Visit:
Kalonji Seeds | మ‌న‌ల్ని అన్ని విధాలుగా ఆరోగ్యంగా ఉంచ‌డంతోపాటు మ‌న‌కు అనేక పోష‌కాలను అందించే విత్త‌నాలు, గింజ‌లు మ‌న‌కు చాలానే అందుబాటులో ఉన్నాయి. అయితే దాదాపు అన్ని ర‌కాల గింజ‌లు, విత్త‌నాల గురించి చాలా మందికి తెలుసు. కానీ కొన్ని ర‌కాల విత్త‌నాల గురించి ఇంకా చాలా మందికి అవగాహ‌న లేదు. అలాంటి విత్త‌నాల్లో కాలోంజి విత్త‌నాలు కూడా ఒక‌టి. వీటినే నైగెల్లా సీడ్స్ అని కూడా పిలుస్తారు. అయితే వీటిని చాలా మంది నల్ల జీల‌క‌ర్ర‌గా భావిస్తారు. కానీ నల్ల జీల‌క‌ర్ర వేరు, కాలోంజి విత్త‌నాలు వేరు. నల్ల జీల‌క‌ర్ర చూసేందుకు సాధారణ జీల‌క‌ర్ర మాదిరిగానే ఉంటుంది. కానీ సాధారణ జీల‌క‌ర్ర‌తో పోలిస్తే కాస్త న‌లుపు రంగులో ఉంటుంది. ఇక కాలోంజి విత్త‌నాలు లావుగా న‌ల్ల‌గా ఉంటాయి. క‌నుక నల్ల జీల‌క‌ర్ర, కాలోంజి విత్త‌నాలు వేరే అని చెప్ప‌వ‌చ్చు. ఇక కాలోంజి విత్త‌నాలు మ‌న‌కు అనేక ఆరోగ్య ప్ర‌యోజ‌నాలను క‌లిగిస్తాయి. వీటిని తీసుకోవ‌డం వ‌ల్ల అనేక లాభాలు క‌లుగుతాయి.
కాలోంజి విత్త‌నాల‌ను తీసుకోవ‌డం వ‌ల్ల ఆర్థ‌రైటిస్ ఉన్న‌వారికి ఎంతో మేలు జ‌రుగుతుంది. ఈ విత్త‌నాల్లో యాంటీ ఇన్ ఫ్లామేట‌రీ గుణాలు ఉంటాయి. క‌నుక వీటిని తింటే శ‌రీరంలోని వాపులు, నొప్పులు త‌గ్గుతాయి. ఆర్థ‌రైటిస్ ఉన్న‌వారికి ఉప‌శ‌మ‌నం లభిస్తుంది. ఈ విత్త‌నాల‌ను తిన‌డం వ‌ల్ల ఫ్రీ ర్యాడిక‌ల్స్‌ను తొల‌గించుకోవ‌చ్చు. దీంతో వాపులు, ఆక్సీక‌ర‌ణ ఒత్తిడి త‌గ్గుతాయి. దీని వ‌ల్ల గుండె జ‌బ్బులు, క్యాన్స‌ర్ వంటి ప్రాణాంత‌క వ్యాధులు రాకుండా ఉంటాయి. ఈ విత్త‌నాల్లో ఉండే యాంటీ ఆక్సిడెంట్లు శ్వాస‌కోశ వ్య‌వ‌స్థ‌ను ఆరోగ్యంగా ఉంచుతాయి. దీంతో ఆస్త‌మా, ద‌గ్గు, జ‌లుబు, అల‌ర్జీల వంటి స‌మ‌స్య‌ల నుంచి ఉప‌శ‌మ‌నం లభిస్తుంది. గొంతు, ఊపిరితిత్తుల్లో ఉండే క‌ఫం క‌రిగిపోతుంది. శ్వాస స‌రిగ్గా లభిస్తుంది. ఊపిరితిత్తులు ఆరోగ్యంగా ఉంటాయి.
