మునగ పూలు ఎంతో మేలు!

మునగ చెట్టు.. ఔషధాల గని. ఆయుర్వేదంలోనూ తిరుగులేనిది. మునగకాయలు, ఆకులేకాదు.. మునగ పువ్వుల్లోనూ అనేక ఔషధ గుణాలు ఉంటాయని ఆయుర్వేద నిపుణులు చెబుతున్నారు. ‘మునగపూల టీ’తో అద్భుతమైన ఫలితాలు పొందవచ్చని అంటున్నారు.

మునగ చెట్టు.. ఔషధాల గని. ఆయుర్వేదంలోనూ తిరుగులేనిది. మునగకాయలు, ఆకులేకాదు.. మునగ పువ్వుల్లోనూ అనేక ఔషధ గుణాలు ఉంటాయని ఆయుర్వేద నిపుణులు చెబుతున్నారు. ‘మునగపూల టీ’తో అద్భుతమైన ఫలితాలు పొందవచ్చని అంటున్నారు. మునగపూలలో యాంటి ఆక్సిడెంట్లు, విటమిన్లు, ఖనిజాలు పుష్కలంగా లభిస్తాయి. వీటిని తీసుకోవడం ద్వారా.. శరీరానికి విటమిన్‌ ఎ, బి1, బి2, బి3, సితో పాటు కాల్షియం, ఐరన్‌, ఫాస్పరస్‌, మెగ్నీషియం వంటి ఖనిజాలు కూడా అందుతాయి.

మునగపూల టీ..

ముందుగా మునగపూలను కోసి.. వాటిని బాగా జల్లెడ పట్టించాలి. ఆ తర్వాత ఎండలో బాగా ఆరబెట్టి.. పొడిగా చేసుకోవాలి. ఈ పొడిని గాలి చొరబడని డబ్బాల్లో నిల్వ చేసుకోవాలి. ఒక గ్లాసు నీటిలో ఒక టీస్పూన్‌ మునగపూల పొడిని కలిపి.. బాగా మరిగించాలి. అంతే! ‘మునగపూల టీ’ సిద్ధమైపోయినట్లే! దీన్ని నేరుగా అయినా.. రుచి కోసం ఒక టీ స్పూన్‌ తేనె కలుపుకొని అయినా తాగొచ్చు.

• మునగ పువ్వుల్లో ఉండే క్లోరోజెనిక్‌ యాసిడ్‌ అనే యాంటి ఆక్సిడెంట్‌.. శరీరంలో అదనపు కొవ్వును కరిగిస్తుంది.
• వీటిలో లభించే ఒమేగా 3 ఫ్యాటీ యాసిడ్స్‌.. శరీరంలోని చెడు కొలెస్ట్రాల్‌ స్థాయులను తగ్గిస్తాయి. ఫలితంగా.. గుండె పనితీరు మెరుగవుతుంది.
• ‘మునగపూల టీ’ తీసుకోవడం వల్ల డిప్రెషన్‌, ఒత్తిడి దూరం అవుతాయి. నిద్రలేమి, నరాలవ్యాధుల నుంచి ఉపశమనం కలుగుతుంది.
• బలహీనంగా ఉండే మహిళలను పీరియడ్స్‌ సమయంలో కడుపునొప్పి, తలనొప్పి వంటివి వేధిస్తాయి. వీటినుంచిబయటపడేందుకు.. మునగపూల టీని తాగొచ్చు. యూరిన్‌ ఇన్ఫెక్షన్లు, నెలసరి ఇన్ఫెక్షన్లపై మునగ టీ పోరాడుతుంది.
• రోజుకు రెండుసార్లు ఈ టీని తాగితే.. కంటికి సంబంధించిన రోగాలు నయం అవుతాయని ఆయుర్వేద నిపుణులు చెబుతున్నారు.
• మధుమేహం, రక్తపోటును తగ్గించడంలోనూ మునగపూలు శక్తిమంతంగా పనిచేస్తాయి.
• జీర్ణవ్యవస్థ ఆరోగ్యాన్ని కాపాడటంలోనూ మునగపూలు ముందుంటాయి. వీటిలో ఫైబర్‌ పుష్కలంగా లభిస్తుంది. ఇది కాలేయంలోని ఎంజైములను నియంత్రిస్తూ.. జీర్ణవ్యవస్థను ఆరోగ్యంగా ఉంచడంలో సాయపడుతుంది.