గోధుమగడ్డి లాగానే బార్లీ గడ్డిలోనూ ఎన్నో పోషకాలు ఉంటాయి. బార్లీ గింజలతో జావ సరే.. కానీ బార్లీ గడ్డితో జ్యూస్ తాగడం విని ఉన్నారా? అవును.. బార్లీ గడ్డి కూడా ఆరోగ్యానికి ఎంతో మేలు చేస్తుంది. బారీ గడ్డిలో మన శరీరానికి కావల్సిన అమైనో యాసిడ్లు, క్లోరోఫిల్, యాంటీ ఆక్సిడెంట్లు, మినరల్స్, విటమిన్స్ తోపాటు ఐరన్, కాపర్, ఫోలిక్ యాసిడ్, బీ6, బీ12 వంటి ప్రోటీన్లు ఇందులో పుష్కలంగా ఉంటాయి. ఈ జ్యూస్ను నిత్యం తీసుకోవడం వల్ల వివిధ అరోగ్య సమస్యల నుంచి బయట పడవచ్చు. అలాగే శరీర రోగ నిరోధక శక్తి కూడా పెరుగుతుంది.
రోజూ బార్లీ గడ్డి జ్యూస్ తాగడం వల్ల వ్యాధి నిరోధక శక్తి పెరుగుతుంది. అంతేకాకుండా గుండె జబ్బు, మదుమేహ వ్యాధి రాకుండా నివారిస్తుంది. ఇందులో దాగిన పోషక పదార్థాలు షుగర్ లెవల్స్ను తగ్గించడమే గాక కిడ్నీ సమస్య, కంటి చూపు సమస్యలు తలెత్తకుండా కాపాడుతుంది.
బార్లీ గడ్డిలో ఉండే ఫ్లేవనాయిడ్లు అనబడే యాంటీ ఆక్సిడెంట్లు మన శరీరంలో ఉత్పన్నమయ్యే ఫ్రీ ర్యాడికల్స్ ప్రభావాన్ని తగ్గిస్తాయి. దీంతోపాటు మనం తినే ఆహారం నుంచి శక్తి ఎక్కువగా ఉత్పత్తి అయ్యేలా చూస్తాయి. అలాగే శరీర కణజాలాన్ని రక్షిస్తాయి. క్యాన్సర్, గుండె జబ్బులు, మధుమేహం వంటి వ్యాధులు రాకుండా చూస్తాయి.
డిప్రెషన్ సమస్యతో బాధపడేవారు బార్లీ గడ్డి జ్యూస్ను నిత్యం తాగుతుంటే ఫలితం ఉంటుందని సైంటిస్టులు చేపట్టిన పరిశోధనలు వెల్లడిస్తున్నాయి. బార్లీ గడ్డిలో ఉండే న్యూరోట్రోఫిన్ అనబడే సమ్మేళనం డిప్రెషన్ బారి నుంచి కాపాడుతుంది.
బార్లీ గడ్డి జ్యూస్ను సేవించడం వల్ల షుగర్ లెవల్స్ను అదుపులో ఉంచుకోవచ్చు. కిడ్నీ వ్యాధులు, కంటి చూపు సమస్యలు రాకుండా ఉంటాయి. అలాగే డయాబెటిస్ లేని వారిలో ఆ వ్యాధి రాకుండా ఉంటుంది.
మలబద్దకం సమస్యతో బాధపడేవారు, రోగ నిరోధక శక్తి తక్కువగా ఉన్నవారు, అధిక బరువును వేగంగా తగ్గించుకోవాలనే వారు నిత్యం బార్లీ గడ్డి జ్యూస్ తాగితే మంచి ఫలితాలు వస్తాయి.
ఇంకా చర్మానికి కూడా బార్లీ గడ్డి రసం మేలు చేస్తుంది. చర్మానికి కాంతిని ఇస్తుంది. బార్లీ గడ్డిని సలాడ్స్, స్మూతీస్లతో చేర్చుకుంటే ఆరోగ్యానికి మేలు జరుగుతుంది. రక్తంలోని హిమోగ్లోబిన్ స్థాయిలు కూడా పెరుగుతాయని ఆయుర్వేద నిపుణులు సెలవిస్తున్నారు.