Home Remedies With Ghee | నెయ్యితో ఇంటి చిట్కాలు.. ఏయే అనారోగ్య స‌మ‌స్య‌ల‌కు నెయ్యిని ఎలా ఉప‌యోగించాలంటే..?

భార‌తీయులు నెయ్యిని ఎంతో పురాత‌న కాలం నుంచే ఉప‌యోగిస్తున్నారు. ఒక‌ప్పుడు దాదాపుగా అంద‌రు ఇళ్ల‌లోనూ నెయ్యి ఉండేది. కానీ ఇప్పుడు నెయ్యిని బ‌య‌ట కొనాల్సిన ప‌రిస్థితి వ‌చ్చింది. అయితే ఆయుర్వేద ప్ర‌కారం నెయ్యిలో అనేక ఔష‌ధ గుణాలు, పోష‌కాలు ఉంటాయి.

Home Remedies With Ghee | భార‌తీయులు నెయ్యిని ఎంతో పురాత‌న కాలం నుంచే ఉప‌యోగిస్తున్నారు. ఒక‌ప్పుడు దాదాపుగా అంద‌రు ఇళ్ల‌లోనూ నెయ్యి ఉండేది. కానీ ఇప్పుడు నెయ్యిని బ‌య‌ట కొనాల్సిన ప‌రిస్థితి వ‌చ్చింది. అయితే ఆయుర్వేద ప్ర‌కారం నెయ్యిలో అనేక ఔష‌ధ గుణాలు, పోష‌కాలు ఉంటాయి. అందువ‌ల్ల నెయ్యిని తింటుంటే అనేక ఆరోగ్య ప్ర‌యోజ‌నాల‌ను పొంద‌వ‌చ్చు. నెయ్యిలో మ‌న శ‌రీరానికి కావ‌ల్సిన అనేక పోష‌కాలు ఉంటాయి. ఇందులో ఒమెగా 3 ఫ్యాటీ యాసిడ్లు, విట‌మిన్ ఎ, డి, ఇ, కె, బ్యుటీరిక్ యాసిడ్ వంటి పోషకాలు అధికంగా ఉంటాయి. క‌నుక ఇవి మ‌న‌కు ఆరోగ్యాన్ని అందిస్తాయి. ఒక‌ప్పుడు చాలా మంది రోజూ నెయ్యిని భోజ‌నంలో తినేవారు. కానీ ఇప్పుడు అలా తిన‌డం లేదు. క‌నీసం చిన్నారుల‌కు సైతం నెయ్యిని తినిపించ‌డం లేదు. అయితే నెయ్యితో ఆరోగ్య ప్ర‌యోజ‌నాలు క‌లుగుతాయ‌ని చాలా మందికి తెలుసు. కానీ దీన్ని ప‌లు ఇంటి చిట్కాల్లో ఎలా ఉప‌యోగించాలి, దీంతో ఎలాంటి అనారోగ్య స‌మ‌స్య‌ల‌ను ఏవిధంగా న‌యం చేసుకోవ‌చ్చు.. అని చాలా మందికి తెలియ‌దు. ఈ క్ర‌మంలోనే ఈ విష‌యాల‌ను ఆయుర్వేద వైద్యులు తెలియజేస్తున్నారు.

మ‌ల‌బ‌ద్ద‌కం ఉంటే..

ప్ర‌స్తుతం చాలా మందికి మ‌ల‌బ‌ద్ద‌కం స‌మ‌స్య ఉంటోంది. అలాంటి వారికి నెయ్యి అద్భుతంగా ప‌నిచేస్తుంది. ఒక టీస్పూన్ నెయ్యిని క‌రిగించి దాన్ని రాత్రి పూట నిద్ర‌కు ముందు ఒక‌టీస్పూన్ మోతాదులో సేవించాలి. లేదా ఉద‌యం ప‌ర‌గ‌డుపునే కూడా తీసుకోవ‌చ్చు. ఇలా చేస్తుంటే మ‌ల‌బ‌ద్ద‌కం నుంచి ఉప‌శ‌మ‌నం ల‌భిస్తుంది. నెయ్యిలో ఉండే బ్యుటీరిక్ యాసిడ్ జీర్ణ వ్య‌వ‌స్థ‌ను ఆరోగ్యంగా ఉంచుతుంది. దీంతో మ‌ల‌బ‌ద్ద‌కం త‌గ్గుతుంది. అలాగే ఈ యాసిడ్ వ‌ల్ల జీర్ణ ర‌సాలు స‌రిగ్గా ఉత్ప‌త్తి అవుతాయి. దీంతో తిన్న ఆహారం సులభంగా జీర్ణం అవుతుంది. అజీర్తి స‌మ‌స్య ఉండ‌దు. ద‌గ్గు, జ‌లుబు వంటి స‌మ‌స్య‌లు ఉన్న‌వారు నెయ్యిని క‌రిగించి రెండు చుక్కల మోతాదులో రెండు ముక్కు రంధ్రాల్లోనూ వేస్తుండాలి. ఇలా రోజుకు రెండు సార్లు చేయాలి. దీని వ‌ల్ల క‌ఫం క‌రిగిపోతుంది. ద‌గ్గు, జ‌లుబు, ముక్కు దిబ్బ‌డ నుంచి త్వ‌ర‌గా ఉప‌శ‌మ‌నం ల‌భిస్తుంది. ఆస్త‌మా, బ్రాంకైటిస్ వంటి స‌మ‌స్య‌లు ఉన్న‌వారికి ఎంతో మేలు జ‌రుగుతుంది.

