యువతా మే(ఏ)లుకో..

ఒకప్పుడు తెలంగాణ ప్రాంతం అంధకారమయం. సరైన సాగు, తాగునీరు లేదు. సంక్షేమ పథకాలు లేక ఈ ప్రాంతం అభివృద్ధికి నోచుకోలేదు. నేడు ‘సంక్షేమం అంటే ఇది’, ‘అభివృద్ధి అంటే ఇలాగే ఉంటుంద’ని నిరూపిస్తున్నది తెలంగాణ.

ఒకప్పుడు తెలంగాణ ప్రాంతం అంధకారమయం. సరైన సాగు, తాగునీరు లేదు. సంక్షేమ పథకాలు లేక ఈ ప్రాంతం అభివృద్ధికి నోచుకోలేదు. నేడు ‘సంక్షేమం అంటే ఇది’, ‘అభివృద్ధి అంటే ఇలాగే ఉంటుంద’ని నిరూపిస్తున్నది తెలంగాణ. రాష్ర్టాన్ని బంగారు తెలంగాణగా మార్చిన ఘనత కేసీఆర్‌ది. టీఆర్‌ఎస్‌ అంటే నాడు ఉద్యమ పార్టీనే. కానీ, నేడు ‘టీఆర్‌ఎస్‌’ అంటే సామాన్యుడి గెలుపు,సామాన్యుడి ప్రగతి అని యువత ఈ ప్రపంచానికి చాటి చెప్పాల్సిన సమయం ఆసన్నమైనది.

• నా తెలంగాణలో ఆడబిడ్డల కన్యాదానం కోసం ‘కల్యాణలక్ష్మీ’, ‘షాదీముబారక్‌’ పథకాలున్నాయని ప్రతి పేదింటి తల్లిదండ్రులకు కేసీఆర్‌ ఒక భరోసా.
• ఆడబిడ్డల ప్రసవాల కోసం ‘అమ్మ ఒడి’ ఉన్నది. చిన్నపిల్లల కోసం ‘కేసీఆర్‌ కిట్‌’, బాలింతలు, చిన్నారుల ఆరోగ్య పరిరక్షణకు ‘ఆరోగ్యలక్ష్మి’ పథకాలున్నాయనే భరోసా.
• ప్రపంచాన్ని శాసించేస్థాయిలో తెలంగాణ ఎస్సీ, ఎస్టీ, బీసీ గురుకులాల్లోని విద్యార్థులు విద్యనభ్యసిస్తున్నారనే ఒక భరోసా ప్రజలకు నేడు కేసీఆర్‌ రూపంలో ఉన్నది.
• నేడు రాష్ట్రంలోని వృద్ధులకు, వితంతువులకు, బీడీ కార్మికులకు, వికలాంగులకు ఆసరా పింఛన్లున్నాయన్న భరోసా లభిస్తున్నది.
• కంటిచూపు సరిగాలేని ‘అవ్వ, తాతల కండ్లల్లో ‘కంటివెలుగు’ పథకం ఆనందంతో వెలుగుతున్నది.
• రాష్ట్రంలోని ప్రతి నిరుపేదకు నేడు ‘డబుల్‌ బెడ్రూం ఇల్లు’తో తన సొంతింటి కల నెరవేరుతుందన్న భరోసా కలుగుతున్నది.
• ‘ఆత్మహత్యల’ నుంచి నేతన్నలను ఆత్మ విశ్వాసం వైపు నడిపించే ‘నేతన్న బీమా పథకం’ నేతన్నలకు భరోసా ఇస్తున్నది.
• ప్రతీ రైతుకు ‘నేనున్నానం’టూ రైతుబం ధు, రైతుబీమా పథకాలు భరోసా కలిగిస్తున్నాయి.
• ప్రతీ గ్రామానికి మిషన్‌ భగీరథ ద్వారా మంచినీరు అందుతున్నది. ప్రతి వర్షపు చుక్కను ఒడిసి పట్టుకొనే ‘మిషన్‌ కాకతీయ’ (మన ఊరు-మన చెరువు) సిద్ధంగా ఉన్నదన్న భరోసా కన్నా ఇంకేం కావాలి రైతన్నకు.
• గ్రామజ్యోతి, గ్రామీణ సంచార వైద్యశాల, తెలంగాణ పల్లె ప్రగతి ఉందన్న భరోసా నేడు ప్రతి గ్రామంలో కనపడుతున్నది.
• కాళేశ్వరం ప్రాజెక్టుతో తెలంగాణ సస్యశ్యామలమైంది. తెలంగాణ విద్యుత్‌ కోతలులేని రాష్ట్రంగా విరాజిల్లుతున్నది.
• డాక్టర్‌ అంబేద్కర్‌ ఆశయ సాధనకు రాష్ట్ర ప్రభుత్వం పెద్దపీట వేస్తున్నది. అందుకే ‘దళితబంధు’ను అమలుచేస్తున్నది.
• ఓ దిక్కు టీ-హబ్‌ (ఆలోచనతో రండి- ఆవిష్కరణలతో వెళ్లండి), మరోదిక్కు ‘టీ.ఎస్‌ -ఐపాస్‌’ వంటి పథకాలు విద్యార్థులకు ఉద్యోగ భరోసాన్నందిస్తున్నాయి.
• ఫార్మాసిటీతో యావత్‌ ప్రపంచానికే మన హైదరాబాద్‌ ఔషధ కేంద్రంగా మారనున్నదన్న భరోసాతో రాష్ట్రం ఉన్నది.
• తెలంగాణలో యాదాద్రికి పునర్‌వైభవం వచ్చింది. హైదరాబాద్‌ నగరం అంతర్జాతీయ కార్యకలపాలకు కేంద్రంగా మారింది.

అందుకే టీఆర్‌ఎస్‌ అన్నా, కేసీఆర్‌ అన్నా ప్రజలకు ఒక నమ్మకం, ఒక భరోసా. అర్జునుడి రథసారధిగా కృష్ణుడు ఏ విధంగా నడిపించాడో తెలియదు గానీ, తెలంగాణ అభివృద్ధికి రథసారథిగా కేసీఆర్‌ కృషి మాత్రం అద్భుతం. అందుకే యువతా మే(ఏ)లుకో.. కేసీఆర్‌పై మనకున్న భరోసా ఏమిటో మునుగోడు ద్వారా మరోసారి నిరూపించు.

శ్రీనివాస్‌ కాదాసు 91773 86586