ఉసిరి+కలబంద.. ఆరోగ్య పానీయం

ఉసిరిలో విటమిన్‌-సి పుష్కలం. ఇది యాంటీ ఆక్సిడెంట్‌, యాంటీ ఇన్‌ఫ్లమేటరీ ఏజెంట్‌గా పనిచేస్తుంది. ఇందులో అమైనో ఆమ్లాలు, ఐరన్‌, విటమిన్‌-ఎ, ఫైబర్‌, పొటాషియం, మెగ్నీషియం, క్యాల్షియం సమృద్ధిగా ఉంటాయి.

ఉసిరి, కలబంద (అలోవెరా).. మినరల్స్‌, విటమిన్ల గనులు. అనేక వ్యాధులను పోగొడతాయి. వీటిని పొడిగా, పచ్చళ్లుగా, స్మూతీలుగా తీసుకోవచ్చు. ఆ మిశ్రమంతో చేసుకునే పానీయం బరువును తగ్గిస్తుందని పోషకాహార నిపుణులు చెబుతున్నారు.

• ఉసిరిలో విటమిన్‌-సి పుష్కలం. ఇది యాంటీ ఆక్సిడెంట్‌, యాంటీ ఇన్‌ఫ్లమేటరీ ఏజెంట్‌గా పనిచేస్తుంది. ఇందులో అమైనో ఆమ్లాలు, ఐరన్‌, విటమిన్‌-ఎ, ఫైబర్‌, పొటాషియం, మెగ్నీషియం, క్యాల్షియం సమృద్ధిగా ఉంటాయి.
• కలబందలో 32 రకాల విటమిన్లు, మినరల్స్‌, వందలకొద్దీ ఎంజైములు, పోషక పదార్థాలు ఉంటాయి. వీటిలో యాంటీ ఇన్‌ఫ్లమేటరీ, యాంటీ ఫంగల్‌ గుణాలు అపారం.
• ఉసిరి, కలబంద జ్యూస్‌ తరచూ తీసుకుంటే జీవక్రియలు వేగవంతమవుతాయి. దాంతో శరీరంలో పేరుకుపోయిన విష పదార్థాల నుంచి విముక్తి లభిస్తుంది. ఆయుర్వేదం ప్రకారం.. మనిషి బరువు పెరుగుదలకు ప్రధాన కారణం శరీరంలోని టాక్సిన్లు, వ్యర్థాల కుప్పలే.
• ఉసిరి, కలబంద శరీరాన్ని తేమగా ఉంచుతాయి. దీంతో ఖాళీ కడుపుతో వచ్చే ఇబ్బందులు దూరం అవుతాయి. చక్కెర స్థాయులను సమతూకంలో ఉంచుతాయి.
• ఉసిరి, కలబంద పానీయం ఎన్నో పోష కాలను కలిగి ఉంటుంది. వ్యాయామం వల్ల వచ్చే అలసట నుంచి ఉపశమనం ఇస్తుంది.
• ఇదో సులభమైన పద్ధతి. అరకప్పు ఉసిరి, అరకప్పు కలబంద పానీయాలను బాగా కలుపుకొని తాగితే చాలు. ఆరోగ్యకరమైన పోషకాలు మన సొంతం అవుతాయి. కాకపోతే, వైద్యుల సలహా తీసుకున్న తర్వాతే ఏ నిర్ణయమైనా.