ముంచుకొస్తున్న మాంద్యం!
మాంద్యం ముంచుకొస్తున్న సూచనలు కనిపిస్తున్నాయి. ప్రపంచం లో మూడు అతిపెద్ద ఆర్థిక వ్యవస్థలైన అమెరికా, యురోపియన్ యూనియన్, చైనాల్లో ఈ మేరకు సంకేతాలు గోచరిస్తున్నాయి. ప్రపం చ ఉత్పత్తిలో దాదాపు సగం వాటా ఈ మూడింటిదే. యూరప్లో అతి పెద్ద ఆర్థిక వ్యవస్థ అయిన జర్మనీ జీడీపీ ఈ ఏడాది తొలి త్రైమాసికంలో 0.3 శాతం మేర మందగించింది.
మాంద్యం ముంచుకొస్తున్న సూచనలు కనిపిస్తున్నాయి. ప్రపంచం లో మూడు అతిపెద్ద ఆర్థిక వ్యవస్థలైన అమెరికా, యురోపియన్ యూనియన్, చైనాల్లో ఈ మేరకు సంకేతాలు గోచరిస్తున్నాయి. ప్రపం చ ఉత్పత్తిలో దాదాపు సగం వాటా ఈ మూడింటిదే. యూరప్లో అతి పెద్ద ఆర్థిక వ్యవస్థ అయిన జర్మనీ జీడీపీ ఈ ఏడాది తొలి త్రైమాసికంలో 0.3 శాతం మేర మందగించింది. గతేడాది చివరి త్రైమాసికం లో కూడా 0.5 శాతం మేర క్షీణత నమోదయ్యింది. వరుసగా రెండుసార్లు ఇదే పరిస్థితి ఎదురుకావటంతో, జర్మనీ మాంద్యంలోకి ప్రవేశించినట్లేనని ఆర్థిక నిపుణులు వ్యాఖ్యానిస్తున్నారు. ఉక్రెయిన్పై రష్యా దండెత్తిన నేపథ్యంలో ఏర్పడిన చమురు సంక్షోభం కారణంగా జర్మనీలో ఈ పరిస్థితి తలెత్తింది. సగటు గృహ వినియోగం 1.2 శాతం మేర, ప్రభుత్వ వ్యయం 4.9 శాతం మేర పడిపోయింది. 2020 ప్రారంభంలో కరోనా వ్యాప్తి సమయంలోనూ జర్మనీ ఆర్థిక మాం ద్యాన్ని ఎదుర్కొన్నది. మహమ్మారి ప్రభావం నుంచి బయటపడుతున్న దశలో మరోసారి సంక్షోభం ఆ దేశాన్ని ఆవరించింది.
అగ్రరాజ్యం అమెరికా పరిస్థితీ జర్మనీకి తీసిపోకుండా ఉంది. భారీస్థాయిలో అప్పులు తీసుకుంటేగానీ అది గట్టెక్కేలా లేదు. ప్రభుత్వ రుణ పరిమితిని 31.4 ట్రిలియన్ డాలర్లకు పెంచే ప్రతిపాదనపై కొన్ని నెలలుగా పీటముడి పడింది. మరో తొమ్మిది రోజుల్లో దీనిపై ఒక నిర్ణయం తీసుకోకపోతే అమెరికా దివాలా తీయటమే. ఈ నేపథ్యంలో రుణ పరిమితి పెంపుపై ఆ దేశ చట్టసభల్లో తీవ్రమైన చర్చలు జరుగుతున్నాయి. సానుకూల ఫలితమే వస్తుందని ఐఎంఎఫ్ ఎండీ క్రిష్టలిన జార్జీవా ఆశాభావం వ్యక్తం చేశారు. ‘ప్రభుత్వ రుణపరిమితి పెంపుపై అమెరికాలో చర్చలు ఎప్పుడూ ఉద్రిక్తంగానే జరుగుతుంటాయి. అయితే, చివరికి పరిష్కారం కూడా లభిస్తుంది’ అని చెబుతూనే, అమెరికా దివాలా తీస్తే ప్రపంచ ఆర్థికరంగంపైనా తీవ్ర ప్రభావం పడుతుందని హెచ్చరించారు. మరోవైపు, కరోనాతో అతలాకుతలమైన చైనా పరిస్థితీ ఆశాజనకంగా లేదు. ప్రస్తుతం ఆ దేశం 10 ట్రిలియన్ డాలర్ల రుణ భారాన్ని మోస్తున్నది. అభివృద్ధి చెందుతున్న ఇతర దేశాల పరిస్థితి కూడా బాగాలేదు.
ప్రభుత్వాల పరిస్థితి ఇలా ఉండగా, ప్రైవేటు సంస్థలు పెద్ద ఎత్తున ఉద్యోగాల్లో కోత విధిస్తున్నాయి. ఈ ఏడాది ఇప్పటి వరకూ కనీసం రెండు లక్షల మంది టెకీలు ఉద్వాసనకు గురయ్యారు. దాదాపు 700 కంపెనీలు ఉద్యోగుల సంఖ్యను, కంపెనీ కార్యకలాపాలను తగ్గించాలని నిర్ణయించాయి. అంతర్జాతీయంగా అలుముకున్న ఈ పరిస్థితికి కరోనా, రష్యా-ఉక్రెయిన్ యుద్ధం తక్షణ కారణాలుగా కనిపిస్తున్నప్పటికీ, నిగూఢంగా పరిశీలిస్తే, ఇతరేతర అంశాలూ ఉన్నాయి. 1920 ల లో ఇటువంటి మాంద్యమే ప్రపంచాన్ని కమ్ముకున్నప్పటికీ, కొత్త ఆవిష్కరణలు, పెట్టుబడులు, అసమానతలపై పోరాటాలు దానిని పరిష్కరించాయి. నేడు మొదటిది ఉన్నప్పటికీ మిగిలిన రెండూ తగిన స్థాయిలో లేవు. పెట్టుబడులను పెంచటం, అసమానతలను తగ్గించటమే ఆర్థిక సంక్షోభాలను ఎదుర్కోవటానికి ఉన్న ఏకైక మార్గం. అసలే ఇబ్బందుల్లో ఉన్న భారత ఆర్థికవ్యవస్థ ఈ ఉత్పాతాన్ని ఎలా తట్టు కుంటుందో వేచి చూడాల్సిందే!
Read Today's Latest Editpage News in Telugu and Telugu News
RELATED ARTICLES
తాజా వార్తలు
Revanth Reddy | సిద్దిపేటలో సీఎం అబద్ధాల వరద.. అసలు నిజాలు ఏమిటో చర్చించుకుంటున్న జనం
Sampath Kumar | ఏఐసీసీ కార్యదర్శిగా సంపత్ ఔట్.. కమీషన్ల ఆరోపణల నేపథ్యంలోనే తొలగింపు?
Bigg Boss 10 | బిగ్ బాస్ హౌస్లో అమన్కు డబుల్ ధమాకా.. కొత్త కెప్టెన్గా విజయం,టికెట్ టు ఫినాలేకు నేరుగా ఛాన్స్!
Harish Rao | సిద్దిపేటలో పోటీకి నువ్వు సిద్ధమా.. ప్రజాక్షేత్రంలో నువ్వోనేనో తేల్చుకుందాం.. రేవంత్కు హరీశ్ సవాల్
Revanth Reddy | బీఆర్ఎస్తోనే మా పోటీ.. రాష్ట్ర రాజకీయాల్లో బీజేపీ ఉనికే లేదు: రేవంత్ రెడ్డి
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

