స్పాలో దారుణం : మ‌హిళ‌కు మ‌ద్యం తాగించి సామూహిక లైంగిక దాడి
దేశ రాజ‌ధానిలోని పీతంపురా ప్రాంతంలో ఓ స్పాలో మ‌హిళ (22)పై స్పా మేనేజర్, క‌స్ట‌మ‌ర్ సామూహిక లైంగిక దాడికి పాల్ప‌డిన ఘ‌ట‌న క‌ల‌క‌లం రేపింది.
న్యూఢిల్లీ : దేశ రాజ‌ధానిలోని పీతంపురా ప్రాంతంలో ఓ స్పాలో మ‌హిళ (22)పై స్పా మేనేజర్, క‌స్ట‌మ‌ర్ సామూహిక లైంగిక దాడికి పాల్ప‌డిన ఘ‌ట‌న క‌ల‌క‌లం రేపింది. ఈ ఘ‌ట‌న‌కు సంబంధించి బాధితురాలు శ‌నివారం ఢిల్లీ మ‌హిళా క‌మిష‌న్ (డీసీడ‌బ్ల్యూ)ను ఆశ్ర‌యించింది.
డీసీడ‌బ్ల్యూ చీఫ్ స్వాతి మ‌లివాల్ సామూహిక లైంగిక దాడిపై నివేదిక స‌మ‌ర్పించాల‌ని ఢిల్లీ పోలీసుల‌కు నోటీసు జారీ చేశారు. పీతంపుర‌లోని ఓష‌న్ స్పాలో బాధితురాలు ప‌నిచేస్తుండ‌గా ఈ దారుణం జ‌రిగింది. స్పా మేనేజర్ త‌న‌ను ఓ క్లైంట్‌కు ప‌రిచయం చేశాడ‌ని వారు పానీయంలో మ‌త్తు మందు క‌లిపి త‌న‌కు ఇచ్చార‌ని డీసీడబ్ల్యూకు మ‌హిళ తెలిపింది. తాను స్ప్ర‌హ కోల్పోగానే ఇద్ద‌రు సామూహిక అత్యాచారం చేశార‌ని వెల్ల‌డించింది.
ఈ విష‌యం ఎవ‌రికి చెప్ప‌వ‌ద్ద‌ని త‌న‌కు డ‌బ్బు ఆఫ‌ర్ చేశాడ‌ని తెలిపింది. ఈ ఘ‌ట‌న‌పై స్పందించిన డీసీడ‌బ్ల్యూ చీఫ్ స్వాతి మ‌లివాల్ ఢిల్లీ పోలీసుల‌తో పాటు ఢిల్లీ మున్సిప‌ల్ కార్పొరేష‌న్ (ఎంసీడీ)కు నోటీసులు ఇచ్చారు. ఎఫ్ఐఆర్ కాపీతో పాటు ఘ‌ట‌న‌లో అరెస్ట‌యిన నిందితుల వివ‌రాల‌ను స‌మ‌ర్పించాల‌ని స్వాతి మ‌లివాల్ కోరారు.
Read Today's Latest Crime News in Telugu and Telugu News
- Follow Us :
-
