Health Tips | జీవ‌క్రియ‌ల వేగం పెర‌గాలంటే ఈ ఆహారం మేలు

ఆరోగ్య‌క‌ర‌ బ‌రువుకు జీవ‌క్రియ‌ల (Health Tips) వేగం అత్యంత కీల‌కం. శ‌రీరం క్యాల‌రీల‌ను ఎంత వేగంగా ఖ‌ర్చు చేసి వాటిని శ‌క్తిగా మార్చుతుంద‌నేందుకు ఎన్నో కార‌ణాలు ప్ర‌భావం చూపుతాయి. జీవ‌క్రియ‌ల వేగం (మెట‌బాలిజం) పెంచేందుకు అవ‌స‌ర‌మైన ఆహార ప‌దార్ధాల‌ను త‌ర‌చూ తీసుకోవాల‌ని పోష‌కాహార నిపుణులు సూచిస్తున్నారు.

న్యూఢిల్లీ : ఆరోగ్య‌క‌ర‌ బ‌రువుకు జీవ‌క్రియ‌ల (Health Tips) వేగం అత్యంత కీల‌కం. శ‌రీరం క్యాల‌రీల‌ను ఎంత వేగంగా ఖ‌ర్చు చేసి వాటిని శ‌క్తిగా మార్చుతుంద‌నేందుకు ఎన్నో కార‌ణాలు ప్ర‌భావం చూపుతాయి. జీవ‌క్రియ‌ల వేగం (మెట‌బాలిజం) పెంచేందుకు అవ‌స‌ర‌మైన ఆహార ప‌దార్ధాల‌ను త‌ర‌చూ తీసుకోవాల‌ని పోష‌కాహార నిపుణులు సూచిస్తున్నారు. ప్రొటీన్ అధికంగా ఉండే ఆహారంతో జీవ‌క్రియ‌లు వేగం పుంజుకుంటాయ‌ని ప‌లు అధ్య‌య‌నాల్లో వెల్లడైంది.

విటమిన్ బీ2 పుష్క‌లంగా ఉండే ఎగ్స్ తీసుకోవ‌డం ద్వారా జీర్ణ‌క్రియ వేగవంత‌మ‌వుతుంద‌ని, శ‌రీరానికి అవ‌స‌ర‌మైన శ‌క్తిని అందించి వ‌ర్క‌వుట్ సామ‌ర్ధ్యాన్ని పెంచుతుంద‌ని నిపుణులు చెబుతున్నారు. ఇక మిర్చిలో ఉండే థెర్మోజెనెసిస్ శ‌రీరంలో వేడిని ర‌గిలించి కొవ్వును క‌రిగిస్తుంద‌ని ఫ‌లితంగా ఎన‌ర్జీ లెవెల్స్ పెరుగుతాయ‌ని పోష‌కాహార నిపుణులు పేర్కొంటున్నారు.

వంటింటి ఔష‌ధం దాల్చిన చెక్క‌తో మ‌న వంట‌కాల రుచి పెర‌గ‌డమే కాకుండా బ‌రువు త‌గ్గేందుకు, జీవ‌క్రియల వేగం పెరిగేందుకూ ఉప‌క‌రిస్తుంది. నెయ్యి తీసుకోవ‌డం వ‌ల్ల కూడా జీవ‌క్రియ‌ల వేగం పెరుగుతుంద‌ని సైంటిస్టులు గుర్తించారు. ఇక నిమ్మ‌, కివీ, ద్రాక్ష‌, పైనాపిల్ వంటి సిట్ర‌స్ పండ్లు జీవ‌క్రియ‌ల‌ను పెంపొందిస్తాయి. విట‌మిన్ సీ, యాంటీఆక్సిడెంట్లు, ఇమ్యూన్ బూస్ట‌ర్లు వీటిలో పుష్కలంగా ల‌భిస్తాయి.

Read More :

Health Tips | ఈ ఆహారంతో త‌గ్గ‌నున్న‌ హృద్రోగ ముప్పు