న‌త్త‌గుల్ల‌లు లొట్ట‌లేసుకుంటూ తింటానంటున్న పూజా హెగ్డే.. బుట్ట బొమ్మ‌ ఇష్ట‌మైన ఫుడ్ ఏంటంటే..

Pooja Hegde favorite Food | పూజా హెగ్డే భోజన ప్రియురాలు. సౌందర్యానికి భోజనప్రియత్వం అడ్డుకాదని చెబుతున్నది పూజ. అందం, ఆరోగ్యం గురించి తను చాలా శ్రద్ధ తీసుకుంటుందట. ‘నేను ఎవరికీ ఉచిత సలహాలు ఇవ్వను. ఆచరించేదే చెప్తాను’ అంటున్నది ముక్కుసూటిగా .

దినచర్య ఇలా మొదలు..

ఉదయం వర్కవుట్స్‌కు ముందు కాఫీ తాగుతాను.

ఎక్కువగా తినే ఆహారం

మాంసాహారం అంటే ఎక్కువ ఇష్టం. కడుపులో తేలికగా ఉండటానికి కూరగాయలు కూడా తీసుకుంటాను.

బ్రేక్‌ ఫాస్ట్‌

ఎక్కువగా గుడ్లు, అప్పుడప్పుడూ ఎగ్‌ పరాటా తీసుకుంటాను. భోజనంలోకి ఆమ్లెట్‌.

పండ్లు

పండ్లన్నీ ఇష్టమే. రోజూ అన్ని రకాల ఫలాలూ తింటాను.

మధ్యాహ్న భోజనానికి ముందు

ఉదయం 11 గంటల సమయంలో కొన్ని పండ్లు తింటాను. లేకపోతే మిల్క్‌షేక్‌ తాగుతాను.

సాయంత్రం స్నాక్స్‌

సాండ్‌విచ్‌ లేదా ఆలూ టిక్కీ

మదిదోచే వంటకాలు

కొరియన్‌, ఇండియన్‌, ఇటాలియన్‌ రుచులంటే ఇష్టం.

ఇష్టమైన వంటకాలు?

నాకు సీ ఫుడ్‌ అంటే ప్రాణం. మటన్‌, చికెన్‌ ఇష్టమైన వంటకాలు.

చిత్రమైనవి తింటా..

నత్తగుల్లలతో చేసిన వంటకాలు భలే ఇష్టంగా తింటాను. నేను తినేవాటిలో ఇదే కొంచెం విచిత్రమైన తిండి!

చిరుతిండ్లు

భారతీయ పిండివంటలు, గులాబ్‌జామ్‌, జిలేబీ, కోవా, రబ్డీ మక్కువగా.. ఎక్కువగా తింటాను.

డ్రింక్‌

నేను హాట్‌ చాక్లెట్‌ అభిమానిని. వాతావరణం చల్లగా ఉన్నప్పుడు హాట్‌ చాక్లెట్‌ డ్రింక్స్‌ తాగుతూ ఎంజాయ్‌ చేస్తాను.

నేనూ వండుతా

పాస్తా, చేపలు, గుడ్లతో కొత్త రుచులు వండుతాను. గుడ్లతో ప్రయోగాలు చేయడం చాలా ఇష్టం.

సిగ్గుపడేదెప్పుడు?

జంక్‌ ఫుడ్‌ తిన్న తర్వాత సిగ్గేస్తుంది.

ఆరోగ్యం కోసం..

జంక్‌ ఫుడ్‌, స్వీట్స్‌ తీసుకోవద్దని నిర్ణయించుకున్నా. కానీ, ఈ విషయంలో పూర్తిగా సక్సెస్‌ కాలేకపోయాను. అప్పుడప్పుడూ జంక్‌ ఫుడ్‌, వేపుళ్లు, బర్గర్‌ లాగిస్తూనే ఉంటాను. ప్రాసెస్‌
చేసిన ఆహారాన్ని పూర్తిగా పక్కన పెట్టేశాను.

ఫిట్‌నెస్‌

నేను జన్యుపరంగానే చాలా ఫిట్‌. ఆ ఆరోగ్యాన్ని కాపాడుకోవడానికి వ్యాయామం చేస్తాను. ఏది తినాలనిపిస్తే అది తింటాను. తిండి ఎంత ఇష్టమో, వర్కవుట్స్‌ కూడా అంతే ఇష్టం. జిమ్‌కు వెళ్లాలనిపించకపోతే ఇంట్లోనే తేలికైన యోగాసనాలు వేస్తాను.

బెస్ట్‌ కుక్‌

మా అమ్మ. ఈ ప్రపంచంలో అందరికంటే గొప్పగా మా అమ్మే చేస్తుంది! చాలా వేగంగా వండుతుంది. ఎంత కమ్మగా వండుతుందంటే తింటుంటే.. స్వర్గ సుఖాన్ని ఆస్వాదిస్తున్నట్లుగా ఉంటుంది.

చిట్కా

తక్కువ తినాలి. ఎక్కువ సార్లు తినాలి. ప్రతి రెండు గంటలకు ఒకసారి తినాలి. క్యాలరీలు తక్కువగా ఉండే డైట్‌ తీసుకోవాలనే నిబంధన నేను పాటించను. కార్బొహైడ్రేట్స్‌ మనల్ని మెరిసేలా చేస్తాయి. అందుకే నేను ఎవరికీ కార్బోస్‌ తక్కువగా ఉన్న ఆహారం తీసుకోమని సలహా ఇవ్వను.

Read More :

floating breakfast | ఈ బ్రేక్‌ఫాస్ట్‌ తినాలంటే.. లక్షలు ఖర్చు చేయాల్సిందే. ఏంటి దీని స్పెష‌ల్‌.. సెల‌బ్రెటీల‌కు ఎందుకు ఇష్టం?

Cupping Therapy | దిశా ప‌టానీ, జాక్వెలిన్‌.. ఇలా బాలీవుడ్ సెలబ్రెటీలు చేయించుకుంటున్న ఈ ట్రీట్‌మెంట్ స్పెషాలిటీ ఏంటి?

బ్లాక్ వాట‌ర్ తాగుతున్న‌ కోహ్లీ, మ‌లైకా అరోరా.. అస‌లేంటి ఈ నీటి స్పెషాలిటీ..