతీ పరీక్షలు సూచిస్తారు. ప్రాణాయామం, వ్యాయామం, నీరు తాగడం వంటి అలవాట్లు ఊపిరితిత్తుల ఆరోగ్యానికి తోడ్పడతాయి. అయితే కాలుష్యానికి గురికావడాన్ని తగ్గించడం, లక్షణాలు కనిపించినప్పుడు ముందుగానే వైద్య సహాయం తీసుకోవడం కూడా అంతే ముఖ్యమని నిపుణులు చెబుతున్నారు.
Read Today's Latest Health News in Telugu and Telugu News
RELATED ARTICLES
తాజా వార్తలు
Lung Health Problems | చలికాలంలో శ్వాసకోశ సమస్యల పట్ల జాగ్రత్త.. ఇలా చేస్తే ఇబ్బందులు ఉండవు..
KA Paul | రేవంత్ రెడ్డిది అవినీతి పాలన.. కనీసం ప్రజలకు మంచి నీళ్లు ఇవ్వడం లేదు: కేఏ పాల్ ఫైర్
‘జలాల్పూర్ చెరువు కట్ట మూల మలుపు వద్ద రక్షణ చర్యలు చేపట్టాలి’
‘భద్రాచలం ఛాంబర్ ఎన్నికలు న్యాయబద్ధంగా జరపాలి’
Telangana RERA | రెరా.. ఇది తగునా? రియల్ రంగంలో అవినీతికికొమ్ముకాస్తున్నట్లు విమర్శలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