బ‌రువు త‌గ్గేందుకు..

నెయ్యి అంటే కొవ్వులు ఉంటాయి క‌నుక దీన్ని తింటే బ‌రువు పెరుగుతార‌ని అనుకుంటారు. కానీ ఇందులో నిజం లేదు. మ‌రీ అధికంగా నెయ్యిని తిన్నా, దీంతో వేపుడు వంటి ప‌దార్థాల‌ను, తీపి ప‌దార్థాల‌ను చేసి తిన్నా బరువు పెరుగుతారు. కానీ నెయ్యిని నేరుగా తీసుకుంటే బ‌రువు త‌గ్గుతారు. నెయ్యిని రోజూ ఒక టీస్పూన్ మోతాదులో ఉద‌యం ప‌ర‌గ‌డుపునే తింటుంటే శ‌రీరంలోని కొవ్వు కరుగుతుంది. అధిక బ‌రువు త‌గ్గుతారు. నెయ్యిలో ఆరోగ్య‌క‌ర‌మైన కొవ్వులు, శ‌రీరానికి అవ‌స‌రం అయిన అమైనో ఆమ్లాలు ఉంటాయి. ఇవి కొవ్వు క‌ణాల‌పై ప‌నిచేస్తాయి. కొవ్వు క‌రిగేలా చేస్తాయి. నెయ్యిలో ఉండే ఒమెగా 3, ఒమెగా 6 ఫ్యాటీ యాసిడ్లు కూడా కొవ్వును కరిగించేందుకు స‌హాయం చేస్తాయి. క‌నుక నెయ్యిని రోజువారి ఆహారంలో భాగం చేసుకోవాలి. రోజూ క‌నీసం ఒక టీస్పూన్ మోతాదులో నెయ్యిని తింటుంటే ఉప‌యోగం ఉంటుంది. దీంతో బ‌రువును సుల‌భంగా త‌గ్గించుకోవ‌చ్చు.

షుగ‌ర్ ఉన్న‌వారికి..

ఇక షుగ‌ర్ ఉన్న‌వారికి కూడా నెయ్యి మేలు చేస్తుంది. సాధార‌ణంగా షుగ‌ర్ ఉన్న‌వారు అన్నం తినేందుకు వెనుకాడుతారు. చ‌పాతీల‌ను అధికంగా తింటారు. కానీ నెయ్యి వేసి క‌లిపితే అన్నం గ్లైసీమిక్ ఇండెక్స్ త‌గ్గుతుంది. దీంతో అలాంటి అన్నాన్ని తింటే ర‌క్తంలో చ‌క్కెర స్థాయిలు వెంట‌నే పెర‌గ‌వు. షుగ‌ర్ లెవ‌ల్స్ నియంత్ర‌ణ‌లో ఉంటాయి. క‌నుక డ‌యాబెటిస్ ఉన్న‌వారు అన్నాన్ని తిన‌ద‌లిస్తే కాస్త నెయ్యి వేసి తింటే ఉప‌యోగం ఉంటుంది. అలాగే నెయ్యిని చ‌పాతీల‌పై వేసి కాల్చి కూడా తిన‌వ‌చ్చు. ఇలా చేసినా కూడా చ‌పాతీల గ్లైసీమిక్ ఇండెక్స్ విలువ త‌గ్గుతుంది. దీంతో అలాంటి చ‌పాతీల‌ను తింటే షుగ‌ర్ లెవ‌ల్స్ నియంత్ర‌ణ‌లో ఉంటాయి. ఇలా డ‌యాబెటిస్ ఉన్న‌వారికి నెయ్యి మేలు చేస్తుంది. ఇక చ‌ర్మాన్ని ర‌క్షించుకోవ‌డం కోసం కూడా నెయ్యి ప‌నిచేస్తుంది. నెయ్యిని కాస్త తీసుకుని అందులో కొద్దిగా శ‌న‌గ‌పిండి, ప‌సుపు, నీళ్లు వేపి క‌లిపి మెత్త‌ని పేస్టులా మార్చాలి. ఈ మిశ్ర‌మాన్ని ముఖానికి రాసి 20 నిమిషాలు అయ్యాక క‌డిగేయాలి. ఇలా త‌ర‌చూ చేస్తుంటే ముఖంపై ఉండే మొటిమ‌లు, మ‌చ్చ‌లు తొల‌గిపోయి ముఖం కాంతివంతంగా క‌నిపిస్తుంది. ఇలా నెయ్యిని ప‌లు ఇంటి చిట్కాల్లో ఉప‌యోగించి అద్భుత‌మైన లాభాల‌ను పొంద‌వ‌చ్చు.