Fire and safety | ఫైర్‌, సేఫ్టీ కోర్సులకు దరఖాస్తుల ఆహ్వానం..

కాచిగూడ : నేషనల్‌ సెంటర్‌ ఫైర్‌, సేఫ్టీ, ఇంజనీరింగ్‌ ఆధ్వర్యంలో హైదరాబాద్‌లో నిర్వహించు కేంద్ర ప్రభుత్వ ఫైర్‌, సేఫ్టీ కోర్సులకు అర్హత, ఆసక్తి గల నిరుద్యోగ అభ్యర్థుల నుంచి తెలంగాణ వ్యాప్తంగా ధరఖాస్తులను ఆహ్వానిస్తున్నట్లు ఆ సంస్థ డైరెక్టర్‌ ఆడప విమలారెడ్డి తెలిపారు.

మంగళవారం ఆమె విలేకరులతో మాట్లాడుతూ ఉపాధి కోసం ఫైర్‌, సేఫ్టీ కోర్సులలో చేరేందుకు ఇంటర్మీడియట్‌, డిప్లొమా, డిగ్రీ, ఇంజనీరింగ్ పూర్తి చేసిన యువతీ, యువకులు ఈ కోర్సులలో చేరేందుకు అర్హులని ఆమె పేర్కొన్నారు. ఫైర్‌ అండ్‌ సేఫ్టీ, సేప్టీ కోర్సులు పూర్తి చేసిన అభ్యర్థులు పేరొందిన పరిశ్రమలు, ఫ్యాక్టరీలు, వివిధ నిర్మాణరంగ సంస్థలు, ఎయిర్‌పోర్ట్‌, పవర్‌ ప్లాంట్స్​‍, పేరొందిన దవాఖానల్లో ఉద్యోగ అవ‌కాశాలు ఉంటాయ‌న్నారు.

అలాగే అయిల్‌ కంపెనీలు, గ్యాస్ ఇండస్ట్రీస్, దేశ, విదేశ స్టార్‌ హోటల్స్​‍, బిగ్‌మాల్స్​‍, ఫార్మాస్పూటికల్‌ ఇండస్ట్రీస్, రైల్వేస్, మైనింగ్‌ మొదలగు సంస్థలలో ఫైర్‌ ఆఫీసర్‌, సేఫ్టీ ఇంజనీర్‌, సేఫ్టీసూపర్‌వైజర్‌, ఫైర్‌మెన్‌, సెక్యూరిటీ మేనేజర్‌లుగా అవకాశాలు పొందవచ్చని ఆమె వెల్లడించారు. ఆసక్తి గల యువకులు ఈ నెల 25వ తేదీలోపు ధరఖాస్తు చేసుకోవాలని కోరారు. వివరాలకు www.ncttindia.com , 9701496748 లో సంప్రదించవచ్చని తెలిపారు.