Diabetes Remedies | షుగ‌ర్ ఉన్న‌వారు పాటించాల్సిన చిట్కాలు ఇవి.. వీటితో షుగ‌ర్ ను గ‌ణనీయంగా అదుపు చేయ‌వ‌చ్చు..

డ‌యాబెటిస్‌.. నేడు ప్ర‌పంచ వ్యాప్తంగా అధిక శాతం మందిని భ‌య‌పెడుతున్న జ‌బ్బు ఇది. దీని కార‌ణంగా మ‌న దేశంలో ఏటా కొన్ని కోట్ల మంది కొత్త‌గా షుగ‌ర్ వ్యాధి ప్ర‌పంచంలో అడుగు పెడుతున్నారు.

Diabetes Remedies | డ‌యాబెటిస్‌.. నేడు ప్ర‌పంచ వ్యాప్తంగా అధిక శాతం మందిని భ‌య‌పెడుతున్న జ‌బ్బు ఇది. దీని కార‌ణంగా మ‌న దేశంలో ఏటా కొన్ని కోట్ల మంది కొత్త‌గా షుగ‌ర్ వ్యాధి ప్ర‌పంచంలో అడుగు పెడుతున్నారు. టైప్‌-1, టైప్‌-2 ఏదైనా రెండింటి వ‌ల్ల ర‌క్తంలో ఉన్న షుగ‌ర్ స్థాయిలు పెరుగుతాయి. అయితే ఈ రెండింటికీ ట్రీట్‌మెంట్లు కొద్దిగా వేరేగా ఉంటాయి. టైప్‌-1 కు ఇంజెక్ష‌న్లు ఇస్తే, టైప్‌-2కు టాబ్లెట్లు ఇస్తారు. ఈ క్ర‌మంలో ఏ త‌ర‌హా షుగ‌ర్ వ్యాధి వ‌చ్చినా దానికి వైద్యులు ఇచ్చే మందుల‌తోపాటు ప‌లు సూచ‌న‌లు పాటిస్తే దాంతో షుగ‌ర్ గ‌ణ‌నీయంగా అదుపులోకి వ‌స్తుంది. షుగ‌ర్ లెవ‌ల్స్ అధికంగా ఉన్న‌వారు డాక్ట‌ర్లు ఇచ్చే మందుల‌ను వాడ‌డంతోపాటు ప‌లు సూచ‌న‌లు పాటిస్తే షుగ‌ర్ ను ఎల్ల‌ప్పుడూ నియంత్ర‌ణ‌లో ఉంచుకోవ‌చ్చు. దీని వ‌ల్ల డ‌యాబెటిస్ ఇబ్బంది పెట్ట‌దు.

దాల్చిన చెక్క‌, వెల్లుల్లి..

దాల్చిన చెక్క‌కు ర‌క్తంలోని చ‌క్కెర‌ను అదుపు చేసే గుణం ఉంది. ఇందులో ఇన్సులిన్ త‌ర‌హా ఔష‌ధ గుణాలు పుష్క‌లంగా ఉన్నాయి. ఇవి ర‌క్తంలోని గ్లూకోజ్ స్థాయిల‌ను త‌గ్గిస్తాయి. అయితే దాల్చిన చెక్క‌ను ఎలా వాడాలంటే.. దీనికి చెందిన పొడిని 3 టేబుల్ స్పూన్ల మోతాదులో తీసుకుని ఒక లీట‌ర్ నీటిలో వేసి మ‌రిగించాలి. 20 నిమిషాల పాటు ఆ నీరు బాగా మ‌రిగాక వ‌చ్చే ద్ర‌వాన్ని వ‌డ‌క‌ట్టి రోజూ ఉద‌యం, సాయంత్రం భోజ‌నానికి అర‌గంట ముందు తాగాలి. దీంతో కేవ‌లం కొద్ది రోజుల్లోనే షుగ‌ర్ వ్యాధి అదుపులోకి వ‌స్తుంది. అలాగే వెల్లుల్లిలో అలియం సాటివం అనే ఓ ర‌క‌మైన ర‌సాయ‌నం స‌మృద్ధిగా ఉంటుంది. ఇది టైప్‌-2 డ‌యాబెటిస్ వ్యాధిగ్ర‌స్తుల‌కు మంచిది. ఇది వారి ర‌క్తంలోని గ్లూకోజ్ స్థాయిల‌ను అదుపు చేస్తుంది. నిత్యం ఉద‌యాన్నే ప‌ర‌గ‌డుపున రెండు వెల్లుల్లి రెబ్బ‌ల్ని అలాగే ప‌చ్చిగా తింటుంటే దాంతో షుగ‌ర్ వ్యాధి నియంత్ర‌ణ‌లో ఉంటుంది. డ‌యాబెటిస్ ఉన్న‌వారికి ఎంతో మేలు జ‌రుగుతుంది.

