Water | హైడ్రేట్‌ అవ్వండి.. దూప అయ్యేవరకు ఆగకుండా నీళ్లు తాగండి..

మనిషి శరీరంలో మూడింట్లో రెండు భాగాలు నీరే ఉంటుంది. ఇది తెలియని విషయం కాకపోయినా,చాలాసార్లు మర్చిపోయి నీళ్లు తాగడం తగ్గిస్తారు. దాంతో శరీరంలో నీటి శాతం తగ్గి రకరకాల సమస్యలు వస్తాయి.

Water | మనిషి శరీరంలో మూడింట్లో రెండు భాగాలు నీరే ఉంటుంది. ఇది తెలియని విషయం కాకపోయినా,చాలాసార్లు మర్చిపోయి నీళ్లు తాగడం తగ్గిస్తారు. దాంతో శరీరంలో నీటి శాతం తగ్గి రకరకాల సమస్యలు వస్తాయి. ఎండాకాలం అయినా, వానాకాలం అయినా.. శరీరాన్ని హైడ్రేటెడ్‌గా ఉంచుకోవడం చాలా అవసరం. హైడ్రేషన్‌ అంటే శరీరంలో ద్రవాల స్థాయులను సరిగ్గా ఉంచుకోవడం. హైడ్రేషన్‌ ఆరోగ్యాన్ని కాపాడితే, డీహైడ్రేషన్‌ మనిషిని అన్నివిధాలా కుంగదీస్తుంది.

ఇవీ ప్రయోజనాలు

• బాడీ హైడ్రేటెడ్‌గా ఉంటే… శరీరంలో పోషకాల రవాణా, వ్యర్థాల తొలగింపు, జాయింట్‌ లూబ్రికేషన్‌, ఉష్ణోగ్రత నియంత్రణ వంటివి సక్రమంగా జరుగుతాయి.
• హైడ్రేషన్‌ వల్ల ఆహారం సరిగ్గా జీర్ణమవ్వడంతో పాటు మలబద్దకం సమస్యే రాదు. గ్యాస్‌, ఛాతీలో మంట లాంటివి దరి చేరవు.
• శరీరంలో నీటిస్థాయులు తగ్గితే, మెదడు పనితీరులో మార్పులు వస్తాయి. మతిమరుపు, మానసిక ఆందోళ పెరుగుతాయి.
• శరీరంలో నీటి శాతం బాగుంటే, గుండె కొట్టుకునే వేగం నియంత్రణలో ఉంటుంది. అలాగే గుండె నుంచి రక్త ప్రసరణను బాగా జరుగుతుంది.
• హైడ్రేషన్‌ చర్మాన్ని మాయిశ్చరైజ్‌ చేస్తూ, ఎలర్జీలను దూరం చేస్తుంది.
• నీళ్లు సరిపడా తాగితే, అధిక బరువు సమస్య ఉండదు. బరువు తగ్గాలనుకునే వాళ్లు ఎప్పుడు శరీరాన్ని హైడ్రేటెడ్‌గా ఉంచుకోవాలి.

హాయగా ఉండండి..

ఎప్పుడు ఏం చేయాలి?

• రోజు పొడవునా సరిపడా నీళ్లు తాగుతూనే ఉండాలి.
• మూడుపూటలా నీటిశాతం ఎక్కువ ఉండే పండ్లు, కూరగాయాలు తీసుకోవాలి.
• వ్యాయామం చేసినప్పుడు, వేడి వాతావరణంలో ఉన్నప్పుడు శరీరంలో నీటిస్థాయిలు తగ్గిపోతాయి. అలాంటప్పుడు మామూలు కంటే ఎక్కువ
  నీళ్లు తాగాలి.

ఎవరు ఎంత తాగాలి?

ఒక్కొక్కరికి ఒక్కోలా నీటి అవసరం ఉంటుంది. వాతావరణం, ఆరోగ్యం, శారీరక శ్రమను బట్టి ఒక్కొక్క శరీరాన్ని ఒక్కోలా హైడ్రేట్‌ చేయాలి. అలాగే స్త్రీ, పురుషుల్లోనూ నీటి అవసరం వేరుగా ఉంటుంది.
పురుషులు: రోజుకు దాదాపు 3.7 లీటర్ల (పదిహేనున్నర కప్పులు) నీళ్లు తీసుకోవాలి.
మహిళలు: రోజుకు దాదాపు 2.7 లీటర్ల (పదకొండున్నర కప్పులు) నీళ్లు తాగాలి.

డీహైడ్రేషన్‌ లక్షణాలు

శరీరంలో నీటి స్థాయులు పడిపోయినప్పుడు వివిధ అనారోగ్య సమస్యలు పలకరిస్తాయి. ఆయా లక్షణాలు గుర్తించి వెంటనే నీళ్లు తాగాల్సి ఉంటుంది.

• దాహం వేయడం
• నోరు, చర్మం తడారిపోవడం
• తలనొప్పి
• కళ్లు తిరగడం
• ఏకాగ్రత లోపించడం
• నోటి దుర్వాసన

ఇవి పాటించండి

• ఎక్కడికి వెళ్లినా వెంట ఒక నీళ్ల బాటిల్‌ పెట్టుకుని, కొన్నికొన్ని తాగుతుండాలి.
• దాహం వేసేవరకు ఆగకుండా అప్పుడప్పుడు నీళ్లు తాగాలి.
• ఉదయం లేవగానే, అలాగే రాత్రి నిద్రపోయే ముందూ మంచినీళ్లు తాగాలి.
• వాతావరణ ఉష్ణోగ్రతలను బట్టి తాగే నీటి శాతాన్ని పెంచుకోవాలి. అలాగని చలికాలంలో నీళ్లు తాగడం తగ్గించొద్దు.
• వ్యాయామం, క్రీడల్లో చురుగ్గా ఉండేవాళ్లు, ఎలక్ట్రోలైట్స్‌ గల డ్రింక్స్‌ తాగడం మంచిది.