Hairfall | చలికాలంలో జుట్టు ఎక్కువగా రాలిపోతున్నదా.. ఈ టిప్స్ మీకోసమే!

Hairfall | చలికాలంలో ఉష్ణోగ్రతలు తగ్గినప్పుడు, రక్త నాళాలు ఇరుకుగా మారుతాయి. దాంతో జుట్టు కుదుళ్లకు ఆక్సిజన్‌, పోషకాలు చేరడం తగ్గుతుంది. ఫలితంగా, జుట్టు బలహీనపడి.. ఎక్కువగా రాలిపోతుంటుంది. దీనిని నివారించడానికి ప్రతిరోజూ నాలుగైదు నిమిషాలపాటు తల మీద తేలికగా మసాజ్‌ చేసుకోవాలి.

Hairfall | చలికాలంలో జుట్టు సమస్యలు ఎక్కువగా వేధిస్తుంటాయి. చుండ్రుతోపాటు వెంట్రుకలు బలహీనపడి, రాలిపోతుంటాయి. ఇందుకు అనేక కారణాలు ఉన్నాయి. వాటిని గుర్తించి.. పరిష్కార మార్గాలను ఫాలో అయితే, కేశాలు బలంగా తయారవుతాయి.

చలికాలంలో ఉష్ణోగ్రతలు తగ్గినప్పుడు, రక్త నాళాలు ఇరుకుగా మారుతాయి. దాంతో జుట్టు కుదుళ్లకు ఆక్సిజన్‌, పోషకాలు చేరడం తగ్గుతుంది. ఫలితంగా, జుట్టు బలహీనపడి.. ఎక్కువగా రాలిపోతుంటుంది. దీనిని నివారించడానికి ప్రతిరోజూ నాలుగైదు నిమిషాలపాటు తల మీద తేలికగా మసాజ్‌ చేసుకోవాలి. దీనివల్ల జుట్టు కుదుళ్లకు రక్త ప్రసరణ మెరుగుపడుతుంది. నిత్యం వాకింగ్‌ లాంటి తేలికపాటి వ్యాయామం చేయడం వల్ల కూడా రక్త ప్రసరణ బాగుంటుంది. పాలకూర, బీట్‌రూట్‌, దానిమ్మ, వాల్‌నట్స్‌, గుమ్మడిగింజలు లాంటివి ఆహారంలో భాగం చేసుకుంటే రక్త ప్రసరణ మెరుగవుతుంది.

• చలికాలంలో జుట్టు రాలడానికి మరో కారణం.. విటమిన్‌ డి లోపం. ఈ సమయంలో సూర్యరశ్మి తగ్గుతుంది. దాంతో, విటమిన్‌ డి కూడా తగ్గి, జుట్టు సమస్యలకు కారణం అవుతుంది. దీనిని నివారించడానికి.. విటమిన్‌ డి లభించే పదార్థాలను తీసుకోవాలి.
• చలి వాతావరణంలో ఎక్కువగా వేడినీటితో స్నానం చేస్తుంటారు. ఈ అలవాటు జుట్టు ఆరోగ్యాన్ని దెబ్బతీస్తుందట. వేడినీళ్ల వల్ల మాడుపై చర్మం పొడిబారుతుంది. దాంతో జుట్టు ఆరోగ్యం దెబ్బతిని.. రాలిపోతాయి. అందుకే, తలస్నానానికి గోరువెచ్చని నీటినే వాడాలి. ఇక నిత్యం తల స్నానం చేయడం కూడా జుట్టు ఆరోగ్యానికి మంచిదికాదు. రోజూ షాంపూలు, కండీషనర్లు రాస్తుంటే.. జుట్టు పొడిగా, నిర్జీవంగా తయారవుతుంది. దీర్ఘకాలంలో జుట్టు రాలిపోతుంది. చుండ్రు సమస్యను కూడాపెంచుతుంది.
• జుట్టు పొడిగా ఉంటున్నదని కొందరు నెత్తికి నూనె ఎక్కువగా రాసుకుంటారు. రాత్రంతా అలాగే వదిలేస్తారు. అయితే, ఈ అలవాటు చుండ్రును పెంచుతుంది. జుట్టు రాలడానికి దారితీస్తుంది. బదులుగా.. తలస్నానం చేయడానికి ఒక గంట ముందు జుట్టుకు నూనె రాసుకుంటే సరిపోతుంది.