ఆటోను ఢీకొట్టిన లారీ..గర్భిణి మృతి

వరంగల్ రూరల్ : జిల్లాలో విషాదం చోటు చేసుకుంది. వరంగల్ - ములుగు జాతీయ రహదారిలో దామెర మండలం ఊరుగొండ గ్రామం వద్ద జరిగిన రోడ్డు ప్రమాదంలో ఓ గర్భిణి చెందగా పలువురికి గాయాలయ్యాయి. స్థానికుల కథనం మేరకు.. నల్లబెల్లి మండల కేంద్రం నుంచి వరంగల్ వెళ్తున్న ఆటోను ఎదురుగా వస్తున్న లారీ ఢీకొంది. ఆటోలోని ప్రయాణికుల్లో నల్లబెల్లి మండల కేంద్రానికి చెందిన గర్భిణి గంగారపు సంగీత (30) అక్కడికక్కడే మృతి చెందింది. మరొకరికి తీవ్ర గాయాలయ్యాయి. క్షతగాత్రులను దవాఖానకు తరలించారు. సంఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.