Tirumala | ఈనెల 18న జూన్ నెల తిరుమల దర్శన కోటా విడుదల

Tirumala | తిరుమల శ్రీ వేంకటేశ్వరస్వామిని దర్శించుకునేందుకు జూన్‌ నెల కు సంబంధించిన వివిధ దర్శనాలు , గదుల కోటా వివరాలను టీటీడీ ఈనెల 18న విడుదల చేయనుంది.

తిరుమల : కలియుగ ప్రత్యక్షదైవం తిరుమల( Tirumala ) శ్రీ వేంకటేశ్వరస్వామిని దర్శించుకునేందుకు గాను జూన్‌ నెల ( June Month ) కు సంబంధించిన వివిధ దర్శనాలు( Darsan ) , గదుల (Rooms ) కోటా వివరాలను టీటీడీ ఈనెల 18న విడుదల చేయనుంది.

తిరుమ‌ల శ్రీ‌వారి ఆర్జిత సేవా టికెట్ల ( సుప్రభాతం, తోమాల, అర్చన, అష్టదళ పాదపద్మారాధన సేవ) కు సంబంధించిన మే నెల కోటాను మార్చి 18న ఉదయం 10 గంట‌ల‌కు ఆన్‌లైన్‌లో విడుదల చేయ‌నున్నట్లు ప్రకటించారు. ఈ సేవా టికెట్లు ఎలక్ట్రానిక్ డిప్ కోసం మార్చి 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చని సూచించింది. ఈ టికెట్లు పొందిన వారు మార్చి 20 నుంచి 22వ తేదీ మధ్యాహ్నం 12 గంటల లోపు సొమ్ము చెల్లించిన వారికి టికెట్లు మంజూరవుతాయని వెల్లడించింది.

21న ఆర్జిత సేవా టికెట్లైయిన కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ, జ్యేష్ఠాభిషేకం టికెట్లను ఉదయం 10 గంటలకు, వర్చువల్ సేవలు, వాటి దర్శన స్లాట్లకు సంబంధించిన కోటాను 3 గంటలకు ఆన్‌లైన్‌లో విడుదల చేయ‌నున్నామని అధికారులు వివరించారు.

23న ఉదయం 10 గంటలకు అంగ ప్రదక్షిణ టోకెన్లు విడుదల, శ్రీవాణి ట్రస్టు దర్శన టికెట్ల కోటాను ఉదయం 11 గంటలకు, మధ్యాహ్నం 3 గంట‌ల‌కు వ‌యోవృద్ధులు, దివ్యాంగులు, దీర్ఘకాలిక వ్యాధులున్నవారు తిరుమల శ్రీ‌వారిని ద‌ర్శించుకునేందుకు వీలుగా ఉచిత‌ ప్రత్యేక ద‌ర్శనం టోకెన్ల కోటాను విడుదల చేయనున్నారు.

24న ఉదయం 10 గంటలకు ప్రత్యేక ప్రవేశ దర్శన టికెట్ల కోటాను , మధ్యాహ్నం 3 గంటలకు
తిరుమ‌ల‌, తిరుప‌తిల‌లో గదుల కోటాను విడుదల చేస్తామని, భక్తులు https://ttdevasthanams.ap.gov.in వెబ్‌సైట్ ద్వారా శ్రీ‌వారి ఆర్జిత‌సేవ‌లు, ద‌ర్శన టికెట్లు బుక్ చేసుకోవాల‌ని కోరారు.