ఈ విత్త‌నాల‌ను తీసుకోవ‌డం వ‌ల్ల కొలెస్ట్రాల్ స్థాయిలు నియంత్ర‌ణ‌లో ఉంటాయి. శ‌రీరంలోని చెడు కొలెస్ట్రాల్ త‌గ్గుతుంది. మంచి కొలెస్ట్రాల్ పెరుగుతుంది. ర‌క్త‌నాళాల్లో ఉండే అడ్డంకులు తొల‌గిపోతాయి. దీని వ‌ల్ల హార్ట్ ఎటాక్ రాకుండా నివారించ‌వ‌చ్చు. అలాగే ఈ విత్త‌నాల‌ను తింటుంటే శ‌రీరంలో ర‌క్త స‌ర‌ఫ‌రా మెరుగు ప‌డుతుంది. దీంతో బీపీ త‌గ్గుతుంది. అందువ‌ల్ల హైబీపీ ఉన్న‌వారికి ఈ విత్త‌నాలు ఎంతో మేలు చేస్తాయి. ఇక ఈ విత్త‌నాల‌ను తిన‌డం వ‌ల్ల లివ‌ర్ ప‌నితీరు సైతం మెరుగు ప‌డుతుంది. లివ‌ర్‌లో ఉండే కొవ్వులు, వ్య‌ర్థాలు బ‌య‌ట‌కు వెళ్లిపోయి లివ‌ర్ క్లీన్ అవుతుంది. ఫ్యాటీ లివ‌ర్ ఉన్న‌వారికి ఎంతో మేలు జ‌రుగుతుంది. ఈ విత్త‌నాల‌ను తింటుంటే ఇన్‌ఫెక్ష‌న్ల‌ను త‌గ్గించుకోవ‌చ్చు. వీటిల్లో యాంటీ బ్యాక్టీరియ‌ల్‌, యాంటీ వైర‌ల్‌, యాంటీ ఫంగ‌ల్ గుణాలు ఉంటాయి. క‌నుక ఇన్‌ఫెక్ష‌న్ల‌ను త‌గ్గిస్తాయి. ముఖ్యంగా జీర్ణాశ‌య, చ‌ర్మ సంబంధిత ఇన్‌ఫెక్ష‌న్ల‌ను, వ్యాధుల‌ను త‌గ్గించుకోవ‌చ్చు.
ఈ విత్త‌నాల‌ను తింటుంటే జీర్ణ వ్య‌వ‌స్థ ఆరోగ్యంగా ఉంటుంది. తిన్న ఆహారం సుల‌భంగా జీర్ణ‌మ‌వుతుంది. అజీర్తి త‌గ్గుతుంది. గ్యాస్ నుంచి ఉప‌శ‌మ‌నం లభిస్తుంది. కాలోంజి విత్త‌నాల‌ను శిరోజాలు, చర్మానికి సైతం ఉప‌యోగించ‌వ‌చ్చు. ఈ విత్త‌నాల నుంచి త‌యారు చేసే నూనె మ‌న‌కు మార్కెట్‌లో లభిస్తుంది. దీన్ని అనేక ర‌కాల చ‌ర్మ స‌మ‌స్య‌ల‌కు ఔష‌ధంగా ఉప‌యోగించ‌వ‌చ్చు. ఈ నూనెను రాయ‌డం వ‌ల్ల ఎగ్జిమా, సోరియాసిస్ వంటి చ‌ర్మ స‌మ‌స్య‌లు, ఇత‌ర చ‌ర్మ ఇన్‌ఫెక్ష‌న్లు త‌గ్గిపోతాయి. ఇక ఈ విత్త‌నాలు కాస్త చేదుగా, ఘాటుగా ఉంటాయి. క‌నుక వీటిని నేరుగా తిన‌లేరు. కాబ‌ట్టి వీటిని నీటిలో వేసి మ‌రిగించి ఆ నీళ్ల‌ను తాగ‌వ‌చ్చు. లేదా వీటిని పొడిగా చేసి మీరు తినే వంట‌కాల‌పై చ‌ల్లి తిన‌వ‌చ్చు. ఈ విధంగా కాలోంజి విత్త‌నాల‌ను తీసుకోవ‌డం వ‌ల్ల అనేక లాభాలు క‌లుగుతాయి.
