Food Storage Tips | ఎండాకాలంలో ఆహార ప‌దార్థాలు తొంద‌ర‌గా పాడ‌వ్వ‌ద్దంటే ఇలా చేయండి

Food Storage Tips | ఎండాకాలం వచ్చిందంటే చాలు ఆహార పదార్థాలను నిల్వ చేయడం కష్టమైపోతుంది. వండిన పదార్థాలేమో ఇట్టే పాడవుతాయి. పండ్లు, కూరగాయలు, ఆకుకూరలు వడలిపోతాయి. పాలు, పెరుగు సంగతైతే చెప్పక్కర్లేదు. అయితే కొన్ని చిట్కాలు పాటిస్తే మండే ఎండల్లోనూ ఆహార పదార్థాలను తాజాగా ఉంచవచ్చు.

♦ మిగతా రోజులతో పోలిస్తే.. ఫ్రిజ్‌ ఉష్ణోగ్రతను తగ్గించి 5 డిగ్రీల కంటే తక్కువ ఉండేలా చూసుకోవాలి. తాజా గుడ్లు, మాంసాన్ని తప్పకుండా ఫ్రిజ్‌లోనే నిల్వచేయాలి. బ్యాక్టీరియా చేరకుండా ఉండాలంటే వండిన పదార్థాలను, పచ్చి కూరగాయలను వేరువేరు అరల్లో సర్దుకోవాలి.

♦ దూరప్రయాణాలు చేయాల్సి వస్తే ఆహారాన్ని గది ఉష్ణోగ్రత వద్ద చల్లారిన తర్వాతే బాక్సుల్లో సర్దాలి. వీలైతే కూల్‌ కంటైనర్‌లో పెట్టడం మంచిది.

♦ పాలు, పులుసులు, కూరలు వంటి వాటిని కొద్ది గంటల వ్యవధితో తరచుగా వేడి చేస్తూ ఉండాలి. కాస్త వేడి కాగానే దించేయకుండా మరుగు వచ్చేంతవరకు స్టవ్‌ మీద ఉంచాలి.

♦ పెరుగు పులిసిపోకుండా ఉండాలంటే ఫ్రిజ్‌లోనే నిలువ చేయాలి. ఫ్రిజ్‌లో ఇరుకిరుకుగా డబ్బాలు పెట్టకూడదు. గాలి ఆడేందుకు ఖాళీ వదలాలి. అప్పుడే అందులోని పదార్థాలు పాడవకుండా ఉంటాయి.

♦ ఫ్రిజ్‌లోంచి తీసిన పదార్థాలను వెంటనే కాకుండా, కాసేపటి తర్వాత వండుకోవాలి.

♦ వీలైనంత వరకు పండ్లు, కూరగాయలు, ఆకుకూరలను తరిగాక, గాలి చొరబడని డబ్బాల్లో భద్రపరచడం ఉత్తమం.

Read More :

“న‌త్త‌గుల్ల‌లు లొట్ట‌లేసుకుంటూ తింటానంటున్న పూజా హెగ్డే.. బుట్ట బొమ్మ‌ ఇష్ట‌మైన ఫుడ్ ఏంటంటే..”

Healty Food | ఈ ఫుడ్ తింటే ప‌దేండ్లు అధికంగా బ‌త‌కొచ్చు!!”

“Summer Food | స‌మ్మ‌ర్‌లో ఈ ఫుడ్ తింటే ఏమ‌వుతుందో తెలుసా”

Vegan diet | శాకహారులుగా మారిపోతున్న అందాల భామ‌లు.. వీగ‌న్ డైట్ గురించి బాలీవుడ్ సెల‌బ్రెటీలు ఏమంటున్నారంటే..”