రోగాల్ని కడిగే ఔషధం!

ఏ జబ్బుతో డాక్టర్‌ని సంప్రదించినా నీళ్లు తాగాలని సూచిస్తారు. వైద్యులు చెప్పే మాటలు నీటి మూటలు కావండోయ్‌. ఆరోగ్యానికి అవే మేలు తలపులని పరిశోధనలు చెబుతున్నాయి. నీళ్లు తాగితే ఎన్నో రోగాలు రానే రావని ఓ తాజా పరిశోధన తేల్చింది.

ఏ జబ్బుతో డాక్టర్‌ని సంప్రదించినా నీళ్లు తాగాలని సూచిస్తారు. వైద్యులు చెప్పే మాటలు నీటి మూటలు కావండోయ్‌. ఆరోగ్యానికి అవే మేలు తలపులని పరిశోధనలు చెబుతున్నాయి. నీళ్లు తాగితే ఎన్నో రోగాలు రానే రావని ఓ తాజా పరిశోధన తేల్చింది. కాలిఫోర్నియా యూనివర్సిటీ, యూరాలజీ విభాగాధిపతి బెంజమిన్‌ బ్రేయర్‌ సారథ్యంలోని పరిశోధక బృందం వివిధ వ్యాధులకు, తాగే నీటికి ఉన్న సంబంధాన్ని విశ్లేషించింది. ఇందుకోసం 24 ఏండ్ల కాలంలోని పరిశోధనా పత్రాలను అధ్యయనం చేసింది. వీటి ఆధారంగా నీళ్లు బాగా తాగే వాళ్లకు అనేక రోగాలు రానే రావని, రోగాలు ఉన్నా అవి తగ్గుముఖం పట్టాయని గుర్తించింది. సదరు అధ్యయనంలో వెల్లడైన కొన్ని అంశాలు ఇవి..

• ఊబకాయులు నీళ్లు ఎక్కువగా తాగితే అధిక బరువులో 44 శాతం నుంచి 100 శాతం తగ్గే అవకాశం ఉంది.
• సరైన మోతాదులో నీళ్లు తాగడం వల్ల కిడ్నీల్లో ఏర్పడిన రాళ్లు పూర్తిగా కరిగిపోతాయి.
• టైప్‌ 2 డయాబెటిస్‌తో ఉన్నవాళ్లలో తినకముందు రక్తంలో గ్లూకోజ్‌ తక్కువ స్థాయిలో ఉంటుంది. ఇలాంటి సందర్భంలో ఎక్కువగా నీళ్లు తాగితే రక్తంలో గ్లూకోజ్‌ స్థాయి పెరుగుతుంది.
• రోజులో రెండు లీటర్ల నీళ్లు తాగితే మైగ్రేన్‌ బాధితులకు కొంతవరకు రిలీఫ్‌ కలుగుతుంది. బాగా నీళ్లు తాగుతున్నవాళ్లతో తలనొప్పి బాధితులు తక్కువ.
• మోతాదులో నీళ్లు తాగితే మూత్రనాళాల్లో ఇన్‌ఫెక్షన్లు తగ్గుతాయి.
• శరీర బరువుకు కావాల్సిన నీళ్ల కంటే కిలోకు ముప్పై మిల్లీ లీటర్ల చొప్పున ఎక్కువ మంచినీళ్లు తాగితే హైపర్‌ టెన్షన్‌ తగ్గుతుంది.