క‌రివేపాకులు, జామ ఆకులు..

ర‌క్తంలోని చ‌క్కెర స్థాయిల‌ను త‌గ్గించే గుణాలు క‌రివేపాకులోనూ ఉన్నాయి. వీటిలోని ఔష‌ధ కార‌కాలు డ‌యాబెటిస్‌ను అదుపు చేస్తాయి. నిత్యం ఉద‌యం, సాయంత్రం భోజ‌నానికి అర‌గంట ముందుగా గుప్పెడు క‌రివేపాకు ఆకుల‌ను తింటుంటే దాంతో చ‌క్కెర వ్యాధి న‌యం అవుతుంది. అదేవిధంగా జామ ఆకులు కొన్నింటిని తీసుకుని నీడ‌లో ఎండ‌బెట్టి పొడి చేసుకోవాలి. దీనికి 3 గ్రాముల జీల‌కర్ర పొడి క‌ల‌పాలి. ఈ మిశ్ర‌మాన్ని ఒక గ్లాస్ నీటిలో క‌లిపి ఆ నీటిని మ‌రిగించాలి. అనంత‌రం ఆ నీరు అర‌గ్లాస్ అయ్యాక స్టవ్ ఆర్పి ద్ర‌వాన్ని వ‌డ‌క‌ట్టి తాగేయాలి. ఇలా చేస్తే షుగ‌ర్ వెంట‌నే అదుపులోకి వ‌స్తుంది. అలాగే ఉద‌యాన్నే ప‌ర‌గ‌డుపున 8 గ్లాసుల నీటిని తాగి గంట పాటు వాకింగ్ చేయాలి. ఇలా చేసినా షుగ‌ర్‌ను స‌మ‌ర్థ‌వంతంగా ఎదుర్కోవ‌చ్చు.

ఇత‌ర చిట్కాలు..

ఇక బీట్‌రూట్ దుంప‌, మెంతి ఆకు లేదా మెంతుల పొడి, క‌ల‌బంద‌, వేప‌, తుల‌సి వంటి మొక్క‌ల ఆకుల‌ను ఉద‌యం, సాయంత్రం తింటున్నా షుగ‌ర్ వ్యాధిని అదుపులోకి తేవ‌చ్చు. అలాగే పొడ‌ప‌త్రి ఆకు చూర్ణం నిత్యం ఉద‌యం, సాయంత్రం భోజ‌నానికి అర గంట ముందు నీళ్ల‌లో క‌లిపి తాగాలి. దీని వ‌ల్ల కూడా షుగ‌ర్ గ‌ణ‌నీయంగా అదుపులోకి వ‌స్తుంది. ఇలా ఆయా చిట్కాలు, సూచ‌న‌ల‌ను పాటిస్తుంటే షుగ‌ర్ ఉన్న‌వారికి ఎంతో మేలు జ‌రుగుతుంది. డ‌యాబెటిస్‌ను అదుపు చేయ‌వ‌చ్చు. ఆరోగ్యంగా జీవించ‌వ‌చ్చు.