ప్రైవేటీకరణ వద్దు

దేశంలోని అన్ని ప్రభుత్వ రంగాల మాదిరిగానే, బ్యాంకులు కూడా భారీ సంఖ్యలో ఉన్న ఖాళీ పోస్టులతో బాధపడుతున్నాయి. ఒకవైపు లక్షలాది పోస్టులు భర్తీకాక ఖాళీగా ఉంటే, మరోవైపు ప్రభుత్వరంగ బ్యాంకుల్లో కాంట్రాక్టు కార్మికుల సంఖ్య పెరిగిపోతున్నది. ఈ కాంట్రాక్టు కార్మికులు తీవ్ర దోపిడీకి గురవుతున్నారు.

దేశంలోని అన్ని ప్రభుత్వ రంగాల మాదిరిగానే, బ్యాంకులు కూడా భారీ సంఖ్యలో ఉన్న ఖాళీ పోస్టులతో బాధపడుతున్నాయి. ఒకవైపు లక్షలాది పోస్టులు భర్తీకాక ఖాళీగా ఉంటే, మరోవైపు ప్రభుత్వరంగ బ్యాంకుల్లో కాంట్రాక్టు కార్మికుల సంఖ్య పెరిగిపోతున్నది. ఈ కాంట్రాక్టు కార్మికులు తీవ్ర దోపిడీకి గురవుతున్నారు.

దేశంలోని ప్రభుత్వ బ్యాంకుల్లో పనిచేసే కాంట్రాక్టు కార్మికులకు సరిపడా శిక్షణ కూడా ఇవ్వకపోవడం గమనార్హం. ఇవన్నీ కస్టమర్లకు సేవలను ప్రభావితం చేస్తాయి. ఇది బ్యాంకు ఉద్యోగులు, కస్టమర్ల మధ్య విభజనలను సృష్టించడానికి ఉపయోగించబడుతుంది.

బ్యాంకులు ఒకవైపు ఎస్‌ఎంఎస్‌ చార్జీలు, ఏటీఎం చార్జీలు, ట్రాన్సాక్షన్‌ చార్జీలు, పాస్‌బుక్‌ చార్జీలు తదితరాలు వసూలు చేస్తూ వినియోగదారులను దోచుకుంటున్నాయి. ఆర్థిక సంస్కరణలు ప్రారంభించిన తర్వాత వచ్చిన ప్రభుత్వాలు బ్యాంకుల ప్రైవేటీకరణకు శ్రీకారం చుట్టాయి. పెట్టుబడిదారులు తమ ప్రత్యక్ష నియంత్రణను కోరుకునే అత్యంత ప్రియమైన రంగాలలో బ్యాంకింగ్‌ రంగం ఒకటి. బడా పెట్టుబడిదారులకు ఏటా లక్షల కోట్ల రూపాయల రుణాలు మాఫీ చేయబడుతున్నాయి. బడా పారిశ్రామికవేత్తలు, కార్పొరేట్‌ వ్యక్తులకు బ్యాంకుల ప్రైవేటీకరణ నేరుగా ప్రయోజనం చేకూరుస్తుంది. ప్రైవేటు బ్యాంకులు కేవలం లాభం కోసమే పనిచేస్తూ ప్రజల పొదుపులను దోపిడీ చేస్తున్నాయి. ప్రజల పొదుపును కార్పొరేట్‌ శక్తులు గుప్పిట్లో పెట్టుకొని సామాన్యులకు రుణాలపై వడ్డీ బాగా పెంచుతున్నారు. వ్యవసాయం, చిన్న వ్యాపారాలు, విద్యా రుణాలు మొదలైనవి అవసరమైన వారికి రుణాలు నిరాకరించబడుతున్నాయి.

ప్రైవేటు బ్యాంకులలో ఉన్నతస్థాయి అవినీతి జరుగుతున్నది. బ్యాంకుల జాతీయీకరణకు ముందు 558 బ్యాంకులు దివాళా తీశాయి. ఆ తర్వాత 38 ప్రైవేట్‌ బ్యాంకులు దివాళా తీశాయి. అందువల్ల, బ్యాంకులను ప్రైవేటీకరించినట్లయితే ప్రజలు పొదుపు చేసిన సొమ్ము 187 లక్షల కోట్ల రూపాయలకు రక్షణ లేకుండా పోతుంది. బ్యాంకుల ప్రైవేటీకరణ అనేది బ్యాంకు ఉద్యోగులు, బ్యాంకు ఖాతాదారులపై అంటే మనలో ప్రతి ఒక్కరిపై దాడిగా భావించాలి. ఏ ప్రజా సేవ అయినా ప్రైవేటీకరించకూడదు. బ్యాంకుల ప్రైవేటీకరణకు వ్యతిరేకంగా జరిగే ఆందోళనలలో అందరూ చేతులు కలపాలి.

-ఆళవందార్‌ వేణుమాదవ్‌
86860 51752