రైతు బాంధవుడు కేసీఆర్‌: ఎమ్మెల్యే బిగాల

ఖలీల్‌వాడి, జనవరి 12: పంట పెట్టుబడి సాయం కింద రాష్ట్ర రైతాంగానికి రూ.50వేల కోట్లు అందజేసిన సీఎం కేసీఆర్‌.. రైతు బాంధవుడని నిజామాబాద్‌ అర్బన్‌ ఎమ్మెల్యే బిగాల గణేశ్‌గుప్తా అన్నారు. నిజామాబాద్‌ నగర పరిధిలోని అర్సపల్లిలో బుధవారం నిర్వహించిన రైతుబంధు సంబురాల్లో పాల్గొన్నారు. రైతులతో కలిసి ర్యాలీ నిర్వహించి సీఎం కేసీఆర్‌ చిత్రపటానికి క్షీరాభిషేకం చేశారు. ఈ సందర్భంగా ఎమ్మెల్యే మాట్లాడుతూ.. కరోనా సంక్షోభంలోనూ రైతుల క్షేమాన్ని దృష్టిలో పెట్టుకొని ఎలాంటి ఆటకం లేకుండా రైతుబంధు సాయాన్ని అందజేస్తున్నారని తెలిపారు. ప్రపంచంలోనే అతిపెద్ద లిఫ్ట్‌ ఇరిగేషన్‌ కాళేశ్వరం ప్రాజెక్టును నిర్మించి బీడు భూములను సస్యశ్యామలం చేశారని కొనియాడారు. వ్యవసాయానికి 24 గంటల ఉచిత కరెంటు, రైతుబంధు, రైతుబీమా వంటి పథకాలతోపాటు సకాలంలో ఎరువులు, విత్తనాలు అందజేసి అన్నదాతకు అండగా నిలుస్తున్నారని వివరించారు. కార్యక్రమంలో నగర మేయర్‌ దండు నీతూ కిరణ్‌, నుడా చైర్మన్‌ ప్రభాకర్‌రెడ్డి, రైతులు పాల్గొన్నారు.

రైతు సంక్షేమమే ప్రభుత్వ ధ్యేయం..

• జడ్పీ చైర్మన్‌ దాదన్నగారి విఠల్‌రావు
  మాక్లూర్‌/కమ్మర్‌పల్లి/ఆర్మూర్‌/రెంజల్‌, జనవరి 12: రైతు సంక్షేమమే ప్రభుత్వ ధ్యేయమని జడ్పీ చైర్మన్‌ దాదన్నగారి విఠల్‌రావు అన్నారు. మాక్లూర్‌ మండలంలోని మాదాపూర్‌ గ్రామంలో రైతు శేఖర్‌రావు పొలంలో సీఎం కేసీఆర్‌ చిత్రపటానికి రైతులతో కలిసి క్షీరాభిషేకం చేశారు. ఈ సందర్భంగా ఆయన మాట్లాడుతూ.. కేంద్రం రైతు వ్యతిరేక విధానాలను అవలంబిస్తున్నదని అన్నారు. కార్యక్రమంలో ఎంపీడీవో శ్రీనివాస్‌, ఏవో పద్మ, కేసీఆర్‌ సేవాదళ్‌ జిల్లా అధ్యక్షుడు రమణారావు, ఎంపీటీసీ లలిత తదితరులు పాల్గొన్నారు. కమ్మర్‌పల్లి మండలంలోని బషీరాబాద్‌లో సర్పంచ్‌ సక్కారం అశోక్‌, ఉపసర్పంచ్‌ విక్రమ్‌ ఆధ్వర్యంలో మహిళలకు ముగ్గుల పోటీలను నిర్వహించి బహుమతులను అందజేశారు. ఆర్మూర్‌ మండలంలోని ఇస్సాపల్లిలో సర్పంచ్‌ దార్ల దీవెనా రాజు ఆధ్వర్యంలో రైతులు కేక్‌ కట్‌ చేసి సీఎం కేసీఆర్‌, మంత్రి కేటీఆర్‌, ఎమ్మెల్యే జీవన్‌రెడ్డి, ఎమ్మెల్సీ కవిత ఫ్లెక్సీకి క్షీరాభిషేకం చేశారు. రెంజల్‌ మండలంలోని దూపల్లి గ్రామంలో సీఎం కేసీఆర్‌ చిత్ర పటానికి టీఆర్‌ఎస్‌ మండలాధ్యక్షుడు భూమారెడ్డి ఆధ్వర్యంలో రైతులు క్షీరాభిషేకం చేశారు. కార్యక్రమంలో రైతుబంధు జిల్లా డైరెక్టర్‌ మౌలానా, ఉపసర్పంచ్‌ సాయిలు, ఎంపీటీసీ మొగులాబాయి, సీఈవో జీవన్‌రెడ్డి తదితరులు పాల్గొన్నారు. బాగేపల్లిలో మహిళలకు ముగ్గుల పోటీలను నిర్వహించి సర్పంచ్‌ సాయిలు బహుమతులను అందజేశారు.