పోషకాలే మందులు

Children Health | ఏడీహెచ్‌డీ ( ADHD ).. అటెన్షన్‌ డెఫిసిట్‌ హైపరాక్టివిటీ డిజార్డర్‌ అనే మాటను ఈమధ్య తరచూ వింటున్నాం. పిల్లల్లో కనిపించే ఈ రుగ్మత వారి చదువు, స్వభావాల మీద ప్రభావం చూపిస్తుంది. కొన్నిరకాల థెరపీలు అందుబాటులో ఉన్నా, దీనికంటూ కచ్చితమైన చికిత్స లేదు. కానీ ఈమధ్య జరిగిన ఓ ప్రయోగం ఎంతోకొంత సానుకూలమైన ఫలితాన్ని అందించింది.

కొన్ని విటమిన్లు, ఖనిజాలతో కూడిన మందులను ఈ రుగ్మత ఉన్న పిల్లలకు అందించినప్పుడు, వారి ఏడీహెచ్‌డీ లక్షణాలు మందగించినట్టు కనిపించింది. అంతేకాదు, వారి ఎత్తులో కూడా పెరుగుదల కనిపించింది. ఎనిమిది వారాలపాటు ఈ మందులను వాడిన 54 శాతం మంది పిల్లల్లో ఈ సానుకూలమైన మార్పును గమనించారు. స్వభావపరమైన సమస్యలు ఉన్న పిల్లలకు కూడా ఈ తరహా చికిత్స అందించినప్పుడు, వారిలోనూ మంచి మార్పు కనిపించింది. పిల్లలకు పుష్టికరమైన సంప్రదాయ ఆహారాన్ని అందిస్తే… వారి ఆరోగ్యం, మనసు దృఢంగా ఉంటాయనే మన పెద్దల మాటలు నిజమే అన్నమాట!

Read More :

“మీ పిల్ల‌ల‌ను ఎలా పెంచుతున్నారు? వాళ్ల‌కు ఏం నేర్పిస్తున్నారు?”